काठमाडौं, ७ पुस । नेपाली बजारमा आज सुनचाँदी हालसम्मकै उच्च मूल्यमा कारोबार भईरहेको छ । अघिल्लो कारोबार दिनको तुलनामा आज सुन तोलामा ३ हजार ४ सय रुपैयाँले बढेर हालसम्मकै उच्च मुल्यमा पुगेको हो ।
नेपाल सुनचाँदी व्यवसायी महासंघका अनुसार आज छापावाला सुन प्रतितोला २ लाख ६१ हजार ७ सय रुपैयाँमा कारोबार भईरहेको छ । अघिल्लो दिन आइतबार सुन प्रतितोला २ लाख ५८ हजार ३ सय रुपैयाँमा कारोबार भएको थियो । यसअघि गत सोमबार सुन प्रतितोला २ लाख ६० हजार ७ सय रुपैयाँमा सुनको कारोबार हुँदै नयाँ रेकर्ड बनाएको थियो ।
त्यस्तै चाँदीको मूल्यले पनि केही दिनयता नयाँ रेकर्ड बनाइरहेको छ । आइतबारको तुलनामा आज चाँदी प्रतितोला १३० रुपैयाँले बढेर ४ हजार २३५ रुपैयाँ पुगेको महासंघले जनाएको छ । अघिल्लो दिन चाँदी ४ हजार १०५ रुपैयाँमा कारोबार भएको थियो ।
