काठमाडौं, ११ चैत । सोमबार नेपाली बजारमा सुनको मूल्य घटेको छ । आज सुन प्रतितोला ६ सय रुपैयाँले घटेको हो ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ७३ हजार पाँच सय रुपैयाँमा कारोबार भइरहेको छ । अघिल्लो कारोबार दिन आइतबार प्रतितोला १ लाख ७४ हजार एक सय रुपैयाँमा कारोबार भएको थियो ।
त्यस्तै आज चाँदीको मूल्य भने स्थिर रहेको छ । आइतबार प्रतितोला चाँदी १ हजार ९८० रुपैयाँ कायम भएको थियो । आज पनि सोही मूल्यमा नै कारोबार भइरहेको महासंघले जनाएको छ ।
