काठमाडौं, १५ चैत । ’मिस नेपाल २०२४’ को आवेदन खुला गरिएको छ । ’द हिडन ट्रेजर’ले पत्रकार सम्मेलनमार्फत यस वर्षको संस्करणमा १८ वर्ष उमेरदेखि २७ वर्षसम्मका अविवाहित युवतीले मिस नेपालमा आवेदन दिन सक्ने द जानकारी दिएको छ । मिस नेपालको वेबसाइट र एपमार्फत जेठ १ गतेसम्म आवेदन दिन सकिनेछ । त्यसपछि ग्राण्ड फिनाले साउन १९ गते हुने छ ।
प्रतियोगितामा आवेदन दिन ५.३ फिट उचाइ हुनुपर्ने ’द हिडन ट्रेजर’ले जनाएको छ । यस वर्षको मिस नेपाल प्रतियोगितामा ३ विधा मिस नेपाल वर्ल्ड, मिस नेपाल अर्थ र मिस नेपाल इन्टरनेसनलमा प्रतिस्पर्धा गराइनेछ । प्रतियोगिताको अडिसन पोखरा, बिर्तामोड, इटहरी, वीरगञ्ज, चितवन, भैरहवा, नेपालगञ्ज, सुर्खेत र काठमाडौंमा हुने टेजरले जनाएको छ ।
