Author: Bizness Khabar

काठमाडौं, २७ चैत । राष्ट्रिय प्रजातन्त्र पार्टी (राप्रपा)ले उपप्रधान तथा गृहमन्त्री रवि लामिछानेको राजीनामा मागेको छ । मंगलबारदेखि ४० बुँदे माग राखेर आन्दोलन सुरु गरेको राप्रपाले काठमाडौंमा प्रदर्शन गरेको छ । भृकुटीमण्डपबाट सुरू भएको प्रदर्शन भद्रकालीबाट सिंहदरबारतर्फ अगाडि बढेपछि प्रहरीले पानीको फोहोरा फालेको थियो भने केहीलाई पक्राउ गरेको छ । प्रदर्शनपछि कोणसभालाई सम्बोधन गर्दै राप्रपा अध्यक्ष राजेन्द्र लिङ्देनले भने, ‘गृहमन्त्री रवि लामिछानेलाई चेतावनी दिएर भन्न चाहन्छु, हामीले यो दिनलाई सम्झनामा राख्ने छौं । आजबाट गृहमन्त्रीले राजीनामाको माग पनि थपेर लैजान्छ । आजबाट ४० बुँदेमा एक बुँदा थपियो ।’ उनले प्रदर्शनमा सहभागीहरुलाई बानेश्वर गएर आम सभा गर्न समेत आह्वान गरेका छन्…

काठमाडौं, २७ चैत । मंगलबार नेपाल स्टक एक्सचेन्ज (नेप्से) परिसूचक ९ दशमलव १९ अङ्कले बढेको छ । आज नेप्से परिसूचक ९ दशमलव १९ अङ्कले बढेर २ हजार ३६ दशमलव ०१ को विन्दुमा बन्द भएको छ । मंगलबार ९७ लाख ८९ हजार ४ सय १६ कित्ता शेयर किनबेच हुँदा कुल ४ अर्ब १४ करोड ३७ लाख ८३ हजार ९ सय ८९ रुपैयाँको कारोबार भएको छ । आज ३ सय १५ धितोपत्रको कारोबार हुँदा १ सय ५० धितोपत्रको मूल्य बढेको छ । त्यस्तै ८६ धितोपत्रको मूल्य घटेको छ भने ९ धितोपत्रको मूल्य स्थिर छ । यस्तै कारोबार भएका १३ समूहको उपसूचकमध्ये १०…

काठमाडौं, २७ चैत । अर्थमन्त्री वर्षमान पुनले आगामी बजेटको प्राथमिकता पूर्वाधार, कृषि, पर्यटन र सूचना प्रविधि रहने बताएका छन् । नेपाल भ्रमणमा रहेका एसियाली विकास बैंक (एडिबी) का दक्षिण एसिया क्षेत्र हेर्ने महानिर्देशक ताकेयो कोनेसीसँग मङ्गलवार मन्त्रालयमा भेटवार्ता गर्दै मन्त्री पुनले सो कुरा बताएका हुन् । यस्तै उनले आर्थिक रूपमा शिथिलता भए पनि सुधारको प्रयास गरिरहेको बताए । गत वर्षभन्दा चालु आर्थिक वर्षमा आर्थिक वृद्धिदर राम्रो हुने प्रक्षेपणहरू भइरहेको भन्दै पुनले ४ प्रतिशत हाराहारीमा आर्थिक वृद्धि हुने देखिएको उल्लेख गरे । आगामी आर्थिक वर्षमा थप राम्रो गर्न सकिने विश्वास मन्त्री पुनले व्यक्त गरे । उत्पादनमूलक क्षेत्रमा वृद्धि घटेको देखिए पनि…

काठमाडौं, २७ चैत । प्रतिनिधिसभाको बैठक बुधबार बिहान ११ बजेसम्मका लागि स्थगित भएको छ । मंगलबार बसेको बैठकमा प्रमुख प्रतिपक्षी दल नेपाली कांग्रेसले संसद् अवरोध गरेपछि सभामुख देवराज घिमिरेले १५ मिनेटका लागि बैठक स्थगित गरेका थिए । त्यसपछि उनले दलका प्रमुख सचेतकहरूसँग गरिएको छलफलमा सहमति नजुटेपछि बुधबारसम्मका लागि बैठक स्थगित गरिएको हो । प्रमुख प्रतिपक्षी कांग्रेसले उपप्रधान तथा गृहमन्त्री रवि लामिछानेमाथि सहकारी प्रकरणमा संसदीय छानबिन समिति गठनको माग गरेर संसद् अवरोध गर्दै आइरहेको छ ।

काठमाडौं, २७ चैत । राष्ट्रिय स्वतन्त्र पार्टी (रास्वपा)ले उच्चस्तरीय स्वतन्त्र छानबिन समितिको गठन गर्नुपर्ने माग राखेको छ । मंगलबार बिहान बसेको राष्ट्रिय स्वतन्त्र पार्टी (रास्वपा)को संसदीय दलको बैठकले २०४७ यताका उच्च पदस्थ पदमा बसेका सबै व्यक्तिमाथि छानबिन हुने गरी उच्चस्तरीय छानबिन समिति गठन हुनुपर्ने माग गरेको हो । रास्वपा सांसद हरि ढकालले बैठकले प्रमुख प्रतिपक्ष दल कांग्रेसले विना आधार संसदीय छानबिन समितिको माग गरेको निष्कर्ष निकालेको बताए । उनले भने, ‘आधार विना हल्लाको भरमा यस गरिमामय सदनमा संसदीय छानबिन समितिको माग गर्नाले संसदीय व्यवस्थाको नै उपहास भएको छ,’ बैठकको निर्णयमा भनिएको छ । हल्लाकै आधारमा संसदीय छानबिन समिति गठन गर्नु…

काठमाडौं, २७ चैत । राप्रपाको प्रदर्शनमा प्रहरीले पानीको फोहोरा हानेको छ । मंगलबारबाट ४० बुँदे माग राखेर आन्दोलनमा उत्रिएकोे जुलुस भृकुटीमण्डपबाट सुरु भएको थियो । प्रदर्शनकारीले निषेधित क्षेत्र तोडेर काठमाडौँको भद्रकालीबाट सिंहदरबारतर्फ अघि बढ्न खोज्दा झडप भएको हो । सिंहदरबारतर्फ अगाडि बढ्न खोजेपछि प्रहरीले रोकेको थियो । तर जुलुस अगाडि बढेपछि प्रहरीले पानीको फोहोरा हानेको छ । राप्रपाले सरकारसमक्ष पेश गरेको ४० बुँदे माग पूरा गराउन दबाब दिने उद्देश्यले काठमाडौं केन्द्रित जनप्रदर्शन गरेको हो । यसलाई राप्रपाको शक्ति प्रदर्शनको रुपमा हेरिएको छ । राप्रपा गणतन्त्र खारेज गर्नुपर्ने, राजासहितको शासन व्यवस्था हुनुपर्ने, धर्मनिरपेक्षता खारेज गरी नेपाललाई हिन्दू राष्ट्र घोषणा गर्नुपर्ने लगायतका…

काठमाडौं, २७ चैत । नेपाल बीमा प्राधिकरणको आयोजनामा मधेश प्रदेशको धनुषा जिल्लाको जनकपुरधाममा बीमकका प्रदेश, शाखा तथा उपशाखा कार्यालयका प्रमुख र कर्मचारी तथा बीमा अभिकर्ताहरूसँग बीमा सम्बन्धी समसामयिक विषयमा छलफल एवम् अन्तक्र्रिया कार्यक्रम सम्पन्न भएको छ । कार्यक्रमलाई सम्बोधन गर्दै नेपाल बीमा प्राधिकरणका अध्यक्ष सूर्यप्रसाद सिलवालले बीमालाई बढी विश्वासिलो बनाउनका लागि बीमालेख जारी भएकै स्थानबाट दाबी फछ्र्यौटको व्यवस्थागर्नु आवश्यक भएको बताए । उनले भने, “आर्थिक सहायताबाट समस्या समाधान नभई क्षणिक खुशी प्राप्त हुन्छ, बीमाबाट मात्र समग्र समस्याको समाधान हुन्छ, गरीबी निवारणमा सहयोग पुग्छ, दैनिक दुई कप चिया कम गरेर त्यसबाट बचत हुने रकमले बीमा गरेमा भविष्य सुनिश्चित हुन्छ, यसतर्फ सबैको…

काठमाडौं, २७ चैत । सुदूरपश्चिम प्रदेश सभाका सभामुख भीमबहादुर भण्डारीले समानुपातिक सांसद पठाउने र फिर्ता बोलाउने अधिकार सम्बन्धित पार्टीको केन्द्रीय कमिटीमा निहित हुने बताएका छन् । नागरिक उन्मुक्ति पार्टीकी सांसद इन्दिरा गिरीलाई पार्टीले गरेको कारबाही सदर गरेपछि मंगलबार बिहान कांग्रेस र नाउपाका सांसदले संसदीय व्यवस्था ख्याल गर्न ध्यानाकर्षण गराएका थिए । लगत्तै सभामुख भण्डारीले सञ्चारकर्मीलाई प्रतिक्रिया दिंदै कानुनअनुसार समानुपातिक सांसद पठाउने र फिर्ता बोलाउने अधिकार सम्बन्धित राजनीतिक दलको केन्द्रीय कमिटीलाई हुने र गिरीको हकमा सोहीअनुसार निर्णय लिइएको बताएका हुन् । उनले भने, ‘समानुपातिक सांसदको बन्द सूची पठाउने, सांसद पठाउने र फिर्ता बोलाउने अधिकार पार्टीको केन्द्रीय कमिटीलाई हुन्छ । उहाँ (गिरी)…

काठमाडौं, २७ चैत । भारतको उत्तराखण्डस्थित नैनीताल जिल्लाको बेतालघाट नजिक सवारी दुर्घटना हुँदा ७ नेपालीसहित ८ जनाको मृत्यु भएको छ । यस्तै दुर्घटनामा अन्य दुई जना नेपाली घाइते भएका छन् । भारतीय मिडिया टाइम्स अफ इण्डियाका अनुसार मृतक नेपालीहरु कञ्चनपुरको महेन्द्रनगर निवासी हुन् । उनीहरु घर फर्किंदै गर्दा दुर्घटनामा परेका थिए । त्यस्तै भारतको हिन्दुस्तान टाइम्सका अनुसार सोमबार राति भएको दुर्घटनामा सात जना नेपाली र एक जना चालक सहित आठ जनाको मृत्यु भएको छ । भारतको बेतालघाटको उँचाकोट भन्ने गाउँमा जलजीवन परियोजनाका काम गर्ने कामदारहरु रहेको समाचारमा उल्लेख छ ।

काठमाडौं, २७ चैत । सूर्यज्योति लाइफ इन्स्योरेन्स कम्पनीले विलम्ब शुल्कमा ३५ प्रतिशत छुटको म्याद थप गरेको छ । मंगलबार कम्पनीले सूचना जारी गर्दै कम्पनीबाट जारी भएका व्यतित बीमालेख चैत २८ गतेसम्म नवीकरण गर्दा विलम्ब शुल्कमा ३५ प्रतिशत छुट दिने जनाएको हो । कम्पनीले यसअघि उक्त सुविधा चैत २५ गतेसम्मका लागि निर्धारण गरेको थियो । बीमालेख नवीकरण गर्नका लागि ग्राहकले नजिकको शाखा कार्यालमा गई अथवा आफ्नो मोबाइल बैंकिङ्ग वा अनलाइन वालेटबाट बीमा शुल्क भुक्तानी गर्न सक्ने कम्पनीले जनाएको छ । यस्तो छुट बीमा अवधिभर एक पटक मात्र प्रदान गरिने छ । २०८१ चैत १६ गतेभित्र परिपक्व हुने बीमालेखमा यो छुट नदिइने…