काठमाडौं, ५ बैसाख । टोयोटा गाडीको नेपालका लागि आधिकारिक बिक्रेता युनाइटेड ट्रेडर्सले आगामी वैशाख ८ गते विमेन्स मोटर ¥याली आयोजना गर्ने भएको छ । उक्त ¥यालीको उद्देश्य अटोमोटिभ क्षेत्रका महिलामाझ सौहार्दता र साहसिक भावनाको प्रवर्द्धन गर्नु रहेको कम्पनीले जनाएको छ ।
कम्पनीले जारी गरेको विज्ञप्तिमा भनिएको छ, ‘२० वर्षअघिदेखि सुरू भएको ¥याली मोटर स्पोर्टस्को क्षेत्रमा महिलाहरूको क्षमता अभिवृद्धि गर्ने एउटा महत्त्वपूर्ण कार्यक्रम रहँदै आएको छ । ¥यालीले महिलाहरूलाई सशक्तीकरण र प्रेरणादायी बन्दै परम्परागत घेराबाट माथि उठ्न सघाउने विश्वास छ ।’
कम्पनीले ¥यालीमा सबै क्षेत्रका महिलाले सहभागिता जनाउन सक्ने भन्दै सहभागिताका लागि आह्वान समेत गरेको छ । ¥यालीमा कुनै पनि गाडीमार्फत सहभागिता जनाउन सकिने छ ।
यो ¥याली मोटर स्पोर्ट्स अन्तर्गत पर्ने रेसिङ्ग विधाको टिडिएस ¥याली हो । समय, दुरी, र गति अर्थात टीडीएस ¥याली अन्तर्गत गन्तव्यसम्म पुग्न विभिन्न चेक प्वाइन्ट निर्धारण गरी बाटोको प्रकृति हेरेर एभरेज स्पीड तय गरिएको हुनेछ र त्यसैलाई मध्यनजर गरि अन्त्यमा विजेताको घोषणा हुनेछ ।
काठमाडौँको विभिन्न सहरहरु परिक्रमा हुनुको साथै संस्कृतिक सम्पदा हुदै गन्तव्यमा पुगी ¥यालीको समापन हुनेछ ।
