काठमाडौं, १२ चैत । मंगलबार नेपाली बजारमा सुनको मूल्य घटेको छ । सोमबार तोलामा ६ सय रुपैयाँले घटेको सुनको मूल्य आज पनि २ सय रुपैयाँले घटेको हो ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ७३ हजार ३ सय रुपैयाँमा कारोबार भईरहेको छ । अघिल्लो दिन सुन १ लाख ७३ हजार ५ सय रुपैयाँमा कारोबार भएको थियो ।
त्यस्तै आज पनि चाँदीको मूल्य स्थिर नै छ । यस दिन चाँदी १ हजार ९ सय ८० रुपैयाँमा कारोबार भइरहेको महासंघले जनाएको छ । सोमबार पनि चाँदी आइतबारकै मूल्यमा यथावत रही सोही मूल्यमा कारोबार भएको थियो ।
