काठमाडौं, १० चैत । साताको पहिलो कारोबारको दिन आइतबार नेपाल स्टक एक्सचेन्ज (नेप्से) परिसूचक उच्च अङ्कले घटेको छ । आज नेप्से परिसूचक ५३ दशमलव ०४ अङ्कले घटेर दुई हजार ६१६ दशमलव २६ बिन्दुमा पुगेको हो ।
आज १ करोड २३ लाख ७१ हजार २८० कित्ता शेयर किनबेच हुँदा ६ अर्ब ३२ करोड १ लाख रुपैयाँ बराबरको कारोबार भएको छ । अघिल्लो कारोबार दिन बिहीबार ४ अर्ब ५६ करोड १३ लाख रुपैयाँ बराबरको कारोबार भएको थियो ।
आज १३ धितोपत्रको मात्रै शेयर मूल्य बढेको छ भने २३० को घटेको छ । यसदिन कुल ३१७ धितोपत्र कारोबारमा आएका छन् ।
आइतबार सबै उपसमूहको परिसूचक घटेको छ । आज फाइनान्स उपसमूहको परिसूचक सर्वाधिक २ दशमलव ९९ प्रतिशत घटेको छ । व्यापार २ दशमलव ८५, विकास बैंक २ दशमलव ४२, माइक्रोफाइनान्स २ दशमलव ३६, हाइड्रोपावर २ दशमशलव ३३ र होटेल तथा पर्यटन उपसूचक २ दशमलव २३ प्रतिशतले ह्रास आएको छ ।
आज कुथेली बुखरीको ८ दशमलव ७२, एनएबी ५० को ३ दमलव ९४ र आइसीएफसी डिबेञ्चरका इकाईधनीको ३ दशलमव ८९ प्रतिशतले शेयर मूल्य बढेको छ । यसैगरी मिथिला लघुवित्त वित्तीय संस्थाको शेयर मूल्यमा नकारात्मक सर्किट लागेको छ । त्यस्तै सयपत्री हाइड्रोको ७ दशमलव ३४, उपकार लघुवित्त वित्तीय संस्थाको ६ दशमलव ८७ र अपर सोलु हाइड्रोको शेयर मूल्य ६ दशमलव ८३ प्रतिशतले घटेको छ ।
