काठमाडौं, १७ वैशाख । यूनाइटेड अजोड इन्स्योरेन्स लिमिटेडले कृषि पशुपन्छी तथा जडीबुटी बीमा अभिकर्ताको तालिम तथा परीक्षा सञ्चालन गर्ने भएको छ ।
सोमबार एक सूचना प्रकाशन गर्दै वैशाख २१ गते देखि २३ गतेसम्म तालिम सञ्चालन गर्ने जनाएको हो । उक्त तालिम सञ्चालन गुल्मीको तम्घासमा हुने कम्पनीले जनाएको छ । बिहानको ९ बजेदेखि अपराह्न ५ बजेसम्म सञ्चालन हुने छ ।
तालिममा न्यूनतम एसएलसी वा सो सरहको परीक्षा उत्तीर्ण गरेका र कृषि, पशु वा वनस्पति विज्ञानमा कम्तीमा एक वर्षको प्राविधिक तालिम प्राप्त गरी उत्तीर्ण भएका व्यक्ति वा संस्थाका प्रतिनिधिहरूले सहभागिता जनाउन सक्ने कम्पनीले बताएको छ ।
इच्छुक व्यक्तिले आवश्यक कागजात सहित वैशाख २० गतेभित्र निवेदन पठाउनुपर्नेछ ।
