Author: Bizness Khabar

काठमाडौं,२० भदौ । सरकारले कम्पनी दर्ता गर्न केही सहजता प्रदान गरेसँगै पछिल्लो समय दर्ता गर्नेको सङ्ख्या बढेको छ । कम्पनी रजिष्ट्रार कार्यालयको तथ्याङ्क अनुसार गत आर्थिक वर्ष २०८०/८१ मा २५ हजार ६ सय ९९ कम्पनी दर्ता भएका छन्, जुन आर्थिक वर्ष २०७९/८० को तुलनामा २० दशमलव ०१ प्रतिशतले बढी हो । अघिल्लो आवमा २१ हजार चार सय १३ कम्पनी दर्ता भएका थिए । सरकारले गत आर्थिक वर्षको बजेटमार्फत न्युनतम एक सय रुपैयाँमै कम्पनी दर्ता हुने व्यवस्था गरेको थियो । साथैै नयाँ कम्पनी दर्ता गर्दा, कम्पनीको पूँजी वृद्धि गर्दा कुनै शुल्क वा दस्तुर नलाग्ने तथा दर्ता र खारेजी प्रक्रियालाई अनलाइनबाटै व्यवस्था गर्ने…

काठमाडौं, २० साउन । सरकारले अगाडि सारेको सर्त मान्न टिकटक तयार भएको छ । शर्तसहित प्रतिबन्ध हटाउने सरकारले निर्णय गरेसँगै उक्त सर्त मान्नका लागि टिकटक तयार भएको हो । बुधबार टिकटकका प्रतिनिधि नेपाल आएर सञ्चार तथा सूचना प्रविधि मन्त्रालयमा छलफल गर्दै सरकारले अगाडि सारेका सर्तमान्न तयार रहेको जनाएका हुन् । टिकटकको सिंगापुरस्थित कार्यालयबाट आएका तीन जना प्रतिनिधिले सरकारले राखेका शर्तहरु पूरा गर्ने प्रतिवद्धता पत्र तुरुन्तै दिन सकिने बताएका मन्त्रालय स्रोतले बताएको छ । यसअघि पुष्पकमल दाहाल नेतृत्वको सरकारले सामाजिक सद्भाव खलबल्याएको भन्दै २७ कात्तिक २०८० मा टिकटकमाथि लगाएको प्रतिबन्ध भदौ ६ गते बिहीबार बसेको मन्त्रिपरिषद् बैठकले फुकुवा गर्ने निर्णय गरेको…

काठमाडौं, २० भदौ । चालू आर्थिक वर्ष (आव) २०८१/८२ को पहिलो महिनामा रोजगारीका लागि करिब ६० हजार नेपाली विदेशिएका छन् । वैदेशिक रोजगार विभागको तथ्याङ्क अनुसार चालू आवको साउनमा वैदेशिक रोजगारीका लागि ५९ हजार ५७५ जनाले श्रम स्वीकृति लिएका छन्, जुन गत आवको साउनको तुलनामा ७ दशमलव १९ प्रतिशतले बढी हो । गत आवको सोही अवधिमा ५५ हजार ५७५ जनाले श्रम स्वीकृति लिएर रोजगारीका लागि विदेश गएका थिए । तर, गत आवको पछिल्लो २ महिनायता भने रोजगारीका लागि विदेश जानेको सङ्ख्या घट्दै गएको विभागको तथ्याङ्कले देखाउँछ । गत आवको जेठमा सबैभन्दा बढी ७२ हजार ८६१ जनाले श्रम स्वीकृति लिएका थिए…

काठमाडौं, २० भदौ । नेपाली कांग्रेसका केन्द्रीय सदस्य तथा प्रतिनिधिसभा सदस्य डा. चन्द्र भण्डारीले नेताहरुका कारण युवामा निराशा छाएको बताएका छन् । नेपाल प्रेस युनियन पाल्पा शाखाले तानसेनमा आयोजना गरेको पत्रकार भेटघाट कार्यक्रममा उनले देशमा नेताको कार्यशैलीले अहिलेका युवापुस्तामाझ निराशा उत्पन्न भएको बताएका हुन् । युवाहरु विदेशिने क्रम बढ्दो रहेकाले अब नेताले पद र प्रतिष्ठालाई मात्र महत्व दिनुभन्दा देश र जनताको हितमा काम गर्नुपर्ने उनको भनाइ छ । युवालाई देशमै बस्ने वातावरण बनाउनुपर्ने उनले बताए । मुलुक अब परिवर्तनको बाटोमा अघि बढ्नुपर्ने उनले बताए । भण्डारीले मुलुक बनाउनुपर्ने बेला आएको भन्दै देशलाई पछाडि फर्कन नदिइ परिवर्तन गर्नु अहिलेको आवश्यकता रहेको…

काठमाडौं, २० भदौ । अमेरिकी पूर्वराष्ट्रपति तथा रिपब्लिकन पार्टीका वर्तमान राष्ट्रपति उम्मेदवार डोनाल्ड ट्रम्पले युक्रेनले युद्धमा मारिएकाहरूको आँकडा झुटो दिएको बताएका छन् । रुसी विश्व च्यानल आरटीका अनुसार उनले मरेका भन्दा थोरै संख्या दिइएको बताएका छन् । अमेरिकाका पडकास्टर लेक्स फ्रिडम्यानसँगको कुराकानीमा बोल्दै ट्रम्पले युक्रेनले रुससँगको आईटीएस संघर्षमा मृत्युको वास्तविक संख्यालाई जानाजानी ढाकछोप गरेको आरोप लगाएका हुन् । पडकास्ट मङ्गलवार सार्वजनिक भएको हो । कुराकानीमा ट्रम्पले भनेका छन्, ‘उनीहरू संख्या थोरै देखाउन खोजिरहेका छन् । उनीहरूले दुई ब्लक भएको भवन भत्काउँछन् । अनि भन्छन्, एक जनालाई सामान्य चोट लागेको छ । त्यो हुँदै होइन । धेरै मान्छे मारिएका छन् ।…

काठमाडौं, २० भदौ । काठमाडौं उपत्यकाको फोहरमैला व्यवस्थापन हुँदै सेनेटरी ल्यान्डफिल साइटको निगरानी काठमाडौं प्लाजाबाट सुरु भएको छ । फोहोर व्यवस्थापन हुने गरेको ल्यान्डफिल साइट नुवाकोट र धादिङ जिल्लाको सीमाना बञ्चरेडाँडामा छ । संस्थागत सुधारको कार्यक्रममध्ये कार्य सञ्चालन हुने ठाउँका विषयमा जानकारी तथा सूचना लिन सीसीटीभी क्यामरा जडान गरिएको हो । साइटमा प्रवेश गर्ने सवारी साधन तथा व्यक्ति प्रवेशसहितका क्रियाकलापमा निगरानी गरेर सम्भावित अनधिकृत क्रियाकलाप रोक्न प्रणाली जडान गरिएको महानगरले जनाएको छ । प्रमुख प्रशासकीय अधिकृत प्रदीप परियारले भने,‘स्वचालित प्रणाली बढाएर संस्थागत सुदृढीकरण गर्ने क्रममा ल्याण्डफिल साइटमा अत्याधुनिक सिसिटिभी क्यामरा जडान गरिएको हो ।’ क्यामराबाट प्राप्त दृश्य महानगरका प्रमुख प्रशासकीय…

काठमाडौं, २० भदौ । नेपालका प्रमुख व्यापारिक मुलुक भारत र चीन हुन् । दशकौंदेखि यी दुई मुलुक नेपालका प्रमुख दुई व्यापार साझेदारका रूपमा रहँदै आएका छन् । तर, नेपालको वेदेशिक व्यापार साझेदार तेस्रो ठूलो मुलुकबारे पनि खासै धेरै चर्चा हुँदैन । भारत र चीनपछिको ठूलो व्यापार साझेदार मुलुक प्रायः परिवर्तन भइरहनदे भएकाले पनि धेरै चर्चा नभएको पनि हुन सक्छ । यद्यपि कुनै पनि मुलुकका लागि प्रमुख व्यापार साझेदार मुलुकहरू र तिनसँग हुने व्यापारले ठूलो अर्थ राख्छ । भन्सार विभागको तथ्याङ्क अनुसार चालू आर्थिक वर्ष २०८१/८२ को साउनमा १०३ मुलुकसँग नेपालको व्यापार भएको छ । नेपालको वैदेशिक व्यापारमा छिमेकी मुलुक भारत…

काठमाडौं, २० भदौ । हिन्दु महिलाहरुको महान चाड हरितालिका तीजको अघिल्लो दिन आज (बिहीबार) दर खाएर मनाइँदै छ । दरखाने दिनसँगै तीज पर्व आजदेखि सुरु हुँदैछ । दरखाने दिन परिवार, इष्टमित्र र छिमेकी भेला भएर विभिन्न परिकार खाँदै रमाइलो गर्ने चलन छ । भाद्र शुक्ल द्वितीया अर्थात हरितालिका तीजको अघिल्लो दिन तीजको निराहार व्रत बस्न शक्ति प्राप्तिका लागि नेपाली हिन्दु नारीहरुले दर खाने परम्परा छ । दर खाने दिनमा विभिन्न मीठा परिकार बनाएर खाने र नाचगान गरेर रमाइलो गर्ने चलन छ । दरखाने दिन परिवार, नातेदार र आफन्तहरू बीचको एकता र मेलमिलापको प्रतीक हो । यस दिन परिवारका सबै सदस्यहरू,…

काठमाडौं, २ साउन । एक वर्ष अवधिमा नेपालमा प्रत्यक्ष वैदेशिक लगानी (एफडिआई) प्रतिबद्धता करिब ६२ अर्ब रुपैयाँ बराबरको आएको छ । उद्योग विभागका अनुसार गत आर्थिक वर्ष २०८०–८१ को अन्तिमसम्ममा ६१ अर्ब ९० करोड ४५ लाख वैदेशिक लगानी प्रतिबद्धता आएको छ । यो अघिल्लो आर्थिक वर्ष २०७९–८० को तुलनामा ६२.०४ प्रतिशतले बढी हो । अघिल्लो आवको १२ महिनामा यस्तो प्रबिद्धता ३८ अर्ब ४० करोड ७५ लाख लगानी प्रतिबद्धता गरिएको थियो । विभागका अनुसार गत आवको असारमा सबैभन्दा बढी लगानी प्रतिबद्धता आएको छ । सो महिना मात्रै १७ अर्ब ४८ करोड ४७ लाख बराबरको प्रतिबद्धता आएको छ । ५ खर्ब नाघ्यो…

काठमाडौं, २० असार । ग्लोबल आइएमई बैंक लिमिटेड र भूमि डेभलपर्स प्रा.लि. तथा प्यासिफिक डेभलपर्स प्रा.लि. बिच हरित आवास कर्जा प्रवाह गर्ने सम्बन्धी समझदारी पत्रमा हस्ताक्षर सम्पन्न भएको छ । उक्त समझदारी अनुसार बैंकले ललितपुर जिल्ला, गोदावरी नगरपालिका वडा नं ३, किटिनीस्थित भूमि डेभलपर्स तथा प्यासिफिक डेभलपर्सले निर्माण गर्ने वातावरण मैत्री आवासीय घर खरिदकर्ताहरुलाई सहज रुपमा कर्जा प्रवाह गर्नेछ । बैंकले भूमि तथा प्यासिफिक डेभलपर्स प्रा.लि.ले बिक्री गर्ने वातावरण मैत्री आवासीय घरहरु खरिद गर्न चाहने ग्राहकलाई ३ कार्यदिन भित्र सरल र सहज कर्जा प्रवाह गर्नेछ । यसका साथ–साथै ग्लोबल आइएमई बैंक भूमि तथा प्यासिफिक डेभलपर्स प्रा.लि.ले निमाण गर्ने परियोजनाको बैंकिङ्…