काठमाडौं, १ माघ । चालू आर्थिक वर्ष (आव) २०८१/८२ को पहिलो ६ महिनामा सरकारकोे पुँजीगत खर्च १६ दशमलव १६ प्रतिशत भएको छ ।
महालेखा नियन्त्रक कार्यालयको तथ्याङ्क अनुसार पुससम्ममा विकास लक्षित पुँजीगत खर्च ५६ अर्ब ९३ करोड रुपैयाँ भएको छ, जुन गत आवको यसै अवधिको तुलनामा १५ दशमलव ६३ प्रतिशतले बढी हो । गत आवको पहिलो ६ महिनामा यस्तो खर्च ४९ अर्ब २३ करोड रुपैयाँ भएको थियो ।
चालू आवका लागि सरकारले पुँजीगत खर्चतर्फ ३ खर्ब ५२ अर्ब ३५ करोड रुपैयाँ विनियोजन गरेको छ । गत आवमा यस्तो बजेट ३ खर्ब २ अर्ब ७ करोड विनियोजन गरिएको थियो ।
