काठमाडौं, १४ चैत । आइसीएफसी फाइनान्स कम्पनी लिमिटेडले विभिन्न पदका लागि कर्मचारी माग गरेको छ । कम्पनीले सूचना जारी गर्दै शाखा प्रमुख देखि मानव संशासन अफिसर र सहायक स्तरका सम्म्का लागि कर्मचारी माग गरेको हो ।
कम्पनीले बागमती,गण्डकी,लुम्बिनी र कोशी प्रदेशका लागि शाखा प्रमुख माग गरेको छ । यो पदका लागि वाणिज्यशास्त्रमा स्नातक गरेको हुनुपर्ने, आवेदकको उमेर ४० वर्ष नकटेको र बैंक तथा वित्तीय संस्थामा कम्तीमा ५ वर्ष काम गरेको अनुभव हुनुपर्ने कम्पनीले जनाएको छ । यस्तै मानव संशाधन अफिसरका लागि पनि वाणिज्यशास्त्रमा स्नातक गरेको हुनुपर्ने,४० वर्ष उमेर नकटेको र बैंक तथा वित्तीय संस्थामा कम्तीमा २ वर्ष काम गरेको अनुभव हुनुपर्नेछ ।
बागमती,गण्डकी, लुम्बिनी र कोशी प्रदशेका लागि माग गरिएको सहायक पदका लागि कम्तीमा वाणिज्यशास्त्रमा स्नातक गरेको,३० वर्ष उमेर नकटेको र बैंक तथा वित्तीय क्षेत्रमा कम्तीमा २ वर्ष काम गरेको हुनुपर्नेछ । इच्छुक र योग्यता पुगेको आवेदकले सूचना प्रकाशित भएको १५ दिनभित्र आवेदन दिनुपर्ने कम्पनीले जनाएको छ ।
