काठमाडौं, १३ जेठ । मंगलबार नेपाल स्टक एक्सचेन्ज (नेप्से) परिसूचक सामान्य अङ्कले बढेको छ । आज नेप्से परिसूचक २ दशमलव ५३ अङ्कले बढेर दुई हजार ६७७ दशमलव ३ बिन्दुमा कायम भएको हो ।
आज १ करोड ४२ लाख ९९ हजार ३९४ कित्ता शेयर किनबेच हुँदा ६ अर्ब ५२ करोड ७८ लाख बराबरको कारोबार भएको छ । सोमबार ७ अर्ब ५८ करोड ५० लाख रुपैयाँ बराबरको कारोबार भएको थियो ।
आज ८५ धितोपत्रको शेयर मूल्य बढ्दा १६१ को घटेको छ । यसदिन कुल ३१८ धितोपत्र कारोबारमा आएका छन् ।
मंगलबार विकास बैंक १ दशमलव ७६, व्यापार शून्य दशमलव ९६, हाइड्रोपावर शून्य दशमलव २५, म्युचुअल शून्य दशमलव २५, उत्पादन तथा प्रशोधन शून्य दशमलव १८, बैंकिङ शून्य दशमलव ०५ र होटेल तथा पर्यटन समूहको उपसूचक शून्य दशमलव ०३ बढेको छ ।
यसदिन माइक्रोफाइनान्स शून्य दशमलव ९८, जीवन बीमा शून्य दशमलव ५६, फाइनान्स शून्य दशमलव ५३, निर्जीवन बीमा शून्य दशमलव ४१, लगानी शून्य दशमलव २८ र अन्य समूहको उपसूचक शून्य दशमलव २ प्रतिशतले ह्रास आएको छ ।
आज पाँच कम्पनीको शेयर मूल्यमा सकारात्मक सर्किट लागेको छ । सर्किट लाग्नेमा भुगोल इनर्जी डेभलपमेण्ट, ओम मेगाश्रीको, ग्रिन डेभलपमेण्ट बैंक, कर्पोरेट डेभलपमेण्ट बैंक र पियर इनर्जी रहेका छन् ।
आज गुराँस लघुवित्त ८ दशमलव ०१, उपकार लघुवित्त ६ दशकलव ३७, जनउत्थान सामुदायिक लघुवित्त ३ दशमलव ३१ र रिभर फल्स पावरको शेयर मूल्य ३ दशमलव १४ प्रतिशतले घटेको छ ।
