Author: Bizness Khabar

काठमाडौं, २० चैत । नेकपा माओवादी केन्द्रका नेता कालीबहादुर खाम पक्राउ परेका छन् । तत्कालीन माओवादी जनयुद्धका कमाण्डर खामलाई काठमाडौँको ठमेलबाट पक्राउ गरिएको प्रहरीले जनाएको छ । उनी हाल माओवादी केन्द्रका केन्द्रीय सदस्यसमेत छन् । खाममाथि कोटेश्वरका व्यवसायी रामहरि श्रेष्ठको अपहरणपछि हत्या गरेको आरोप छ । उनी लामो समयदेखि श्रेष्ठको हत्या कसूरमा फरार थिए । उक्त प्रकरणमा यसअघि पक्राउ परेका लडाकु कमाण्डर गोविन्दबहादुर बटाला पछि रिहा भएका थिए ।

काठमाडौं, २० चैत । शिक्षा, विज्ञान तथा प्रविधि मन्त्री सुमना श्रेष्ठले बाहिरबाट प्रशिक्षार्थी कर्मचारी भर्ना गरेर काम गराउन ल्याएको कार्यविधिमाथि प्रतिनिधि सभा बैठकमा प्रश्न उठेको छ । मंगलबार बसेको प्रतिनिधि सभा बैठककोनेकपा एकीकृत समाजवादीका सांसद राजेन्द्र पाण्डेले विशेष समयमा बाल्दै मन्त्री श्रेष्ठले निजामती कर्मचारीलाई बाइपास गरेर बाहिरबाट कर्मचारी भर्ना गर्न खोजेकोप्रति आपत्ति जनाएका छन् । शिक्षा मन्त्रालयका विभिन्न शाखामा रहेका निजामती कर्मचारी कामविहीन भइरहेको अवस्थामा बाहिरबाट कर्मचारी भर्ना गर्नुको औचित्य नहुने उनको भनाई छ । उनले भइरहेका कर्मचारीमाथि अविश्वास गरेर र त्यसरी बाहिरबाट प्रशिक्षार्थी कामदार ल्याउँदा सरकारी सूचनाको गोपनीयता भङ्ग हुने बताए । प्रतिनिधि सभामा उनले भने–‘भइरहेका कर्मचारीलाई अविश्वास गरी…

काठमाडौं, २० चैत । सुदूरपश्चिमका मुख्यमन्त्री कमलबहादुर शाहले चैत २२ गते (बिहीबार) विश्वासको मत लिने भएका छन् । मुख्यमन्त्री शाहले मंगलबार विश्वासको मत लिने प्रस्ताव प्रदेशसभा सचिवालयमा दर्ता गराएका छन् । यस लगतै प्रदेशसभा सचिवालयले बिहीबार ३ बजे बस्ने बैठकमा मुख्यमन्त्रीले विश्वासको मत लिने सूचना निकालेको प्रदेशसभा सचिव देवबहादुर बोगटीले जानकारी दिए । केन्द्रमा सत्ता समीकरण फेरिएपछि मुख्यमन्त्री शाहले २२ फागुनमा माओवादी केन्द्रका मन्त्रीहरुलाई बर्खास्त गरेका थिए । संवैधानिक व्यवस्थाअनुसार मुख्यमन्त्री शाहले ३० दिनभित्र विश्वासको मत लिइसक्नुपर्छ । ५३ सदस्यीय प्रदेशसभामा बहुमतका लागि २७ सांसद आवाश्यक पर्छ । प्रदेशसभाको सबभन्दा ठूलो दल कांग्रेसका १८ सांसद छन् । गठबन्धनसँग माओवादीका १०…

काठमाडौं, २० चैत । लामो समयदेखि रोकीएको साधारण सेयर (आइपीओ) अर्काे सातादेखि नेपाल धितोपत्र बोर्डले प्रकृया पुगेका कम्पनीलाई आईपीओ निष्कासन गर्न अनुमति दिने भएको छ । बोर्डका निमित्त अध्यक्ष तथा कार्यकारी निर्देशक डा. नवराज अधिकारी अबको केही दिनबाट आवश्यक कागजात पुरा गरेका कम्पनीलाई सन्चालक बोर्डले पास गरेपछि सेयर निष्कासन गर्न दिने बताए । केही दिनअघी अर्थमन्त्री बर्षमान पुनले आईपीओ निष्कासन प्रकृया अघी बढाउन निर्देशन दिएको र त्यही अनुसार काम अघी बढाएकोले अर्को साताबाट आवश्यक प्रकृया अघी बढ्ने उनको भनाइ छ । अर्थमन्त्री पुनले बोर्डको पाइपलाइनमा रहेका कम्पनीलाई स्वीकृति दिन निर्देशन दिएका छन् । अहिले ३५ वटा कम्पनी आईपीओ निष्काशनको प्रकृयामा…

काठमाडौं, २० चैत । सरकारले समस्याग्रस्त घोषणा गरेपछि काठमाडौँको कुलेश्वर स्थित गौतमश्री बहुउदेश्य सहकारी संस्था लिमिटेड सर्वोच्च अदालत पुगेको छ ।सहकारीका अध्यक्ष राम बहादुर गौतमले आफ्नो सहकारीलाई समस्याग्रस्त घोषणा गर्ने विषयमा भएका सम्पुअर्ण निर्णय बदर गर्न माग गर्दै चैत्र १८ गते सर्वोच्चमा रिट दायर गरेका हुन् । गौतमले उक्त रिटमा नेपाल सरकार,भूमि ब्यवस्था, सहकारी तथा गरिवी निवारण मन्त्रालय, सहकारी विभाग, समस्याग्रस्त सहकारी ब्यवस्थापन समिति, सहकारी रजिष्ट्रार कार्यालय कार्यालयलाई विपक्षी बनाई रिट दायर गरेका छन् । उक्त रिटमा चैत्र १९ गते सोमबार सर्वोच्चका न्यायधीश डा. आनन्दमोहन भट्टराईको एकल इजलाशले उक्त रिटको सुनुवाई गर्दै सहकारीलाई समस्याग्रस्त घोषणा गरिएकोमा सम्पूर्ण विपक्षीको नाममा कारण…

काठमाडौं, २० चैत । विश्व बैंकले यो वर्ष नेपालको आर्थिक वृद्धिदर ३.३ प्रतिशतमा सीमित रहने प्रक्षेपण गरेको छ । मंगलबार विश्व बैंकले नेपाल डेभलपमेन्ट अपडेट सार्वजनिक गर्दै वर्ष २०२४ मा ३.३ प्रतिशत आर्थिक वृद्धि हुने प्रक्षेपण गरेको हो । गत जनवरी (पुस)मा विश्व बैंकले नेपालको आर्थिक वृद्धि ३ दशमलव ९ प्रतिशत हुने प्रक्षेपण सार्वजनिक गरेको थियो । गत वर्ष २०२३ मा आर्थिक वृद्धि २.२ प्रतिशत रहेको विश्व बैंकले जानकारी दिएको छ । तर सरकारले भने यो आर्थिक वर्षमा ६ प्रतिशत आर्थिक वृद्धिको लक्ष्य राखेको छ । विश्व बैंकका अनुसार अर्को वर्ष भने ४.६ प्रतिशत आर्थिक वृद्धि हुनेछ । सरकारले वर्ष…

काठमाडौं, २० चैत । प्रधानमन्त्रीसमेत रहेका माओवादी केन्द्रमा अध्यक्ष पुष्पकमल दाहाल ‘प्रचण्ड’को निर्देशनविपरीत कर्णालीका मुख्यमन्त्री राजकुमार शर्माले विश्वासको मत लिने तयारी गरेका छन् । कर्णाली प्रदेश सभाको बैठक मंगलबार (आज) दिउँसो तीन बजे बस्दैछ । माओवादी केन्द्रका प्रमुख सचेतक रनसिंह परियारले भने, ‘केन्द्रको निर्देशन ढिला गरी आयो, प्रक्रिया अघि बढिसकेको हुनाले रोक्न नसकिने भनेर हामीले जानकारी गराइसकेका छौं । अहिलेसम्मको परिस्थतिअनुसार विश्वासको मत लिने भन्ने नै छ ।’ सोमबार बिहान बालुवाटारमा तीन दल नेकपा (एमाले), माओवादी केन्द्र, एकीकृत समाजवादीका अध्यक्षसहितको छलफलपछि बागमतीमा एकीकृत समाजवादीले माओवादी केन्द्रलाई विश्वासको मत दिने र कर्णालीको मुख्यमन्त्री एमालेले लिने समझदारी भएको थियो । सोहीअनुसार प्रधानमन्त्री…

काठमाडौं, २० चैत । नेपाली कांग्रेसको संसदीय बोर्ड र कार्य सम्पादन समितिको बैठक आज बस्दै छ । आगामी वैशाख १५ गते हुने उपनिर्वाचनका लागि उम्मेदवार टुंगो लगाउन पार्टीको बैठक बस्न लागेको हो । संसदीय बोर्डको बैठक दिउँसो २ बजे र कार्य सम्पादन समितिको बैठक दिउँसो ३ बजे पार्टी सभापति शेरबहादुर देउवाको निवास बुढानीलकण्ठमा बस्न लागेको हो । संसदीय बोर्डको बैठकले गरेको निर्णय कार्य सम्पादन समितिको बैठकले अनुमोदन गर्ने छ । आगामी वैशाख १५ गते इलाम क्षेत्र नम्बर २ मा प्रतिनिधि सभा सदस्यका लागि र बझाङको क्षेत्र नम्बर १ (१)मा सुदूरपश्चिम प्रदेश सभा सदस्यका लागि उपनिर्वाचन हुँदैछ । इलाममा तत्कालीन एमालेका…

काठ्माडौं, २० चैत । नागरिक उन्मुक्ति पार्टी (नाउपा)की अध्यक्ष रञ्जिता श्रेष्ठले दुई प्रदेश अध्यक्षलाई पार्टीबाट निष्कासन गरेकी छन् । अध्यक्ष श्रेष्ठले गण्डकी प्रदेशका अध्यक्ष राजन गुरुङ र बागमती प्रदेशका अध्यक्ष दीपबहादुर योञ्जन तामाङलाई पार्टीबाटै निष्कासन गरेको पत्र पठाएकी हुन् । पत्रमा पार्टीका संस्थापक केन्द्रीय सदस्यहरू रामलाल डगौरा थारु र रमेश विश्वकर्मालाई कुटपिट तथा अभद्र व्यवहार गरेकोले निष्कासन गरिएको उल्लेख छ । सत्ता समीकरण फेरिएसँगै पार्टी अध्यक्ष रञ्जिता र संरक्षक रेशम चौधरीबीच विवाद बढेको छ । रन्जिताले वर्तमान सत्ता गठबन्धनलाई समर्थन गरे पनि उनका पति रेशम त्यसको विपक्षमा छन् । उक्त विवादको क्रममा सोमबार पार्टी केन्द्रीय कार्यालय अनामनगरमा रन्जिता र रेशम…

काठमाडौं, २० चैत । हिमालयन बैंकले संस्थापक सेयरधनी स्वामित्वको १३ लाख २७ हजार ८६७ कित्ता सेयर आजदेखि बिक्री खुलाएको छ । मंगलबार बैंकले एक सूचना निकाल्दै बैंकका ८ संस्थापकले उल्लिखित सेयर बेच्न निवेदन दिएकाले बिक्री खुलाएको जनाएको छ । सेयर खरिदमा बैंककै संस्थापक सेयरधनीले आवेदन दिन सक्नेछन् । सेयर खरिद गर्न इच्छुक जोकोहीले चैत २० देखि ३५ दिनभित्र बैंकको केन्द्रीय कार्यालय कमलादीमा खरिद परिणाम खुलाएर आवेदन दिनुपर्ने सूचनामा उल्लेख छ । साथै बैंकले संस्थापक सेयरको बिक्री मूल्य बिक्रेताअनुसार फरक–फरक रहेकाले मूल्यसम्बन्धी जानकारी केन्द्रीय कार्यालयबाटै लिनुपर्ने बताएको छ । यदि तोकिएको समयमा कुनै पनि संस्थापकबाट आवेदन नपरे सर्वसाधारणलाई बिक्री खुलाइने बैंकले…