Author: Bizness Khabar

काठमाडौं, ७ असोज । नेपाली बजारमा मंगलबार सुन हाल सम्मकै उच्च मूल्यमा कारोबार भइरहेको छ । अघिल्लो कारोबार दिनको तुलनामा आज सुनको मूल्य प्रतितोला ३ हजार ९ सय रुपौयाँले बढेर नयाँ रेकर्ड कायम गरेको हो । नेपाल सुनचाँदी व्यवसायी महासंघका अनुसार मंगलबार छापावाला सुन प्रतितोला २ लाख २१ हजार ७ सय रुपैयाँमा कारोबार भईरहेको छ । अघिल्लो कारोबार दिन सोमबार सुन प्रतितोला २ लाख १७ हजार ८ सय रुपैयाँमा कारोबार भएको थियो । त्यस्तै, आज चाँदीको मूल्य पनि बढेको छ । सोमबार प्रतितोला २ हजार ६५० रुपैयाँमा कारोबार भएको चाँदी आज २ हजार ६८० रुपैयाँमा कारोबार भइरहेको महासंघले जनाएको छ…

काठमाडौं, ७ असोज । एसवाई प्यानल नेपाल लिमिटेडले आजदेखि पहिलो चरणको आईपीओ निष्काशन गरेको छ । कम्पनीले उद्योग प्रभावित क्षेत्रका स्थानिय बासिन्दा तथा वैदेशिक रोजगारीमा रहेका नेपालीहरुका लागि आईपीओ निष्काशन तथा बिक्री खुला गरेको हो । भदौ २९ गतेदेखि आईपीओ निष्काशनको तयारीमा रहेको यस कम्पनीले विषम परिस्थितिका कारण आजदेखि निष्काशन गरेको हो । कम्पनीले जारी पूँजी १ अर्ब ३० करोड ८९ लाख ३७ हजार १०० रुपैयाँको ४० प्रतिशत अर्थात ५२ करोड ३२ लाख ५४ हजार ८०० रुपैयाँ बराबरको ५२ लाख ३२ हजार ५४८ कित्ता शेयर निष्काशन गर्ने अनुमति पाएको थियो, जसमध्ये २ प्रतिशत अर्थात २ करोड ६१ लाख ६२ हजार…

काठमाडौं, ५ असोज । यस साताको कारोबारको पहिलो दिन आइतबार नेपाल स्टक एक्सचेन्ज (नेप्से) परिसूचक १११ दशमलव ७० अङ्क अर्थात ४ दशमलव ४४ प्रतिशतले बढेको छ । यो वृद्धिसागै परिसूचक २ हजार ६ सय २३ दशमलव ६२ को बिन्दुमा कायम भएको छ । यसअघि बिहीबार नेप्से कारोबार सुरु भएको एक घण्टामै ६ प्रतिशतले घटेर नकारात्मक सर्किट ब्रेक गरेसँगै १२ः ५ बजे ने कारोबार बन्द भएको थियो । यस दिन नेप्से १६० दशमलव ३३ अङ्कले घटेर २ हजार ५११ को बिन्दुमा थियो । आज परिसूचक बढेसँगै कारोबार रकम पनि बढेको छ । यस दिन २ करोड ३२ हजार २२४ कित्ता शेयर…

काठमाडौं, ५ असोज । नेपाल स्टक एक्सचेञ्ज (नेप्से)ले अन्तिम १५ मिनेटको औषत गणना विधि स्थगन गर्ने भएको छ । नेप्सेले आज सूचना जारी गर्दै मंगलबारबाट अन्तिम १५ मिनेटको औषत गणना विधिलाई स्थगित गर्ने जानकारी दिएको हो । नेप्सेका प्रवक्ता मुराहरि पराजुलीका अनुसार अन्तिम १५ मिनेटको औषत गणना विधिलाई स्थगित गर्नका लागि शनिबार नेपाल धितोपत्र बोर्डले नेप्सेमा पत्र पठाएको थियो । सोही आधारमा यस्तो गणना विधि स्थगित गरिएको नेप्सेले जनाएको छ । नेप्सेमा २ः४५ देखि ३ बजेसम्म कायम मूल्यको भारित औषत मूल्यलाई अन्तिम कारोबार मूल्य मानिनेछ । यस अवधिमा कुनै कारोबार नभएमा पछिल्लो कारोबार मूल्यलाई अन्तिम मूल्य मानिनेछ भन्ने व्यवस्थालाई स्थगन…

काठमाडौं, ५ असोज । आइतबार नेपाली बजारमा सुनको मूल्य बढेको छ । अघिल्लो कारोबार दिनको तुलनामा आज सुन तोलामा १ हजार १०० रुपैयाँले बढेको हो । नेपाल सुनचाँदी व्यवसायी महासंघका अनुसार आज छापावाल सुन प्रतितोला २ लाख १६ हजार १०० रुपैयाँमा कारोबार भइरहेको छ, यो मूल्य हालसम्मकै उच्च हो । यसअघि भदौ ३१ गते पनि सुन यही मूल्यमा कारोबार भएको थियो । अघिल्लो कारोबार दिन शुक्रबार भने सुन प्रतितोला २ लाख १६ हजार रुपैयाँमा रुपैयाँमा कारोबार भएको थियो । त्यस्तै, आज चाँदीको मूल्यले भने नयाँ रेकर्ड बनाएको छ । आज चाँदी प्रतितोला २ हजार ६२० रुपैयाँमा कारोबार भएको छ, यो…

काठमाडौं, ५ असोज । अन्तरिम सरकारअन्तर्गतको अर्थ मन्त्रालयले सहुलियतपूर्ण कर्जाको ब्याज अनुदान प्रयोजनका लागि करिब १० अर्ब निकासा गरेको छ । मन्त्रालयले ‘सहुलियतपूर्ण कर्जा ब्याज अनुदानसम्बन्धी एकीकृत कार्यविधि, २०८२’ बमोजिम चालू आर्थिक वर्षका लागि ९ अर्ब ८० करोड रुपैयाँ निकासा गरेको हो । मन्त्रालयले जारी गरेको विज्ञप्ति अनुसार स्वीकृत वार्षिक कार्यक्रमअन्तर्गत दोस्रो त्रैमासिकमा विनियोजन गरिएको रकमलाई संशोधन गरी पहिलो त्रैमासिकमै उपयोग हुने गरी उपलब्ध गराइएको छ । यस अनुसार विगत सात त्रैमासिकमा प्रवाह भएका सहुलियतपूर्ण कर्जाको ब्याज अनुदान नेपाल राष्ट्र बैंकमार्फत शोधभर्ना उपलब्ध गराइने उल्लेख छ ।

काठमाडौं, ५ असोज । बैंकहरूमा अधिक तरलता थुप्रिएपछि नेपाल राष्ट्र बैंकले आज ७० अर्ब रुपैयाँ तरलता खिच्ने भएको छ । राष्ट्र बैंकले ७ दिनका लागि निक्षेप सङ्कलन बोलकबोल उपकरणमार्फत ७० अर्ब रुपैयाँ तरलता खिच्न लागेको हो । यसका लागि आज दिउँसो ३ बजे बोलकबोल हुने राष्ट्र बैंकले जनाएको छ । निक्षेप दिन चाहने बैंक तथा वित्तीय संस्थाले घटीमा १० करोड रुपैयाँ र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म बोलकबोल गर्न सक्नेछन् । राष्ट्र बैंकका अनुसार निक्षेप संकलनको ब्याजदर बोलकबोलको माध्यमबाट निर्धारण हुनेछ भने साँवा तथा ब्याज भुक्तानी असोज १२ गते हुने छ ।

काठमाडौं, ३ असोज । शेयर बजारमा पछिल्लो समय देखिएको उतारचढाव र लगानीकर्तामा आएको निराशालाई सम्बोधन गर्न अर्थमन्त्री रामेश्वर खनालले चार सदस्यीय कार्यदल गठन गरेका छन् । शुक्रबार मन्त्रालयस्तरीय निर्णयमार्फत गठित कार्यदलको संयोजकका रूपमा नेपाल धितोपत्र बोर्ड (सेबोन)का कायम मुकायम कार्यकारी निर्देशक रुपेश केसीलाई तोकिएको हो । कार्यदलमा नेपाल राष्ट्र बैंकका निर्देशक शरण अधिकारी, नेप्सेका कामु कार्यकारी निर्देशक निरन्जन फुयाँल र अर्थ मन्त्रालयका उपसचिव शरद निरौला सदस्य रहेका छन् । निरौला नै सदस्य–सचिव रहने छन् । हालै जेनजी आन्दोलनपछि एक साताभन्दा बढी बन्द भएको शेयर बजार बिहीबार खुलेको दिन नै १६० अंकले तल झरेपछि सरकारले तत्कालै पहलस्वरूप कार्यदल गठन गरेको हो…

काठमाडौं, ३ असोज । शुक्रबार नेपाली बजारमा सुनको मूल्य बढेको छ । अघिल्लो कारोबार दिनको तुलनामा अज सुन तोलामा ८ सय रुपैयाँले बढेको हो । नेपाल सुनचाँदी व्यवसायी महासंघका अनुसार आज छापावाल सुन प्रतितोला २ लाख १६ हजार रुपैयाँमा कारोबार भइरहेको छ । अघिल्लो कारोबार दिन बिहीबार सुन प्रतितोला २ लाख १५ हजार २०० रुपैयाँमा कारोबार भएको थियो । त्यस्तै, आज चाँदीको मूल्य भने बढेको छ । बिहीबार प्रतितोला २ हजार ५२० रुपैयाँमा कारोबार भएको चाँदी आज २ हजार ५८० रुपैयाँमा कारोबार भइरहेको महासंघले जनाएको छ ।

काठमाडौं, ३ असोज । अर्थमन्त्री रामेश्वर खनालले फागुन २१ मा गरिने संघीय संसद्को चुनावलाई आवश्यक बजेटका लागि दातृ निकाय वा छिमेकीको मुख ताक्नुपर्ने अवस्था नरहेको बताएका छन् । नेपाल आर्थिक पत्रकार समाजको नवनिर्वाचित कार्यसमितिसँगको भेटमा उनले चालू बजेटमार्फत आयोजना बैंकमा प्रविष्ट नगरेका १ हजार ३ सयभन्दा बढी आयोजना फेला परेको र ती आयोजनाका लागि विनियोजित करिब १ खर्ब १० अर्ब रुपैयाँ भेटिएको जानकारी दिए । त्यस्तै, चालू बजेटमा राखिएका गोष्ठी, बैठकलगायत विभिन्न शीर्षकको करिब १२ अर्ब रुपैयाँ निकाल्न सकिने उनले जानकारी दिएका छन् । काम सुरु नभएका आयोजना पहिचान गरेर बजेट निकालिने उनले बताए। ’विशेषगरी त्यस्ता योजनाको बजेट निकालिँदै छ,…