सुनको मूल्य स्थिर हुँदा चाँदीको बढ्यो

काठमाडौं, १२ साउन । सोमबार नेपाली बजारमा सुनको मूल्य स्थिर रहेको छ । आइतबार तोलामा ११ सय रुपैयाँले घटेको सुन आज स्थिर रहेको हो ।

नेपाल सुनचाँदी व्यवसायी महासङ्घका अनुसार सोमबार छापावाल सुन प्रतितोला १ लाख ९३ हजार ६ सय रुपैयाँमा कारोबार भइरहेको छ । अघिल्लो कारोबार दिन आइतबार पनि सुन सोही मूल्यमा कारोबार भएको थियो ।

यस्तै, आज चाँदीको मूल्य भने बढेको छ । आइतबार चाँदी प्रतितोला २ हजार २९० रुपैयाँमा कारोबार भएको चाँदी आज २ हजार २९५ रुपैयाँमा कारोबार भइरहेको महासंघले जनाएको छ ।