काठमाडौं, २ असोज । साहस ऊर्जाले शेयरधनीका लागि लाभांश घोषणा गरेको छ ।
कम्पनीको सञ्चालक समिति बैठकले गत आर्थिक वर्षसम्मको सञ्चित नाफाबाट शेयरधनीका लागि ८.४२१ प्रतिशत बोनस शेयर घोषणा गरेको हो । जसमा ८ प्रतिशतले हुन आउने २८ करोड रुपैयाँबराबरको बोनस शेयर र कर प्रयोजनार्थ ०.४२१ प्रतिशत हुन आउने १ करोड ४७ लाख ३६ हजार ८४२.११ प्रतिशत नगद लाभांश छन् ।
यो लाभांश आगामी साधारणसभाले पारित गरेपश्चात शेयरधनीले पाउने छन् । लाभांश पारित गर्न कम्पनीले आगामी कात्तिक ४ गतेका लागि साधारणसभा बोलाएको छ । असोज १३ गतेका लागि कम्पनीले बुक क्लोजको मिति तय गरेको छ ।
यसैबीच कम्पनीले बोनस शेयर जारीपछि कायम चुक्ता पूँजी ३ अर्ब ७८ करोडको १ बराबर १ अनुपातमा अर्थात् शत प्रतिशत हकप्रद शेयर पनि निष्कासन गर्ने भएको छ ।
