काठमडौं, २ बैसाख । धादिङमा ट्रक दुर्घटना हुँदा एक जनाको मृत्यु भएको छ भने ट्रकमा सवार ८ जना घाइते भएका छन् ।
जिल्ला प्रहरी कार्यालय धादिङका एसपी गौतम मिश्रले नीलकण्ठ नगरपालिका–५ दाउन्ने खोलामा ट्रक दुर्घटना हुँदा एक जनाको मृत्यु भएको जानकारी दिए । उनका अनुसार मृत्यु हुनेको पहिचान भने खुल्न बाँकी छ ।
घाइते ८ जनालाई उद्दार गरी जिल्ला अस्पताल धादिङतर्फ लगिदै गरेको एसपी मिश्रले बताए ।
