काठमाडौं, ५ चैत । प्रतिनिधि सभाको शिक्षा, स्वास्थ्य तथा सूचना प्रविधि समितिको निर्वाचन चैत ७ गते हुने भएको छ ।
सोमबार बसेको प्रतिनिधि सभाको बैठकमा सभापति निर्वाचनको मिति तय भएको हो । सभापतिको निर्वाचन सम्बन्धी तालिका संसद्का महासचिव पद्यप्रसाद पाण्डेयले सार्वजनिक गर्नेछन् ।
यसअघि समितिको सभापति रहेका भानुभक्त जोशी २३ फागुनमा संघीय मामिला तथा सामान्य प्रशासन मन्त्रालयमा नियुक्त भएका थिए । यससँगै रिक्त रहेको समिति सभापतिका लागि ७ चैतमा निर्वाचन हुन लागेको हो ।
