काठमाडौं, १ चैत । अमेरिकामा टिकटकमाथि प्रतिबन्ध लगाउनका लागि बाटो खुल्ला भएको छ । बुधबार अमेरिकी संसदले पारित गरेको एक विधेयकमा भएको ब्यवस्था अनुसार टिकटकलाई राष्ट्रव्यापी प्रतिबन्ध लगाउन सक्ने बाटो खुल्ला गरेको हो ।
अन्तर्राष्ट्रिय सञ्चारमाध्यमका अनुसार यदि टिकटकका चिनियाँ मालिकाले सो कम्पनीमा रहेको आफ्नो हिस्सेदारी बेचेनन् भने अमेरिकामा अब टिकटक प्रतिबन्ध हुने भएको छ ।
बुधबार उक्त बिधेयक ३२५–६५ मतसहित पारित भएसँगै सो बिधेयकलाइ अब सिनेटमा पठाइने भएको छ । १५० मिलियन भन्दा बढी अमेरिकी प्रयोगकर्ताहरू रहेको लोकप्रिय एप टिकटक चिनियाँ प्रविधि फर्म ‘बाइट डान्स लिमिटेड’ को पूर्ण स्वामित्वमा रहेको सहायक कम्पनी हो ।
प्रतिबन्धको पक्षमा रहेको अमेरिकन सांसदहरूले बाइट डान्स चिनियाँ सरकारको नजरमा रहेको दाबी गरिरहेको छन्, जसले अमेरिकामा टिकटकका उपभोक्ताहरूको डाटामा पहुँचमा पुग्ने र त्यसले सुरक्षा खतरा बढाउनेछ । उनीहरूका अनुसार चिनियाँ राष्ट्रिय सुरक्षा कानूनको सेटबाट उत्पन्न हुन्छ, जसले संगठनहरूलाई गुप्तचर भेलामा सहयोग गर्ने उनीहरूको भनाइ रहेको छ ।
