Author: Bizness Khabar

काठमाडौं, ३० भदौ । नेपाल बीमा प्राधिकरणले हालै आन्दोलनका क्रममा भएका भौतिक तथा अन्य क्षतिबाट बीमा क्षेत्रमा परेको प्रभावका सम्बन्धमा प्राधिकरणको केन्द्रीय कार्यालय, कुपण्डोलमा निर्जीवन बीमा कम्पनी र पुनर्बीमा कम्पनीहरूका प्रमुख कार्यकारी अधिकृतहरूसँग छलफल गरेको छ । छलफलमा निर्जीवन बीमा कम्पनीका प्रमुख कार्यकारी अधिकृतहरूले आन्दोलनका क्रममा भएका भौतिक तथा अन्य क्षतिको बीमा दाबीमध्ये सानो दाबी रकम बीमकले तत्कालै भुक्तानी गर्नसक्ने, त्यसभन्दा माथिको बीमा दाबी भुक्तानीको हकमा नियम बमोजिम पुनर्बीमकले पेश्की स्वरूप अग्रिम रूपमा रकम दिनुपर्ने र तरलता व्यवस्थापनमा पुनर्बीमकले सहजीकरण गर्नुपर्ने विचार व्यक्त गरेका थिए । साथै, उनीहरूले आन्दोलनका क्रममा पूर्णरूपमा क्षति भएका भौतिक सम्पत्तिको बीमा दाबी भुक्तानीका सन्दर्भमा विशेष…

काठमाडौं, ३० भदौ । नेपाल बीमा प्राधिकरणले हालको गैरप्राकृतिक विपद्को अवस्थामा बीमा दाबी भुक्तानीलाई छिटोछरितो बनाउने सम्बन्धमा बीमा सर्भेयरको भूमिकाका सम्बन्धमा पनि बीमा सर्भेयर संघ, नेपालसँग छलफल गरेको छ । छलफलमा बीमा सर्भेयर संघका पदाधिकारीहरूले हालको विषम अवस्थालाई ध्यानमा राखी न्यूनतम कागजातका आधारका सर्भे प्रतिवेदन बुझाउने व्यवस्था गर्नुपर्ने, सर्भेयरहरूले समानुपातिरूपमा काम पाउनुपर्ने, क्षति भएका स्थानमा बीमा सर्भेयरले सहजै प्रवेश पाउने व्यवस्था गर्नुपर्ने, सर्भेयरहरुलाई बढी जिम्मेवार बनाउनुपर्ने लगायतका धारणा राखेका थिए । त्यस अवसरमा नेपाल बीमा प्राधिकरणका कार्यकारी निर्देशक सुशील देव सुवेदीले बीमा नियमावली, २०८१ मा गम्भीर प्रकृतिको विपद्को समयमा प्राधिकरणले दाबी भुक्तानी सम्बन्धी सङ्क्षिप्त कार्यविधि लागू गर्ने व्यवस्था भए बमोजिम…

काठमाडौं, ३० भदौ । सोमबार नेपाली बजारमा सुनको मूल्य सामान्य बढेको छ अघिल्लो कारोबार दिनको तुलनामा आज सुन तोलामा १०० रुपैयाँले बढेको हो । नेपाल सुनचाँदी व्यवसायी महासंघका अनुसार आज छापावाल सुन प्रतितोला २ लाख १५ हजार २०० रुपैयाँमा कारोबार भइरहेको छ । कारोबारको अघिल्लो दिन आईतबार सुन प्रतितोला २ लाख १५ हजार १०० रुपैयाँमा कारोबार भएको थियो । त्यस्तै, चाँदीको मूल्यले भने निरन्तर नयाँ रेकर्ड बनाउदै गएको छ । आज चाँदी प्रतितोला २ हजार ५७५ रुपैयाँमा कारोबार भईरहेको छ । आईतबार चाँदी २ हजार ५७० रुपैयाँमा कारोबार भएको थियो ।

काठमाडौं, ३० भदौ । नेपाल बीमा प्राधिकरणले भदौ २३ र २४ गतेको जेनजी आन्दोलनका क्रममा भएको जनधनको क्षतिपूर्ति दाबी गर्न बीमितहरूलाई आह्वान गरेको छ। प्राधिकरणले जारी गरेको सूचनामा सो आन्दोलनमा परेको क्षतिलाई बीमालेखको प्रावधान अनुसार दाबी गर्न सकिने उल्लेख छ । बीमितहरूले आवश्यक कागजातसहित सम्बन्धित बीमा कम्पनीमा दाबी पेश गर्न आग्रह गरिएको हो । साथै तोकिएको अवधिभित्र दाबी भुक्तानी नगरेमा वा दायित्व निर्धारणमा ढिलासुस्ती भएमा बीमितले बीमा प्राधिकरणमै उजुरी दिन सक्ने प्रावधानसमेत सूचनामा समावेश गरिएको छ ।

काठमाडौं, ३० भदौ । सागर डिष्टिलरी लिमिटेडले आजदेखि सर्वसाधारणका लागि आईपीओ खुलाएको छ । कम्पनीले वैदेशिक रोजगारीमा रहेका नेपालीहरुका लागि निष्काशन गरेको आईपीओ बाँडफाँटपश्चात सर्वसाधारणका लागि आईपीओ निष्काशन गरेको हो । कम्पनीले जारी पूँजी ७२ करोड ६० लाख रुपैयाँको २० प्रतिशतले हुन आउने १४ करोड ५२ लाख रुपैयाँ बराबरको १४ लाख ५२ हजार कित्ता आईपीओ निष्काशन गर्ने अनुमति पाएको थियो, जसमध्ये १० प्रतिशतले हुन आउने १ लाख ४५ हजार २०० कित्ता शेयर वैदेशिक रोजगारीमा रहेका नेपालीहरुका लागि निष्काशन गरी बाँडफाँट गरिसकेको छ । त्यस्तै, कम्पनीले ५ प्रतिशत अर्थात ७२ हजार ६०० कित्ता शेयर सामूहिक लगानी कोषहरुमा बाँडफाँट गरिसकेको छ ।…

काठमाडौं, २९ भदौ । राष्ट्रपति रामचन्द्र पौडेलले नेपालको संविधानले बालबालिकाको हकलाई सुनिश्चित गरेको बताएका छन् । आइतबार राष्ट्रिय बाल दिवसका अवसरमा शुभकामना सन्देश दिँदै राष्ट्रपति पौडेलले बाल दिवसले बालबालिकाका लागि शिक्षा, स्वास्थ्य, सुरक्षा एवम् विकासमा ध्यान दिँदै आवश्यक लगानीको सुनिश्चितता प्रदान गर्ने अपेक्षा गरिएको बताएका छन् । सन्देशमा भनिएको छ, ‘नेपालको संविधानले मौलिक हकका रूपमा बालबालिकाको हकलाई सुनिश्चित गरेको छ । बालबालिकाका सम्बन्धमा व्यवस्था गरिएका राष्ट्रिय र अन्तर्राष्ट्रिय प्रतिबद्धता तथा संवैधानिक कानुनी प्रावधानहरूको प्रभावकारी कार्यान्वयन गर्न सरकारी तथा गैरसरकारी निकाय, नागरिक समाज, अभिभावक, विद्यालय एवम् अन्य सरोकारवाला निकायहरूको एकीकृत र समन्वयात्मक भूमिका आवश्यक रहन्छ । बालबालिकाको हितलाई प्राथमिकतामा राखी समाज…

काठमाडौं, २९ भदौ । दशैँ नजिकिएसँगै नेपाल राष्ट्र बैंकले आजदेखि सुकिला नोट वितरण प्रारम्भ गरेको छ । असोज १० गतेसम्म यो सेवा उपलब्ध हुने बैंकले जनाएको हो । राष्ट्र बैंकका अनुसार जेन–जी आन्दोलनका कारण केही चुनौती उत्पन्न भए पनि राष्ट्र बैंक तथा अन्य वित्तीय संस्थामा ठूला भौतिक क्षति नभएकाले अघिल्लो निर्णय अनुसार नै नोट साटासाट गर्न सकिने अवस्था छ । सुकिला नोट सटहीका लागि काठमाडौंको थापाथलीस्थित मुद्रा व्यवस्थापन विभागका साथै प्रदेश कार्यालयहरू विराटनगर, जनकपुर, वीरगञ्ज, पोखरा, सिद्धार्थनगर, नेपालगञ्ज र धनगढीबाट सुविधा उपलब्ध हुनेछ । साथै बैंक तथा वित्तीय संस्थाका शाखा कार्यालयमार्फत पनि नोट साट्न सकिने व्यवस्था मिलाइएको छ । यसपटक…

काठमाडौं, २३ भदौ । नेपाली बजारमा गत साता शुक्रबारदेखि नै दैनिक नयाँ रेकर्ड बनाउँदै आएको सुनको मूल्य आज भने घटेको छ । अघिल्लो कारोबार दिनको तुलनामा आज सुनको मूल्य तोलामा ४ सय रुपैयाँले घटेको हो । नेपाल सुनचाँदी व्यवसायी संघकाअनुसार आज छापावाल सुन प्रतितोला २ लाख ११ हजार ६०० रुपैयाँमा कारोबार भइरहेको छ । आइतबारको प्रतितोला २ लाख १२ हजार रुपैयाँमा कारोबार भएको सुनको मूल्यले नयाँ रेकर्ड बनाएको थियो । त्यस्तै आज चाँदी उच्च मूल्यबाट २५ रुपैयाँ घटको छ । को मूल्य पनि तोलामा घटेको छ । बुधबार प्रतितोला २ हजार ५०० रुपैयाँमा कारोबार भएको चाँदी आज २ हजार ४७५…

काठमाडौं, २३ भदौ । सिटि होटल लिमिटेडले आजदेखि हकप्रद शेयर निष्काशन तथा बिक्री खुला गरेको छ । कम्पनीले हाल कायम चुक्ता पूँजी १ अर्ब ६७ करोड ४० लाख रुपैयाँको ८० प्रतिशत अर्थात १० कित्ता शेयर बराबर नयाँ ८ कित्ता अनुपातमा हकप्रद शेयर निष्काशन गरेको हो, जस अनुसार कम्पनीले १ अर्ब ३३ करोड ९२ लाख रुपैयाँबराबरको प्रतिशेयर १०० रुपैयाँ अंकित मूल्यका १ करोड ३३ लाख ९२ हजार कित्ता हकप्रद शेयर निष्काशन गर्नेछ । हकप्रद शेयर निष्काशन प्रयोजनार्थ कम्पनीले साउन २७ गते बुकक्लोज गरेको थियो, तसर्थ साउन २६ गतेसम्म नेप्सेमा कारोबार भइ कायम शेयरधनीहरुले मात्र सो हकप्रद शेयरका लागि आवेदन दिन पाउनेछन्…

काठमाडौं, २२ भदौ । सुनको मूल्यले आज पनि नयाँ रेकर्ड कायम गरेको छ । अघिल्लो कारोबार दिनको तुलनामा आज सुन तोलामा १ हजार ६ सय रुपैयाँले बढेको हो । नेपाल सुनचाँदी व्यवसायी महासंघका अनुसार आइतबार छापावाल सुन प्रतितोला २ लाख १२ हजार रुपैयाँमा कारोबार भइरहेको छ, यो मूल्य हालसम्मै उच्च हो । शुक्रबार सुन २ लाख १० हजार ४ सय रुपैयाँमा करोबार भएको थियो । यस्तै, आज चाँदीको मूल्यले पनि नयाँ रेकर्ड बनाएको छ । शुक्रबार प्रतितोला २ हजार ४९० रुपैयाँमा कारोबार भएको चाँदी आज २ हजार ५०० रुपैयाँमा कारोबार भइरहेको महासंघले जनाएको छ ।