Author: Bizness Khabar

काठमाडौं, २२ भदौ । बैंकहरूमा अधिक तरलता थुप्रिएपछि नेपाल राष्ट्र बैंकले आज २५ अर्ब रुपैयाँ तरलता खिच्ने भएको छ । राष्ट्र बैंकले २१ दिनका लागि निक्षेप सङ्कलन बोलकबोल उपकरणमार्फत २५ अर्ब रुपैयाँ तरलता खिच्न लागेको हो । यसका लागि आज दिउँसो ३ बजे बोलकबोल हुने राष्ट्र बैंकले जनाएको छ । निक्षेप दिन चाहने बैंक तथा वित्तीय संस्थाले घटीमा १० करोड रुपैयाँ र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म बोलकबोल गर्न सक्नेछन् । राष्ट्र बैंकका अनुसार निक्षेप संकलनको ब्याजदर बोलकबोलको माध्यमबाट निर्धारण हुनेछ भने साँवा तथा ब्याज भुक्तानी असोज १२ गते हुने छ ।

काठमाडौं, २० भदौ । नेपाल इन्स्योरेन्स कम्पनी लिमिटेडले भदौ २७ गतेदेखि अवितरित हकप्रद शेयर लिलाम बढाबढ प्रक्रियामार्फत बिक्री गर्ने भएको छ । कम्पनीले गत साउन ६ गतेदेखि भदौ २ गतेसम्म चुक्ता पुँजी १ अर्ब ८९ करोड ८ लाख ७८ हजार २३१ रुपियाँबराबरको ३४.७८३ प्रतिशतले हुन आउने रकमबराबरको प्रतिकित्ता १०० रुपियाँका दरले १०ः ३.४७८३ (अर्थात् १० कित्ताबराबर नयाँ ३.४७८३ कित्तां अनुपातमा ६५ लाख ७६ हजार ९६७ कित्ता हकप्रद निष्कासन गरेको थियो । उक्त हकप्रदमा आवेदन नपरेको शेयर लिलाम बढाबढमार्फत बिक्री गर्न लागेको हो । कम्पनीले संस्थापक समूहतर्फ १ लाख ९२ हजार ५७४ कित्ता र सर्वसाधारणतर्फको ४ हजार ४६८.७६ कित्ता अवितरित हकप्रद…

काठमाडौं, २० भदौ । नेपाल इन्फ्रास्ट्रक्चर बैंक लिमिटेडले गत आर्थिक वर्षको मुनाफाबाट शेयरधनीहरुलाई वितरण गर्ने लाभांश घोषणा गरेको छ । बिहीबार (भदौ १९ गते) बसेको बैंकको सञ्चालक समितिको १७०औँ बैठकले वितरणयोग्य नाफाबाट हाल कायम चुक्तापुँजी २१ अर्ब ६० करोड रुपैयाँको करसहित कुल ६.३१५८ प्रतिशत नगद लाभांश दिने निर्णय गरेको हो । उक्त लाभांश नेपाल राष्ट्र बैंक तथा अर्थ मन्त्रालयबाट स्वीकृत भई आगामी वार्षिक साधारण सभाले पारित गरेपश्चात वितरण गरिनेछ ।

काठमाडौं, २० भदौ । झापा इनर्जी लिमिटेडले आजदेखि सर्वसाधारणका लागि आईपीओ निष्काशन गरेको छ । कम्पनीले आयोजना प्रभावित क्षेत्रका स्थानिय बासिन्दा तथा वैदेशिक रोजगारीमा रहेका नेपालीहरुका लागि निष्काशन गरेको आईपीओ बाँडफाँटपश्चात अब सर्वसाधारणका लागि आईपीओ निष्काशन तथा बिक्री खुला गरेको हो । कम्पनीले पहिलो चरणमा ३ लाख ८० हजार १९० कित्ता साधारण शेयर आयोजना प्रभावित क्षेत्रका स्थानिय बासिन्दाहरुका लागि र ५७ हजार २९ कित्ता साधारण शेयर नेपाल सरकारको सम्बन्धित निकायबाट श्रम स्वीकृती प्राप्त गरी विदेशमा रोजगार गरी रहेका नेपालीहरुका लागि निष्काशन गरी बाँडफाँट गरिसकेको छ । अब कम्पनीले दोस्रो चरणमा छुट्याइ सर्वसाधारणका लागि ४ करोड ७३ लाख ३३ हजार ६००…

काठमाडौं, १९ भदौ । साताको अन्तिम कारोबार दिन बिहीबार नेपाल स्टक एक्सचेन्ज (नेप्से) घटेको छ । आज नेप्से परिसूचक ६ दशमलव ५५ अङ्कले घटेर दुई हजार ७१९ दशमलव ७७ बिन्दुमा कायम भएको हो । आज १ करोड २७ लाख १ हजार ९७ कित्ता शेयर किनबेच हुँदा ५ अर्ब १४ करोड ४३ लाख रुपैयाँ बराबरको कारोबार भएको छ । अघिल्लो कारोबार दिन बुधबार ४ अर्ब ७२ करोड ८० लाख रुपैयाँको कारोबार भएको थियो । आज ८५ धितोपत्रको शेयर मूल्य बढ्दा १६५ को घटेको छ । यसदिन कुल ३१७ धितोपत्र कारोबारमा आएका छन् । बिहीबार १३ समूहको उपसूचकमध्ये ११ को घटेको छ…

काठमाडौं, १९ भदौ । सञ्चार तथा सूचना प्रविधि मन्त्रालयले सूचीकरणका लागि नआएका सामाजिक सञ्जाल निष्क्रिय गर्न नेपाल दूरसञ्चार प्राधिकरणलाई निर्देशन दिएको छ । सञ्चारमन्त्री पृथ्वीसुब्बा गुरुङको नेतृत्वमा मन्त्रालयमा बिहीबार सम्पन्न बैठकले निर्णय गरेलगत्तै मन्त्रालयले सूचना जारी गरेको हो । समय सीमाभित्र सूचीकरणका लागि मन्त्रालयमा सम्पर्क गर्न नआएका सामाजिक सञ्जाल प्लेटफर्महरूलाई नेपालभित्र निष्क्रिय गराउन र सूचीकरण गरेमा सोही समयदेखि पुनः सक्रिय गराउन निर्देशन दिएको मन्त्रालयद्वारा जारी सूचनामा उल्लेख छ । ‘सम्मानित सर्वोच्च अदालतको बृहत पूर्ण इजलासले अदालतको अवहेलनासम्बन्धी मुद्दा (मुद्दा नं. ०८०–ऋँ–००१२) मा स्वदेशी वा विदेशी उत्पत्तिका अनलाइन तथा सामाजिक सञ्जाल प्लेटफर्महरूलाई सञ्चालन पूर्व अनिवार्य रूपमा सम्बन्धित साधिकार निकायबाट सूचीकरण गरी…

काठमाडौं, १९ भदौ । प्रधानमन्त्रीका मुख्य सल्लाहकार विष्णु रिमालले नेपालका सूचीकृत नभएका सामाजिक सञ्जाल प्लेटफर्महरू सर्वोच्च अदालतको आदेश बमोजिम निष्क्रिय हुँदै जाने बताएका छन् । रिमालले बिहीबार बिहान सामाजिक सञ्जाल फेसबुकमार्फत यस्तो बताएका हुन् । उनले सामाजिक सञ्जाल र अनलाइन प्लेटफर्म धेरैका लागि लतझैँ बनेको बताएका छन् । रिमालले फेसबुकमा लेखेका छन्, ‘ प्रधानमन्त्रीदेखि सर्वसाधारणसम्म दैनिक दर्जनौं स्टाटस मार्फत् आ–आफ्ना गतिविधिबारे जानकारी दिने र भावनाको साटासाट गर्ने गरिँदै आएको छ । केही गरी यी प्लेटफर्महरु बन्द भयो भने के होला भन्ने जिज्ञासा उठ्छ ।’ रिमालले सर्वोच्च अदालतले नेपालभित्र सम्पर्क विन्दु,स्वनियमन तथा आवासीय गुनासो सुन्ने अधिकारी तोकी कम्पनी सूचिकृत नगरेसम्म रोक लगाउने आदेश…

काठमाडौं, १९ भदौ । गत शुक्रबारदेखि नयाँ रेकर्ड बनाईरहेको सुनको मूल्य बिहिबार भने स्थिर रहेको छ । नेपाल सुनचाँदी व्यवसायी महासंघका अनुसार बिहिबार प्रतितोला २ लाख ७ हजार ९०० रुपैयाँमा कारोबार भएको सुनको मूल्यले नयाँ रेकर्ड कायम गरेको थियो । अघिल्लो कारोबार दिन बुधबार पनि सुन सोही मूल्यमा करोबार भएको थियो । यसअघि शुक्रबार प्रतितोला २ लाख नाघेको सुनको मूल्उ त्यसयता बढेर नयाँ रेकर्ड बनाउँदै आएको छ । शुक्रबार २ लाख ६ सय रुपैयाँ पुगेको सुन आइतबार ३ हजार बढेर २ लाख ३ हजार ६ सय पुगेको थियो । त्यस्तै सोमबार २ लाख ५ हजार ३ सय पुगेको सुन मंगलबार…

काठमाडौं, १९ भदौ । शिव श्री हाइड्रोपावर कम्पनी लिमिटेडले आजदेखि हकप्रद शेयर जारी गरेर बिक्री खुला गरेको छ । कम्पनीले हाल कायम चुक्ता पुँजीको बराबर अर्थात १ः१ को अनुपातमा हकप्रद शेयर ल्याएको हो । यस अन्तर्गत कम्पनीले १०० रुपैयाँ अंकित मूल्यका कुल १ करोड ४७ लाख ६४ हजार कित्ता शेयर निष्कासन गर्नेछ, जसको कुल मूल्य १ अर्ब ४७ करोड ६४ लाख रुपैयाँ हुनेछ । हकप्रद शेयरका लागि कम्पनीले साउन १६ गते बुकक्लोज गरेको थियो । यस अनुसार साउन १५ गतेसम्म नेप्सेमा नाम रहेकाले मात्र आवेदन दिन पाउनेछन् । आवेदन दिने अवधि असोज ८ गतेसम्म रहनेछ । इन्फोमेरिक्स क्रेडिट रेटिङ्ग नेपालले…

काठमाडौं, १८ भदौ । बुधबार नेपाल स्टक एक्सचेन्ज (नेप्से) परिसूचक घटेको छ । आज नेप्से परिसूचक १६ दशमलव ६४ अङ्कले घटेर दुई हजार ७२६ दशमलव ३३ बिन्दुमा कायम भएको हो । आज १ करोड १३ लाख ४५ हजार ९९४ कित्ता शेयर किनबेच हुँदा ४ अर्ब ७२ करोड ८० लाख रुपैयाँको कारोबार भएको छ । अघिल्लो कारोबार दिन मंगलबार ४ अर्ब ४३ करोड ८२ लाख रुपैयाँ बराबरको कारोबार भएको थियो । आज ३९ धितोपत्रको शेयर मूल्य बढ्दा २१३ को घटेको छ । यसदिन कुल ३२६ धितोपत्र कारोबारमा आएका छन् । बुधबार १३ समूहको उपसूचकमध्ये ११ को घटेको छ भने दुई उपसूचक…