काठमाडौं, ८ चैत । इन्डोनेशियाको राष्ट्रपतिमा प्रबोवो सुबिआन्तो निर्वाचित भएका छन् । इन्डोनेशियामा अघिल्लो महिना राष्ट्रपती चुनाव भएको थियो । उक्त चुनावमा ७२ वर्षीय सुबिआन्तो ५८ दशमलव ५९ प्रतिशत मत ल्याएर राष्ट्रपति निर्वाचित भएको अन्तर्राष्ट्रिय सञ्चार माध्यमहरूले जनाएका छन् ।
सुबिआन्तोका निकटतम प्रतिद्वन्द्वी अनिस बसवेडनले २५ प्रतिशत र गन्जर प्रणोवोले १६ प्रशित मत पाएका थिए । निर्वाचित भएपछि पहिलो वक्तव्य दिँदै उनले इन्डोनेशियाका जनताको भलाइका लागि हरसम्भव कडा परिश्रम गर्ने बताएका छन् । उनले आगामी अक्टोबरमा वर्तमान राष्ट्रपति जोको विडोडोको स्थान लिनेछन् ।
