Author: Bizness Khabar

काठमाडौं, १३ चैत । निर्माण व्यवसायीले तत्काल मूल्य समायोजन गर्न सरकारसँग माग गरेका छन् । मूल्यवृद्धिका कारण काम गर्न नसकिने अवस्था सिर्जना भएको भन्दै उनिहरुले यस्तो माग गरेका हुन् । सरकारले बहु वर्षीय तथा अन्य १२ महिनाभन्दा बढीका आयोजनाको मूल्य समायोजन नगर्दा आफूहरूले समस्या खेप्नुपरेको निर्माण व्यवसायीको भनाई छ । पेट्रोलियम पदार्थ, फलामजन्य निर्माण सामग्री (छड, ग्याबिन तार, पाता, आइरन ब्लेड) लगायत विभिन्न निर्माण सामग्रीको मूल्यवृद्धि भएको तर सरकारले समयमा मूल्य समायोजन नगर्दा अहिले निर्माण व्यवसायीले काम गर्न सक्ने अवस्था नभएको नेपाल निर्माण व्यवसायी महासंघका वरिष्ठ उपाध्यक्ष आङदोर्जी लामाले बताए । वृद्धि भएको मूल्यवृद्धिको क्षतिपूर्ति हुने गरी एकमुष्ट ठेक्काको मूल्य…

काठमाडौं, १३ चैत । श्री एयरलाइन्सले थप २ नयाँ जहाज खरिद गरेको छ । कम्पनीले क्यानडाको तत्कालीन बम्बार्डियन अर्थात् हालको डी हाभिल्यान्ड अफ क्यानडामा निर्मित ८० सिटका २ जहाज खरिद गरेको हो । कल साइन नाइन एन–एओके र नाइन एन–एओएल रहेका उक्त जहाजहरु मंगलबार त्रिभुवन अन्तर्राष्ट्रिय विमानस्थलमा ल्यान्ड गरिएको कम्पनीले बताएको छ । उक्त जहाजहरु श्रीएयरलाइन्सका पाइलटहरुले अमेरिकामै १० हजार माइल (करिब २५ घन्टा)उडाई परीक्षण गरेर नेपाल ल्याइएको कम्पनीले जनाएको छ ।

काठमाडौं, १३ चैत । नेपाल विद्युत्र प्राधिकरणले विद्युत् पूर्वाधार संरचना सुधार तथा विस्तारका परियोजनामा लगानी बढाउन एसियाली पूर्वाधार लगानी बैंक (एआइआइबी)लाई आग्रह गरेको छ । एआइआइबी सञ्चालक समितिका सदस्य आर. एम. पी. रथनायक नेतृत्वमा नेपाल भ्रमणमा रहेका बैंक सञ्चालक समितिका सदस्यहरू सम्मिलित प्रतिनिधिमण्डलसँग सोमबार भएको भेटमा प्राधिकरणका कार्यकारी निर्देशक कुलमान घिसिङले विद्युत् प्रसारण र वितरणतर्फका पूर्वाधार सुधार तथा विस्तारमा सस्तो ब्याजदरमा लगानी बढाउन आग्रह गरका हुन् । कार्यकारी निर्देशक घिसिङले प्रतिनिधिमण्डललाई नेपालको ऊर्जा क्षेत्रको रुपरेखा तथा लगानी आवश्यकतासम्बन्धी जानकारी दिदै पर्याप्त, भरपर्दो, गुणस्तरीय र सुरक्षित विद्युत् आपूर्ति, छिमेकी देशहरूसँगको विद्युत् व्यापार विस्तारका लागि उत्पादन, प्रसारण र वितरणतर्फका संरचना निर्माण गर्न…

काठमाडौं, १३ चैत । mainकोशी प्रदेशका मुख्यमन्त्री केदार कार्कीले पहाडी क्षेत्रको विकास गर्न सरकार प्रतिबद्ध रहेको बताएका छन् । मंगलबार कोशी प्रदेश मुख्यमन्त्री सम्पर्क कार्यालय धनकुटामा भएको मन्त्रिपरिषद् बैठकका मुख्यमन्त्री कार्कीले विकास कार्य जनतासँग जोडिनुपर्ने भएकाले सरकारको नीतिमा सुधार आउनुपर्ने बताए । धनकुटाका पत्रकारसँग कुराकानी गर्दै मुख्यमन्त्री कार्कीले विगतका प्रदेश सरकारले स्थापना गरेको सम्पर्क कार्यालय नियमित रूपमा सञ्चालन हुने बताए । आज मुख्यमन्त्री कार्की धनकुटामा आयोजना हुने प्रदेश योजना आयोगको योजना तर्जुमा सुझाव संकलन कार्यक्रम, महिला स्वास्थ्य स्वयंसेविकासँगको अन्तर्क्रिरया, धनकुटा औद्योगिक ग्रामको अवलोकन, खेलाडी सम्मान कार्यक्रममा सहभागी छन् ।

काठमाडौं, १३ चैत । हाम्रो नेपाली पार्टीले बागमती प्रदेश सरकारलाई दिएको समर्थन फिर्ता लिएको छ । प्रदेश प्रमुखलाई पत्र लेख्दै उक्त दलले आफूहरू प्रतिपक्षको भूमिकामा रहने गरी चैत ९ गतेदेखि सरकारको समर्थन फिर्ता लिएको हो । हाम्रो नेपाली पार्टी बागमती प्रदेश संसदीय दलका नेता शैलेन्द्रमान बज्राचार्यका अनुसार २०७९ पौष २५ गते हाम्रो नेपाली पार्टी सहितको समर्थनमा नेकपा माओवादी केन्द्र बागमती प्रदेश संसदीय दलका नेता शालिकराम जम्कट्टेल नेतृत्वको वर्तमान सरकारलाई समर्थन दिएको थियो । हाल प्रदेशको राजनीतिक परिदृश्यमा आएको फेरबदललाई मध्येनजर गर्दै सरकारलाई दिएको समर्थन फिर्ता लिएको नेता बज्राचार्यले बताए । उनका अनुसार समर्थन फिर्ता लिएको जानकारीको बोधार्थ मुख्यमन्त्री तथा मन्त्रीपरिषद्को…

काठमाडौं, १३ चैत । नेकपा एमालेका उपाध्यक्ष विष्णु पौडेल आज चीन भ्रमणमा गएका छन् । नेकपा एमालेका विदेश विभाग प्रमुख राजन भट्टराईका अनुसार बोआओ फोरममा सहभागी हुन पौडेल चीन प्रस्थान गरेका हुन् । बोआओ फोरम मार्च २६ (आज) देखि २९ मार्चसम्म आयोजना हुँदैछ । सो आयोजनामा नेपाल सरकारको तर्फबाट चीनका लागि नेपाली राजदूत सहभागी हुने कार्यक्रम छ । हाल उपप्रधानमन्त्री तथा परराष्ट्रमन्त्री नारायणकाजी श्रेष्ठ पनि चीनको बेइजिङ भ्रमणमा छन् ।

काठमाडौं, १३ चैत । नेपाली कांग्रेसले उपनिर्वाचनको उम्मेदवार आगामी चेत १८ गते चयन गर्ने भएको छ । कांग्रेसले १५ वैशाखमा हुने प्रतिनिधि सभाअन्तर्गत इलाम–२ र बझाङको प्रदेश सभा (क) सदस्यका लागि हुने उपनिर्वाचनको उम्मेदवार १८ चैतमा चयन गर्ने निर्णय गरेको हो । कांग्रेसले कसलाई उम्मेदवार बनाउने भन्ने बारे निर्णय गरिसकेको छैन । कांग्रेसमा संसदीय बोर्डले उम्मेदवार चयन गर्ने विधानको व्यवस्था छ ।

काठमाडौं, १३ चैत । पर्यटन विभागले वसन्त ऋतुको हिमाल आरोहणका लागि धमाधम आरोहण अनुमति दिन सुरु गरेको छ । यसवर्ष सर्वोच्च शिखर सगरमाथासहितका हिमाल आरोहणका लागि अनुमति दिन सुरु गरिएको विभागले जनाएको छ । विमागको साहसिक पर्यटन तथा पर्वतारोहण शाखाका निर्देशक राकेश गुरुङका अनुसार आजसम्म विभिन्न चार हिमाल आरोहणका लागि ३३ जनाले आरोहण अनुमति लिइसकेका छन्, जसमध्ये अमादब्लङमा तीन, हिमलुङका लागि पाँच, जुगलमा एक र अन्नपूर्ण हिमालमा २४ आरोही छन् । सगरमाथा आरोहणको अनुमतिका लागि प्रक्रियामा रहेको र मंगलबारदेखि अनुमति दिन सुरु गरिने विभागले जनाएको छ । वसन्त ऋतुमा सगरमाथासहितका हिमाल आरोहणका लागि सर्वाधिक सङ्ख्यामा आरोही आउँछन् । विभागका अनुसार…

काठमाडौं, १३ चैत । हिमालयन लाइफ इन्स्योरेन्स कम्पनी लिमिटेडको संस्थापक समूहको सेयर बिक्रीमा राखिएको छ । स्वदेशी सेक्युरिटिज एण्ड इन्भेष्टमेन्ट प्रालिले कम्पनीको ६४ हजार ५०९ कित्ता संस्थापक सेयर बोलकबोलमार्फत बिक्रीमा राखेको हो । कम्पनीले सेयरको न्यूनतम मूल्य प्रतिकित्ता १७५ रुपैयाँ निर्धारण गरेको छ । सेयर खरिदका लागि कम्पनीका विद्यमान संस्थापक सेयरधनीहरु लगायत सर्वसाधारणहरुले समेत खरिद आवेदन दिन सक्ने कम्पनीले जनाएको छ । लगानीकर्ताले थापाथलीमा रहेको एनआईसी एशिया क्यापिटलमा आफुले लिन चाहेको सेयर संख्या र दर खुलाई गोप्य शिलबन्दी आवेदन पेस गर्नुपर्ने कम्पनीले जनाएको छ । यस्तै सेयर खरिदका लागि बोलकबोल गर्दा न्यूनतम ५ हजार देखि अधिकतममा सम्पूर्ण कित्ताका लागि आवेदन…

काठमाडौं, १३ चैत । भारतले प्याज निर्यातमा थप प्रतिबन्ध लगाएको छ । गत शुक्रबार सूचना जारी गर्दै अर्को सूचना नआउन्जेसम्मका लागि प्याज निर्यातमा लगाइएको प्रतिबन्ध कायमै रहने उल्लेख गरेको हो । भारतले गत डिसेम्बरमा यही मार्च ३१ सम्म्मका लागि प्याज निर्यातमा प्रतिबन्ध लगाएको थियो । यसअघि गत डिसेम्बरमा भारतीय बजारमा प्याजको मूल्य बढेपछि भारत सरकारले प्याज निर्यातमा रोक लगाएको थियो । त्यसपछि प्याजको मूल्य ५० प्रतिशतले घटेको थियो । नेपाल, बंगलादेश, मलेसियालगायत मुलुक भारतीय प्याजमा निर्भर हुने गरेका छन् । प्रतिबन्धपछि उक्त मुलुकहरुमा प्याजको मुल्य बढ्नसक्ने अन्तर्राष्ट्रिय सञ्चारमाध्यमले उल्लेख गरेका छन् ।