काठमाडौं, २५ वैशाख । नेपाली बजारमा आइतबार यता निरन्तर सुनको मूल्य बढीरहेको छ । बिहिबार पनि नेपाली बजारमा सुनको मूल्य तोलामा ६ सय रुपैयाँले बढेको छ ।
नेपाल सुनचाँदी व्यवसायी महासङ्घका अनुसार बिहीबार छापावाल सुनको मूल्य तोलाको एक लाख ९२ हजार २ सय रुपैयाँमा कारोबार भइरहेको छ । अघिल्लो दिन सुन तोलामा १७ सय रुपैयाँले बठेर १ लाख ९१ हजार ६ सय रुपैयाँमा कारोबार भएको थियो ।
यस्तै, आज चाँदीको मूल्य भने घटेको छ । बुधबार प्रतितोला १ हजार ९६५ रुपैयाँमा कारोबार भएको चाँदी आज १ हजार ९५५ रुपैयाँमा कारोबार भइरहेको महासंघले जनाएको छ ।
