काठमाडौं, १९ चैत । मंगलबार नेपाल स्टक एक्सचेन्ज (नेप्से) परिसूचक १५ दशमलव ५७ अङ्कले घटेको छ । यो ह्राससँगै परिसूचक २ हजार ६ सय ७७ दशमलव ५५ को विन्दुमा बन्द भएको छ ।
आज परिसूचक घटेसँगै कारोबार रकम पनि घटेको छ । कारोबारको अघिल्लो दिन आइतबार ७ अर्ब ५६ करोड कारोबार भएकोमा आज ५ अर्ब ७९ करोड ७७ लाख रुपैयाँको कारोबार भएको छ । यस दिन १ करोड ६ लाख ७० हजार ६४९ कित्ता शेयर ५६ हजार ५४८ पटक किनबेच भएको छ ।
मंगलबार ३२० धितोपत्र कारोबारमा आए, जसमध्ये २०१ धितोपत्रको मूल्य घटेको छ भने ४२ धितोपत्रको मूल्य बढेको ।
आज कारोबार भएका १३ समूहको उपसूचकमध्ये व्यापार समूहको उपसूचक ३ दशमलव ८० प्रतिशतले बढेदा बाँकी सबै समूहको उपसूचक घटेको छ । आज फाइनान्स समूहको उपसूचक सबैभन्दा धेरै १.८४ प्रतिशतले घटेको छ । त्यस्तै होटल एन्ड टुरिजममको १.७४, माइक्रोफाइनान्सको १.१०, हाइड्रोपावरको ०.९९, विकास बैंकको ०.९५, बैंकिङको ०.७४, जीवन बीमाको ०.६३, उत्पादनमुलक समूहको ०.५२, लगानी समूहको ०.४४, निर्जीवन बीमाको ०.३८, म्युचुअल फन्डको ०.०२ र अन्य समूहको उपसूचक १.३९ प्रतिशतले घटेको छ ।
आइतबार गार्डियन माइक्रोलाइफ इन्स्योरेन्सको शेयर मूल्यमा सकारात्मक सर्किट लागेको छ । त्यस्तै विशाल बजार कम्पनीको ४.५३, राधि विद्युतको ४.२३, सयपत्री हाइड्रोको ४.२१ र एनआरएन इन्फ्रास्ट्रक्चरको ३.५६ प्रतिशतले शेयर मूल्य बढेको छ ।
यस दिन गुराँस लघुवित्तको मूल्य सबैभन्दा धेरै ५.५ प्रतिशतले घटेको छ । छ्याङ्दी हाइड्रोको ४.३६, उपकार लघुवित्तको ४.०५, दोर्दी हाइड्रोपावरको ३.६५ र आरबीबी म्युचुअल फन्डको ३.५४ प्रतिशतले शेयर मूल्य घटेको छ ।
कारोबार रकमका आधारमा हिमालयन रिइन्स्योरेन्स, एनआरएन इन्फ्रास्ट्रक्चर, सीईडीबी होल्डिङ्स, नेपाल पुनर्बीमा र हिमालयन पावर पार्टनर क्रमशः अगाडि छन् ।
