काठमाडौं, १४ चैत । साताको अन्तिम कारोबार दिन बिहीबार नेपाल स्टक एक्सचेन्ज (नेप्से) परिसूचक बढेको छ । आज नेप्से परिसूचक ४१ दशमलव ६७ अङ्कले बढेर दुई हजार ६६३ दशमलव ५४ बिन्दुमा कायम भएको हो ।
आज ९७ लाख ७२ हजार १९६ कित्ता शेयर किनबेच हुँदा ५ अर्ब २२ करोड ३० लाख रुपैयाँ बराबरको कारोबार भएको छ । अघिल्लो कारोबार दिन बुधबार ४ अर्ब २० करोड ४४ लाख रुपैयाँको कारोबार भएको थियो ।
आज २२७ धितोपत्रको शेयर मूल्य बढ्दा १६ को घटेको छ । यसदिन कुल ३०९ धितोपत्र कारोबारमा आएका छन् ।
बिहीबार सबै उपसमूहको परिसूचक बढेको छ । आज व्यापारको उपसमूहको परिसूचक सर्वाधिक ५ दशमलव ०५ प्रतिशतले बढेको छ । त्यस्तै माइक्रोफाइनान्सको २ दशमलव २८, लगानीको २ दशमलव १६, जीवन बीमाको १ दशमलव ७९ र अन्य उपसमूहको परिसूचक १ दशमलव ६८ प्रतिशतले बढेको छ ।
आज सृजनशील लघुवित्त वित्तीय संस्था र गुराँस लघुवित्त वित्तीय संस्थाको शेयर मूल्यमा सकारात्मक सर्किट लागेको छ । सपोर्ट माइक्रोफाइनान्सको ८ दशलमव ६, मानुषि लघुवित्तको ७ दशमलव ७ र अभियान लघुवित्त वित्तीय संस्थाको शेयर मूल्य ७ दशमलव ६१ प्रतिशतले बढेको छ ।
यसदिन हिमालयन एभरेष्ट रि इन्स्योरेन्सको ३ दशमलव ६५, कुमारी सवाल योजनाको शेयर मूल्य १ दशमलव ८२ प्रतिशतले ह्रास आएको छ ।
