Author: Bizness Khabar

काठमाडौं, १३ मंसिर । परराष्ट्रमन्त्री डा. आरजु राणा देउवा चीन प्रस्थान गरेकी छिन् । चिनियाँ विदेशमन्त्री वाङ यीको मैत्रीपूर्ण निमन्त्रणामा चीनको औपचारिक भ्रमणका लागि उनी त्यसतर्फ प्रस्थान गरेकी हुन् । त्रिभुवन अन्तर्राष्ट्रिय विमानस्थलमा परराष्ट्र मन्त्रालयका कायममुकायम सचिव अमृतबहादुर राई र मन्त्रालयका अधिकारीहरूले उनलाई बिदाइ गरेका थिए । परराष्ट्रमन्त्री नियुक्त भएपछि राणाको यो पहिलो चीन भ्रमण हो । भ्रमणका क्रममा मन्त्री डा. राणाले शुक्रबार चिनियाँ विदेशमन्त्री वाङ यीसँग भेटवार्ता गर्ने छिन् । सो भेटवार्ता चीनको सिचुआन प्रान्तस्थित छेन्दु शहरमा हुनेछ । छेन्दुमा चिनियाँ परराष्ट्र मन्त्री र राणाबीच प्रधानमन्त्री केपी शर्मा ओलीको आसन्न चीन भ्रमणका एजेण्डामाथि छलफल हुने कार्यक्रम छ । प्रधानमन्त्री…

काठमडौं, १३ मंसिर । स्थानीय तह उपनिर्वाचनअन्तर्गत आज राति १२ बजेदेखि मौन अवधि सुरु हुँदैछ । मतदानको समयभन्दा ४८ घण्टाअघि निषेधित अवधि रहने व्यवस्था अनुसार आज राति १२ बजेदेखि नै लागू हुने निर्वाचन आयोगले जनाएको छ । मौन अवधिका समयमा उम्मेदवारका अतिरिक्त राजनीतिक दलहरूलाई सभा, सम्मेलन, गोष्ठी, भेला, अन्तरक्रियालगायत गतिविधि गर्न रोक लगाइएको छ । साथै कुनै पनि उम्मेदवार वा अन्य व्यक्तिले भौतिक वा सामाजिक सञ्जालमार्फत मत माग्नसमेत पाइने छैन । निर्वाचनलाई स्वच्छ र निस्पक्ष बनाउनलाई आयोगले मतदानको ४८ भण्टाअघि निषेधित तथा मौन अवधि लागू गर्ने गर्दछ । यस अवधिको पालना भएनभएको बारेमा आयोगले सूक्ष्म अनुगमन गर्ने जनाएको छ ।…

काठमाडौं, १३ मंसिर । नेपाल प्रिमियर लिग (एनपीएल) खेल्न ओमनका पूर्वकप्तान जिशान मक्सुद नेपाल आइपुगेका छन् । कर्णाली याक्समा अनुबन्ध भएका मक्सुद बिहिबार नेपाल आइपुगेका हुन् । उनलाई कर्णाली याक्सका मालिक झनकदत्त खनाल, सहमालिक गृहेन्द्र घिमिरे र प्रशिक्षक ज्ञानेन्द्र मल्लले स्वागत गरेका थिए । कर्णाली याक्सका मार्की प्लेयर सोमपाल कामी छन् । कर्णालीले वाल्टन र हायातसहित भारतीय चर्चित क्रिकेटर शिखर धवन, ओमनका पूर्वकप्तान जिशान मक्सुद र पाकिस्तान हुनेस तलातलाई अनुबन्ध गरेको छ । कर्णाली याक्स हिमालयन विल्डर्स एन्ड इन्जियर्सको स्वामित्वमा रहेको छ । एनपीएल त्रिभुवन विश्वविद्यालयको क्रिकेट मैदानमा यही मंसिर १५ गतेदेखि पुस ६ गतेसम्म हुँदैछ ।

काठमाडौं, १३ मंसिर । नेपाली बजारमा सुनको मूल्य तोलामा ३ सय रुपैयाँ घटेको छ । नेपाल सुनचाँदी व्यवसायी महासंघका अनुसार आज सुनको मूल्य प्रतितोला १ लाख ४९ हजार ३ सय रुपैयाँमा कारोबार भइरहेको छ । अघिल्लो दिन बुधबार सुन प्रतितोला ९ सयले बढेर १ लाख ४९ हजार ६०० रुपैयाँ कायम भएको थियो । त्यस्तै, आज चाँदीको मूल्य प्रतितोला ३० रुपैयाँ घटेको छ । अघिल्लो दिन १ हजार ८३० रुपैयाँ रहेको चाँदी यस दिन १८०० रुपैयाँमा कारोबार भइरहेको महासंघले जनाएको छ ।

काठमाडौं, १३ मंसिर । प्रधानमन्त्री केपी शर्मा ओलीले आज (बिहीबार) का लागि मन्त्रिपरिषद् बैठक बोलाएका छन् । बैठक साँझ ५ बजे सिंहदरबारस्थित प्रधानमन्त्री तथा मन्त्रिपरिषद्को कार्यालयमा बस्न लागेको हो । प्रधानमन्त्री ओलीको चीन भ्रमणबारे निर्णय गर्न बैठक बस्न लागेको हो । बैठकमा चीन भ्रमणका एजेन्डाबारेमा पनि छलफल हुने प्रधानमन्त्रीको सचिवालयले जनाएको छ । प्रधानमन्त्री ओली यही मंसिर १७ गते चीन भ्रमण जाने तयारीमा छन् । त्यसअघि भ्रमणको तयारीका लागि आजै दिउँसो परराष्ट्रमन्त्री आरजु राणा चीन जाँदैछिन् ।

काठमाडौं, १२ मंसिर । सर्वोच्च अदालतले सुनचाँदी व्यवसायीसँग सम्बन्धित संघ/महासंघले सुन वितरणमा गर्ने सिन्डिकेट हटाउन अन्तरिम आदेश दिएको छ । वाणिज्य बैंकहरुले आयात गर्ने सुन वितरणमा हुँदै आएको सिन्डिकेट हटाउन न्यायाधीशद्वय डा. नहकुल सुवेदी र तीलप्रसाद श्रेष्ठको संयुक्त इजलासले यस्तो आदेश दिएको हो । अब सुनचाँदी व्यवसायीहरुले नेपाल राष्ट्र बैंकद्वारा जारी सुन आयात तथा बिक्री वितरणसम्बन्धी कार्यविधि, २०६८ ले तोकेको अन्य कार्यविधि पूरा गरेको स्थितिमा व्यवसायीहरुलाई संघ/महासंघमा आबद्ध नभएपनि सुन खरिद गर्न नरोक्न अन्तरिम आदेश दिएको हो । वाणिज्य बैंकमार्फत सुन आयात गरेर बिक्री गर्ने नाममा संबन्धित संघहरुले सिन्डिकेट गरेको भन्दै रिट दायर गरेका थिए ।

काठमाडौं, १२ मंसिर । बुधबार नेपाल स्टक एक्सचेन्ज (नेप्से) परिसूचक दोहोरो अङ्कले बढेको छ । आज परिसूचक ३९ दशमलव ७० अङ्क अर्थात् १.४६ प्रतिशतले बढेर २ हजार ७ सय ५६ दशमलव ३६ को विन्दुमा बन्द भएको छ । नेप्से परिसूचकसँगै आज कारोबार रकम पनि बढेको छ । यस दिन एक करोड ७१ लाख ८३ हजार ८५४ कित्ता शेयर ८९ हजार पटक पटक किनबेच हुँदा ९ अर्ब ३१ करोड २९ लाख रुपैयाँ बराबरको कारोबार भएको छ । अघिल्लो दिन मंगलबार ७ अर्ब ४४ करोडको कारोबार भएको तियो । बुधबार ३१६ धितोपत्र कारोबारमा आए, जसमध्ये २०० धितोपत्रको मूल्य बढेको छ । त्यस्तै…

काठमाडौं, १२ मंसिर । नेपाल विद्युत प्राधिकरणले उद्योगहरुमा तत्काल विद्युत लाइन नकाट्ने निर्णय गरेको छ । प्राधिकरणको सञ्चालक समितिको आज बसेको बैठकले यस्तो निर्णय गरेको हो । यसअघि सरकारले प्राधिकरणलाई १५ दिनभित्र ट्रंकरडेडिकेटेड विवाद भएका उद्योगमा टाइम अफ द डे (टिओडी) मिटर उपलब्ध गराएर बक्यौता उठाउन र तत्काल लाइन जोड्न निर्देशन दिएको थियो । उक्त समयावधि आज सकिनै लाग्दा सञ्चालक समितिको बैठकले तत्काललाई लाइन नकाट्ने निर्णय गरेको हो । कात्तिक २५ को मन्त्रिपरिषद् बैठकले पूर्वप्रधानमन्त्री पुष्पकमल दाहालको पालामा गठन गरिएको पूर्वन्यायाधीश गिरिशचन्द्र लाल आयोगको प्रतिवेदन कार्यान्वयन निर्णय गर्दै सार्वजनिक गर्नुका साथै उद्योगीलाई टिओडी मिटर बुझाउन र सोहीअनुसार रकम उठाउन सुझाएको…

काठमाडौं, १२ मंसिर । नेपाल धितोपत्र बोर्डका नवनियुक्त अध्यक्ष सन्तोषनारायण श्रेष्ठले नयाँ स्टक एक्सचेन्जका विषयमा सरकारको निर्देशन बमोजिम अगाडि बढ्ने बताएका छन् । बुधबार सातदोबाटोस्थित बोर्डको कार्यालयमा कार्यभार सम्हाल्दै अध्यक्ष श्रेष्ठले नयाँ स्टक एक्सचेन्जको धेरै कामहरु अघि बढेको बुझेको बताउँदै त्यसमा सरकारको नीति निर्देशन बमोजिम अघि बढ्ने बताए । यस्तै उनले लामो समयदेखि रोकिएको आईपीओ समयमा नै आउने गरी काम गर्ने बताए । अध्यक्ष श्रेष्ठले भने, ‘आईपीओ जारी गर्न अनुमति दिने नियमित काम हो । प्रक्रियाबाट अगाडि बढ्छ । स्थायी नेतृत्व नहुँदा आईपीओ रोएिको थियो । त्यो समस्या समाधान हुँदै जान्छ ।’ उनले आफ्नो यही कार्यकालमा सेबोन आफ्नै भवनमा सर्ने…

काठमाडौं, १२ मंसिर । कोशी प्रदेशका मुख्यमन्त्री हिक्मतकुमार कार्कीले विराटनगर किंग्सले एनपीएलको उपाधि जिते प्रदेश सरकारको तर्फबाट ३० लाख रुपैयाँ पुरस्कार दिने घोषणा गरेका छन् । बुधबार विराटनगर किङ्सका खेलाडीलाई बिदाइ गर्दै मुख्यमन्त्री कार्कीले उपाधि जिते ३० लाख पुरस्कार दिने घोषणा गरेका हुन् । एनपीएल त्रिभुवन विश्वविद्यालयको क्रिकेट मैदानमा यही मंसिर १५ गतेदेखि पुस ६ गतेसम्म हुँदैछ । नेपाल क्रिकेट सङ्घले आयोजना गर्न लागेको नेपाल प्रिमियर लिगक लागि कोशी प्रदेशबाट विराटनगर किंग्सले सहभागिता जनाउँदै छ । सो अवसरमा मुख्यमन्त्री कार्कीले टोलीलाई विदाइ गर्दै जितको शुभकामना दिए । मुख्यमन्त्री कार्कीले खेल क्षेत्रमा निजी क्षेत्रको सहभागिताले थप आकर्षण बढेको बताए । यस्तै…