Author: Bizness Khabar

काठमाडौं, २ असोज । गृह एवम् कानून, न्याय तथा संसदीय मामिला मन्त्री ओमप्रकाश अर्यालले बिहीबार नेपाल प्रहरी प्रधान कार्यालयको निरीक्षण भ्रमण गर्नुभई उपस्थित प्रहरी कर्मचारीहरूलाई निर्देशन दिएका छन् । गृहमन्त्री अर्याललाई नेपाल प्रहरी प्रधान कार्यालयमा प्रहरी महानिरीक्षक चन्द्र कुबेर खापुङ्ग, प्रहरी अतिरिक्त महानिरीक्षकहरू, प्रहरी नायव महानिरीक्षकहरू लगायत वरिष्ठ प्रहरी अधिकृतहरूले स्वागत गरेका थिए । सो क्रममा उनले नेपाल प्रहरी प्रधान कार्यालय परिसरस्थित अमर प्रहरी स्मारकमा पुष्प गुच्छा अर्पण गरे । निरीक्षण पश्चात आयोजित कार्यक्रममा गृहमन्त्री अर्यालले कार्यक्रममा उपस्थित तथा भर्चुअल रूपमा उपस्थित प्रहरी अधिकृत तथा जवानहरूलाई निर्देशन सम्बोधन गरे । सो क्रममा उनले नेपाल प्रहरीले स्थापना कालदेखि देशमा भएका विभिन्न…

काठमाडौं, २ असोज । जेनजी आन्दोलनका क्रममा देशभर विभिन्न स्थानमा भएको तोडफोड र आगजनीका कारण बीमा कम्पनीहरूमा करिब २१ अर्ब रुपैयाँ बराबरको दाबी परेको छ । नेपाल बीमा प्राधिकरणले सार्वजनिक गरेको भदौ ३१ गतेसम्मको विवरण अनुसार आन्दोलनका क्रममा १४ निर्जीवन र ४ लघु निर्जीवन बीमा कम्पनीमा जम्मा १ हजार ९८४ वटा दाबी परेका छन् । यी दाबीहरूको मूल्य २० अर्ब ७० करोड ३८ लाख रुपैयाँभन्दा बढी छ । सबैभन्दा धेरै दाबी ओरिएन्टल इन्स्योरेन्समा परेको छ । यस कम्पनीमा ४० वटा दाबीमार्फत करिब ५ अर्ब १४ करोड ७९ लाख रुपैयाँ क्षतिपूर्तिको माग गरिएको छ । त्यसपछि सिद्धार्थ प्रिमियर इन्स्योरेन्समा २५८ वटा…

काठमाडौं, २ असोज । बैंकहरूमा अधिक तरलता थुप्रिएपछि नेपाल राष्ट्र बैंकले आज ९० अर्ब रुपैयाँ तरलता खिच्ने भएको छ । राष्ट्र बैंकले १० दिनका लागि निक्षेप सङ्कलन बोलकबोल उपकरणमार्फत ९० अर्ब रुपैयाँ तरलता खिच्न लागेको हो । यसका लागि आज दिउँसो ३ बजे बोलकबोल हुने राष्ट्र बैंकले जनाएको छ । निक्षेप दिन चाहने बैंक तथा वित्तीय संस्थाले घटीमा १० करोड रुपैयाँ र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म बोलकबोल गर्न सक्नेछन् । राष्ट्र बैंकका अनुसार निक्षेप संकलनको ब्याजदर बोलकबोलको माध्यमबाट निर्धारण हुनेछ भने साँवा तथा ब्याज भुक्तानी असोज १२ गते हुने छ ।

काठमाडौं, २ असोज । बिहीबार नेपाली बजारमा सुनको मूल्य घटेको छ । अघिल्लो कारोबार दिनको तुलनामा अज सुन तोलामा ९ सय रुपैयाँले घटेको हो । नेपाल सुनचाँदी व्यवसायी महासंघका अनुसार आज छापावाल सुन प्रतितोला २ लाख १५ हजार २०० रुपैयाँमा कारोबार भइरहेको छ । अघिल्लो कारोबार दिन बुधबार सुन प्रतितोला २ लाख १६ हजार १०० रुपैयाँमा कारोबार भएको थियो । त्यसैगरी, आज चाँदीको मूल्य पनि घटेको छ । बुधबार प्रतितोला २ हजार ५५० रुपैयाँमा कारोबार भएको चाँदी आज २ हजार ५२० रुपैयाँमा कारोबार भइरहेको महासंघले जनाएको छ ।

काठमाडौं, २ असोज । बुङ्गल हाइड्रो लिमिटेडको प्राथमिक शेयर (आईपीओ) बाँडफाँट आज सम्पन्न भएको छ । कम्पनीको शेयर निष्काशन तथा बिक्री प्रबन्धक हिमालयन क्यापिटल लिमिटेडको कार्यालयमा बिहानै बाँडफाँट गरिएको हो । कम्पनीले भदौ १६ गतेदेखि १९ गतेसम्म सर्वसाधारणका लागि १७ लाख १ हजार ५०० कित्ता साधारण शेयर निष्काशन गरेको थियो । अंकित मूल्य प्रतिकित्ता १०० रुपैयाँ रहेकाले यस आईपीओबाट कम्पनीले करिब १७ करोड १ लाख ५० हजार रुपैयाँ उठाएको छ । यो शेयरमा अत्यधिक चासो देखिएको थियो । कुल २१ लाख ७५ हजार ८८८ लगानीकर्ताले २ करोड ३७ लाख ३८ हजार ९१० कित्ता शेयरका लागि आवेदन दिएका थिए । तीमध्ये…

काठमाडौं १ असोज । चालू आर्थिक वर्ष (आव)को दुई महिनामा सरकारको विकास खर्च साढे १ प्रतिशत मात्र भएको छ । गत वर्षको तुलनामा समेत खर्चको अवस्था कमजोर देखिएको हो । महालेखा नियन्त्रक कार्यालयका अनुसार गत भदौसम्म विकास लक्षित पुँजीगत खर्च ६ अर्ब ३५ करोड ३३ लाख रुपैयाँ भएको छ । यो वार्षिक बजेट विनियोजनको १ दशमलव ५६ प्रतिशत हो, जुन गत आवको यसै अवधिको तुलनामा २ दशमलव ६७ प्रतिशत बिन्दुले कमी हो । सो वर्षको भदौसम्ममा यस्तो खर्च ४ दशमलव २३ प्रतिशत अर्थात १४ अर्ब ८९ करोड ४० लाख रुपैयाँ भएको थियो । चालू आवका लागि सरकारले विकास खर्चतर्फ ४…

काठमाडौं, १ असोज । चालू आर्थिक वर्ष (आव)को पहिलो महिनामा वाणिज्य बैंकहरूको खुद नाफा घटेको छ । पछिल्लो तथ्याङ्क अनुसार २० ओटा वाणिज्य बैंकहरूको खुद नाफा साढे ८ प्रतिशतले घटेको हो । नेपाल राष्ट्र बैंकको तथ्याङ्क अनुसार गत आव २०८१÷८२ को साउन मसान्तसम्मको तुलनामा चालू आवको सोही अवधिमा यस्तो बैंकको खुद नाफा ८ दशमलव ६४ प्रतिशत घटेकोे हो । गत साउनसम्ममा बैंकहरूको खुद नाफा ८३ अर्ब ८२ करोड २९ लाख रुपैयाँ रहेको छ । गत आवको यसै अवधिमा ९१ अर्ब ७६ करोड ६१ लाख रुपैयाँ खुद नाफा आर्जन गरेका थिए । आवको साउनसम्ममा धेरै खुद नाफा गर्नेमा ग्लोबल बैंक रहेको…

काठमाडौं, १ असोज । मंगलबार उच्च मूल्यमा कारोबार भइरहेको सुनचाँदीको मूल्य आज भने घटेको छ । अघिल्लो कारोबार दिनको तुलनमा आज सुन तोलामा १ हजार रुपैयाँले घटेको हो । नेपाल सुनचाँदी व्यवसायी महासंघका अनुसार बुधबार छापावाल सुन प्रतितोला २ लाख १६ हजार १०० रुपैयाँमा कारोबार भइरहेको छ । बुधबार सुन सुन प्रतितोला २ लाख १७ हजार १०० रुपैयाँमा कारोबार हुँदै नयाँ रेकर्ड बनाएको थियो । त्यसैगरी, चाँदीको मूल्य पनि घटेको छ । अघिल्लो कारोबार दिनको तुलनामा आज चाँदी तोलामा ५० रुपैयाँले घटेको हो । सोमबार प्रतितोला २ हजार ५९५ रुपैयाँमा कारोबार भएको चाँदी आज २ हजार ५५० रुपैयाँमा कारोबार भइरहेको…

काठमाडौं, ३१ भदौ । बैंक तथा वित्तीय संस्थाहरूबाट शेयर धितो राखेर लिने मार्जिन प्रकृतिको कर्जाको आकार बढेको छ । नेपाल राष्ट्र बैंकका अनुसार चालू आर्थिक वर्ष (आव) २०८२/८३ को पहिलो महिनामा यस्तो कर्जा २ दशमलव ७ प्रतिशतले बढेको हो । २०८१/८२ को असार मसान्तमा १ खर्ब ४० अर्ब ७० करोड प्रवाह भएको मार्जिन कर्जा गत साउनसम्म आाइपुग्दा बढेर १ खर्ब ४४ अर्ब ५३ करोड रुपैयाँ कायम भएको छ । यो अवधिमा ३ अर्ब ८३ करोड रुपैयाँ बढेको देखिन्छ । गत साउनमा मार्जिन प्रकृतिको कर्जामा २५ लाखभन्दा कम कर्जा लिने सबैभन्दा बढी बढेका छन् । सो अवधिमा २५ लाख भन्दा कम…

काठमाडौं, ३१ भदौ । मंगलबार नेपाली बजारमा सुनचाँदीको मूल्यमा नयाँ रेकर्ड कायम भएको छ । अघिल्लो कारोबार दिनको तुलनमा आज सुन तोलामा १ हजार ९०० रुपैयाँले बढेर नयाँ रेकर्ड बनाएको हो । नेपाल सुनचाँदी व्यवसायी संघका अनुसार आज छापावाल सुन प्रतितोला २ लाख १७ हजार १०० रुपैयाँमा कारोबार भइरहेको छ । यसअघि २७ भदौमा सुन प्रतितोला २ लाख १५ हजार ८ सयमा कारोबार हुँदै नयाँ रेकर्ड बनाएको थियो, यो रेकर्ड आज तोडिएको हो । सोमबार छापावाला सुन प्रतितोला २ लाख १५ हजार २०० रुपैयाँमा कारोबार भएको थियो । त्यसैगरी, चाँदीको मूल्यले भने निरन्तर नयाँ रेकर्ड बनाउँदै गइरहेको छ । अघिल्लो…