Author: Bizness Khabar

काठमाडौं, २३ चैत । नेपाल विद्युत् प्राधिकरणले सडक बत्ती बालेबापत बक्यौता नतिरेका स्थानीय तहको जुनसुकै बेला बिजुली काटिने चेतावनी दिएको छ । केही स्थानिय तहले महसुल बुझाए पनि कतिपय स्थानीय तहबाट बक्यौता नआएको भन्दै प्राधिकरणले शुक्रबार यस्तो चेतावनी दिएको हो । प्राधिकरणले यसबाट सर्वसाधारणमा पर्ने असरप्रतिे क्षमा समेत मागेको छ । सडक बत्तीको व्यवस्थित उपयोग र सो को महसुल भुक्तानी गर्ने सम्बन्धमा प्राधिकरणले १६ चैतमा एक सूचना प्रकाशित गर्दै महसुल बुझाउन स्थानीय तहहरूलाई अनुरोध गरिएको थियो । प्राधिकरणका अनुसार अघिल्लो आर्थिक वर्षसम्म विभिन्न स्थानीय तहमा विद्युत् महसुल बक्यौता ६ अर्ब रुपैयाँभन्दा माथि छ । सबैभन्दा बढी काठमाडौं उपत्यकाको साढे १…

काठमाडौं, २३ चैत । लुम्बिनी प्रदेशको मुख्यमन्त्रीमा जोखबहादुर महरा नियुक्त भएका छन् । शुक्रबार प्रदेश प्रमुख अमिक शेरचनले संविधानको धारा १६८ (२) अनुसार माओवादी संसदीय दलका नेता महरालाई मुख्यमन्त्री नियुक्त गरेका हुन् । महराले शुक्रबार नै बुहुमत (४४) सांसदको हस्ताक्षरसहित मुख्यमन्त्रीमा दाबी पेस गरेका थिए । महरालाई एमालेसहितका सत्ता गठबन्धनका दल र स्वतन्त्र सांसदले समर्थन गरेका छन् । महरालाई आइतबार दिउँसो १ मुख्यमन्त्री पदको शपथ खुवाइने प्रदेश प्रमुखको सचिवालयले जनाएको छ ।

काठमाडौं, २३ चैत । नेपाल राष्ट्र बैंकको तथ्याङ्क अनुसार चालू आर्थिक वर्ष २०८०÷८१ फागुनमा उपभोक्ता मुद्रास्फीति ४ दशमलव ८२ प्रतिशतमा झरेको छ, जुन गत आवको फागुनको तुलनामा २.९२ प्रतिशत विन्दुले घटेको हो । गत आवको सो अवधिमा उपभोक्ता मुद्रास्फीति ७ दशमलव ४४ प्रतिशत थियो । समग्रमा मुद्रास्फीति घटे पनि गत आवको फागुनको तुलनामा खाद्य तथा पेय पदार्थ समूहको मुद्रास्फीति भने बढेको छ । राष्ट्र बैंकका अनुसार चालू आवको फागुनमा खाद्य तथा पेय पदार्थ समूहको मुद्रास्फीति ५.९४ प्रतिशत रहेको छ, जुन गत आवको सो अवधिको तुलनामा ० दशमलव ३ प्रतिशत विन्दुले बढी हो । गत आवको फागुनमा खाद्य तथा पेय पदार्थ…

काठमाडौं, २३ चैत । दोस्रो एकदिवसीय खेलमा नेपाल एले आयरल्यान्डसँगको ११४ रनको फराकिलो हार व्यहोरेको छ । यससँगै तीन खेलको सिरिज आयरल्यान्ड ए ले एक खेल अगावै जितेको छ । त्रिवि क्रिकेट मैदानमा भएको खेलमा १७५ रनको लक्ष्य पछ्याएको नेपाल ए १६.५ ओभरमा ६० रनमा अल आउट भयो । नेपालका भीम सार्कीले २१ बलमा २ चौका र १ छक्कासहित सर्वाधिक १७ रन बनाए भने विनोद भण्डारी १९ बलमा २ चौकासहित १६ रनमा आउट भए । यस्तै देव खनाल शून्य, अर्जुन साउद ५, नरेन भट्ट र बसिर अहमद ६(६ रनमा आउट भए । आयरल्यान्डका गेभिन होईले ५९ बलमा ५ चौका र…

काठमाडौं, २३ चैत । काठमाडौं महानगरपालिकाभित्रका सामुदायिक तथा संस्थागत विद्यालयले पोशाक र स्टेशनरी बिक्री गर्न नपाउने भएका छन् । महानगरपालिका अन्तर्गतको शिक्षा विभागकी निमित्त विभागीय प्रमुख सरस्वती पोखरेलले विद्यालयहरुलाई परिपत्र गर्दै प्रचलित कानुन विपरीत नगर्न सचेत गराएको छ । शैक्षिक वर्ष २०८१ का लागि प्रयोग गर्ने पाठ्यपुस्तक, पोशाक तथा स्टेशनरी विद्यालयबाटै विक्री गर्न र किन्न बाध्य बनाउन नपाउने परिपत्रमा उल्लेख छ । उक्त परिपत्र अनुसार सामुदायिक विद्यालयहरुले पाठ्यक्रम विकास केन्द्रले तयार पारेका पाठ्यपुस्तक मात्र प्रयोग गर्न पाउनेछन् । अंग्रेजी माध्यमका पाठ्यपुस्तक प्रयोग गर्नु परेमा केन्द्रले अनुवाद गरेर प्रकाशन गरेका वा सूचीकृत भएका मात्र प्रयोग गर्नुपर्नेछ । यसवाहेकका पाठ्यपुस्तकका लागि महानगरपालिकाले…

काठमाडौं, २३ चैत । लुम्बिनी प्रदेशमा मुख्यमन्त्रीको दाबी गर्दै माओवादी संसदीय दलका नेता जोखबहादुर महराले बहुमत सदस्यको हस्ताक्षर बुझाएका छन् । बिहीबार सत्तासाझेदार दलहरूबीच देउखुरीमा बसेको बैठकले मुख्यमन्त्री नियुक्तिको लागि दाबी पेस गर्ने निर्णय गरेको थियो । उक्त निर्णयअनुसार शुक्रबार प्रदेश प्रमुख अमिक शेरचन समक्ष मुख्यमन्त्री नियुक्तिको लागि महराले एमाले, एकीकृत समाजवादी, जसपा र स्वतन्त्र २ जनासहित ४४ जना सांसदको समर्थन पेस गरेका हुन् । केन्द्रमा राजनीतिक समीकरण फेरिएसँगै लुम्बिनीका मुख्यमन्त्री डिल्ली चौधरीले राजीनामा दिएका थिए । प्रदेश प्रमुख शेरचनले आज शुक्रबार सम्ममका लागि तीन दिनको समय दिएर संविधानको धारा १६८ (२) अनुसार प्रदेश सभामा प्रतिनिधित्व गर्ने दुई वा दुईभन्दा…

काठमाडौं, २३ चैत । चालू आर्थिक वर्ष २०८०÷८१ को आठ महिनामा बैंक तथा वित्तीय संस्थाहरुबाट निजी क्षेत्रमा करिब २ खर्ब कर्जा प्रवाह भएको छ । नेपाल राष्ट्र बेंकको तथ्याङ्क अनुसार चालू आर्थिक वर्ष २०८०÷८१ को आठ महिनामा बैंक तथा वित्तीय संस्थाहरुबाट निजी क्षेत्रमा १ खर्ब ९९ अर्ब ५० करोड रुपैयाँ कर्जा प्रवाह भएको छ, जुन गत आवको सोही अवधिको तुलनामा ५५ दशमलव ६४ प्रतिशतले बढेको हो । गत आवको फागुनसम्ममा बैंक तथा वित्तीय संस्थाहरुबाट निजी क्षेत्रमा १ खर्ब २८ अर्ब १८ करोड रुपैयाँ कर्जा प्रवाह भएको थियो । यस्तै वार्षिक बिन्दुगत आधारमा फागुनसम्ममा यस्तो कर्जा ५.२ प्रतिशतले बढेको छ ।…

काठमाडौं, २३ चैत । चालू आर्थिक वर्षको आठ महिनामा रेमिट्यान्स आप्रवाह साढे ९ खर्ब नाघेको छ । नेपाल राष्ट्र बैंकका अनुसार चालू आर्थिक वर्ष २०८÷०८१ को आठ महिनामा ९ खर्ब ६१ अर्ब २२ करोड रुपैयाँ रेमिट्यान्स भित्रिएको छ, जुन गत आवको सोही अवधिको तुलनामा २१ प्रतिशतले वृद्धि हो । गत आवको फागुनसम्ममा ७ खर्ब ९४ अर्ब ३२ करोड रेमिट्यान्स भित्रिएको थियो । यस्तै अमेरिकी डलरमा विप्रेषण आप्रवाह १८.८ प्रतिशतले वृद्धि भई ७ अर्ब २४ करोड पुगेको छ । अघिल्लो वर्ष यस्तो आप्रवाह १४.८ प्रतिशतले बढेको थियो । फागुनसम्म्मा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ) २ लाख ८६…

काठमाडौं, २३ चैत । नेपाल राष्ट्र बैंकले बैंक तथा वित्तीय संस्थाको मुद्दती निक्षेपमा लगानी गर्ने भएको छ । बैंकले उपदान तथा पेन्सन कोषमा रहेको वाणिज्य बैंक, विकास बैंक र राष्ट्रिस्तरका वित्त कम्पनीहरूको १८८ दिने निक्षेपमा ३२ करोड रुपैयाँ २०८१ वैशाख ३ गतेदेखि २०८१ कात्तिक ३ गते गतेसम्म (६ महिना) अर्थात १८८ दिनको मुद्दती निक्षेपमा लगानी गर्न लागेको हो । बैंकले ‘क’ वर्गका वाणिज्य बैङ्कमा २५ करोड ६० लाख रुपैयाँ, ‘ख’ वर्गका विकास बैङ्कहरूमा ४ करोड ८० लाख र ‘ग’ वर्गका वित्त कम्पनीहरूमा १ करोड ६० लाख रुपैयाँ लगानी गर्न बोलपत्र आह्वान गरेको छ । इच्छुक बैङ्क तथा वित्तीय संस्थाहरूले आफूले…

काठमाडौं, २२ चैत । नेपाली कांग्रेसका नेता डा.शेखर कोइरालाले देशमा स्थिरता दिन र विकास गर्न नेपाली कांगेस र नेकपा एमाले एक ठाउँमा उभिनुपर्ने बताएका छन् । बिहीबार विराटनगर विमानस्थलमा सञ्चारकर्मीहरुसँग कुरा गर्दै कोइरालाले विगतका अनुभव हेर्दा पनि नेपाली कांग्रेस र नेकपा एमाले मिलेपछि मात्रै संविधान बनेको भन्दै उनले देशलाई विकास गर्न नेकपा एमाले र कांग्रेस मिल्नुको विकल्प नरहेको बताए । उनले गठबन्धनले राजनीतिक स्थिरता हुन नसक्ने बताउदँदै स्थिर सरकार दिनुपर्ने जरुरी भइसकेको बताए । उनले भने, ‘देश अफ्ठ्यारो परिस्थितिमा छ । अहिलेको गठबन्धनले देशको आर्थिक विकास हुने सम्भावना छैन । राजनीतिक स्थिरता पनि हुँदैन भन्ने कुरा हरेक प्रदेशमा आइसकेको छ…