इतिहासकार पुरुषोत्तम शमशेर राणाको निधन
काठमाडौं, २० मंसिर । नेपालका चर्चित इतिहासकार पुरुषोत्तम शमशेर राणाको ९९ वर्षको उमेरमा निधन भएको छ । उनको आज दिउँसो काठमाडौंको मेडिसिटी अस्पतालमा उपचारको क्रममा निधन भएको हो ।
उनको जन्म १९८२ साल चैत १५ गते चारबुर्जा दरबार (हाल निर्वाचन आयोगको कार्यालय रहेको बहादुर भवन) मा भएको थियो ।
राणाले लेखेका प्रख्यात किताबहरु धेरै छन् । उनले राणाकालीन प्रमुख ऐतिहासिक दरबारहरू, श्री ३ हरुका वृतान्त, कुनेछिपेका प्रतिभाहरु, जंगबहादुर राणा, मेरा जीवनका स्मृतिहरु पुस्तक लेखेका छन् । उनी रुद्र शमशेरका नाति र ईश्वर शमशेरका छोरा हुन् ।
