Author: Bizness Khabar

काठमाडौँ, ०६ फागुन । चार दलीय समाजवादी मोर्चाले जनपरिचालनसहित प्रभावकारी जनपरिचालका कार्यक्रम ल्याउने भएको छ । आइतबार एकीकृत समाजवादीको पार्टी कार्यालय सुविधा नगरमा बसेको मोर्चाको बैठकले नेतृत्व परिवर्तन गर्दै प्रभावकारी ढङ्गले जनपरिचालन गर्ने निर्णय गरेको छ । आलोपालो नेतृत्व परिवर्तन गर्ने सहमति अनुसार मोर्चाको नेतृत्व नेपाल कम्युनिस्ट पार्टीका अध्यक्ष नेत्रविक्रम चन्द विप्लवले गरेका छन् । जसपाका अध्यक्ष उपेन्द्र यादव भने जनकपुरमा भएकाले बैठकमा अनुपस्थित थिए । यस्तै कार्यदलका अर्का सदस्य राजेन्द्र श्रेष्ठले अन्य दललाई मोर्चामा सहभागी गराउने विषयमा छलफल नभएको बताए । बैठकमा मोर्चाले अहिलेसम्म गरेका कार्यक्रमको समीक्षा र आगामी दिनका थप योजनाबारे छलफल भएको उनको भनाई छ ।

काठमाडौं, ०६ फागुन । शिखर इन्स्योरेन्स कम्पनी लिमिटेडले सेयरधनीहरुलाई लाभांश प्रदान नगर्ने निर्णय गरेको छ । कम्पनीको फागुन ४ गते बसेको सञ्चालक समितिको बैठकले गत आर्थिक वर्ष २०७९÷८० का लागि कुनै प्रकारको लाभांश प्रदान नगर्ने निर्णय गरेको हो । बैठकले कम्पनीको वितरणयोग्य नाफाबाट लाभांश प्रस्ताव पेस नगरी सञ्चित कोषमा नै सञ्चित गर्ने निर्णय गरेको छ । साथै बैठकले गत आवको वित्तीय विवरणहरु पारित गरी बीमा प्राधिकरणमा स्वीकृतीका लागि पेश गर्ने निर्णय गरेको छ ।

काठमाडौं, ०६ फागुन । सरकारले माघ महिनामा शेयर बजारबाट ९७ करोड २० लाख रुपैयाँ पूँजीगत लाभकर पाएको छ । सीडीएस एण्ड क्लियरिङ लिमिटेड कम्पनीको तथ्यांकअनुसार चालू आर्थिक वर्षका महिनामा माघमा उठेको पूँजीगत लाभकर सबैभन्दा बढी हो । शेयर लगानीकर्ताका लागि सरकारले दुई दर कायम गरेर पूँजीगत लाभकर उठाउँदै आएको छ । १ वर्ष वा सोभन्दा कम अविध शेयर होल्ड गरेर बेच्ने लगानीकर्ताले नाफामा साढे ७ प्रतिशत पूँजीगत लाभकर तिर्नुपर्ने व्यवस्था छ भने १ वर्ष वा सोभन्दा बढी होल्ड गरेर बिक्री भएको शेयरमा आएको नाफामा ५ प्रतिशत तिर्नुपर्छ । माघमा उठेको पूँजीगत लाभकरमध्ये १६ करोड ३१ लाख ५७ हजार रुपैयाँ १…

काठमाडौं, ०६ फागुन । आज आइतबार हिमालयन रिइन्स्योरेन्सको सेयर बोनस पाउनका लागि सुरक्षित हुने अन्तिम दिन हो । आजसम्म कायम सेयरधनीले मात्रै हिमालयन रिइन्स्योरेन्सको सेयर बोनस पाउने छन् । आइतबारसम्म सेयर खरिद वा होल्ड गरेका लगानीकर्ताले कम्पनीद्वारा यसअघि घोषित ४ प्रतिशत सेयर बोनस पाउने र साधारणसभामा सहभागी हुन सक्ने छन् । कम्पनीले लाभांश प्रयोजनका लागि सोमबार बुक क्लोज तय गरिएको सार्वजनिक सूचनामार्फत बताएको छ । सो बमोजिम अघिल्लो दिनसम्म कायम सेयरधनी मात्रै लाभांश पाउन र साधारणसभामा सहभागी हुन पाउँछन् । फागुन २० गते राष्ट्रिय सभागृहमा कम्पनीको साधारणसभा बस्दैछ । साधारणसभामा बोनस सेयरपछि कायम हुने चुक्ता पूँजीको ८० प्रतिशत हकप्रद सेयर…

काठमाडौं, ०४ फागुन । ६४ वर्षपछि नेपालमै हुलाक टिकट छाप्न थालिएको छ । हुलाक सेवा विभागले जनक शिक्षा सामग्री लिमिटेडसँग समन्वय गरेर हुलाक टिकट छपाइ सुरु गरेको हो । ०१६ पछि पहिलोपटक नेपालमा हुलाक टिकट छाप्न थालिएको विभागले जनाएको छ । सञ्चार तथा सूचना प्रविधिमन्त्री रेखा शर्माले मन्त्रालयमा आयोजित कार्यक्रममा ११ अलगअलग डिजाइनका हुलाक टिकटमा टाँचा मारेर उद्घाटन गरेकी हुन् । प्रचलित खरिद कानुनअनुसार जनक शिक्षा सामग्रीसँग समन्वयमा विभागले छपाइ गरेको हो । विगतमा भारत, बंगलादेश र लातभियासँग टिकट खरिद गरिँदै आएको छ । नेपालमै छपाइ सुरु भएपछि अब समय, लागत र प्रकियामा सहज हुने विश्वास विभागको छ । आगामी…

काठमाडौं, ०४ फागुन । सुरक्षित कारोबार ऐन, २०६३ लाई संशोधन गर्न बनेको विधेयक राष्ट्रिय सभामा दर्ता भएको छ । शुक्रबार अर्थमन्त्री प्रकाशशरण महतले राष्ट्रिय सभामा विधेयक दर्ता गरेका हुन् । विश्वव्यापीकरण,आर्थिक उदारीकरण र सूचना प्रविधिमा आएको परिवर्तनले आर्थिक क्रियाकलापको प्रकृति, प्रवृत्ति र पद्वतिमा परिवर्तन आइरहेको सन्दर्भमा विधेयक ल्याइएको जनाइएको छ । कुनै व्यक्ति तथा निकायबाट राष्ट्रिय र अन्तर्राष्ट्रिय स्तरमा गर्ने कारोबारलाई सुरक्षित र व्यवस्थित बनाउनका लागि सुरक्षित कारोबार सम्बन्धी कानुन संशोधन आवश्यक भएको अर्थ मन्त्रालयले जनाएको छ ।

काठमाडौं, ०४ फागुन । नेपाल ल्युब आयलले चालू आर्थिक वर्षको दोस्रो त्रैमाससम्म्को वित्तीय विवरण सार्वजनिक गरेको छ । वित्तीय विवरणअनुसार कम्पनीले ६ महिनामा ७८ लाख ६५ हजार रुपैयाँ खुद नाफा कमाएको छ । कम्पनी गत वर्षको सोही अवधिमा १० लाख रुपैयाँ घाटामा थियो । कम्पनीको सञ्चालन आम्दानी बढेसँगै नाफामा गएको हो । गत वर्ष ३७ करोड ८७ लाख सञ्चालन आम्दानी गरेको कम्पनीको आम्दानी अहिले बढेर ५१ करोड ७६ लाख रुपैयाँ पुगेको विवरण सार्वजनिक गरेको छ । हाल कम्पनीको चुक्ता पुँजी ६ करोड ६ लाख ४३ हजार रुपैयाँ छ ।

काठमाडौं, ०४ फागुन । नेपाल एयरलाइन्सले आगामि फागुन ७ गते सिमकोट–सुर्खेत रुटमा परीक्षण उडान गर्ने भएको छ । नेपाल एयरलाइन्स सिमकोट स्टेसनका प्रमुख छिरिङ लामाले नेपालगन्ज–सिमकोट–नेपालगन्ज रुटमा उडान गर्दै आएको एयरलाइन्सले कर्णाली प्रदेशको राजधानी सुर्खेत जोड्ने गरी सिमकोटबाट परीक्षण उडान गर्ने बताएका छन् । उनले भने, ‘नेपाल एयरलाइन्सको जहाजले नेपालगन्ज–सिमकोटमा उडान गरेपछि सोही दिन सिमकोट–सुर्खेत परीक्षण उडान हुनेछ । त्यसपछि सुर्खेत–सिमकोटका लागि यात्रुसहितको उडान भर्ने तालिकाको तयारी भइरहेको छ । यद्यपि, अझै भाडा कति निर्धारण भने भइसकेको छैन । सिमकोटबाट नेपालगन्ज जान जहाजमा ४५ मिनेट लाग्छ भने नेपालगन्जबाट सुर्खेत पुग्न चार घन्टा लाग्छ । अब सीधै प्रदेश राजधानी सुर्खेत पुग्न…

काठमाडौं, ०४ फागुन । ओपन एआईले बिहीबार नयाँ एआई उपकरणको सार्वजनिक गरेको छ । कम्पनीले नयाँ उपकरण सोराको घोषणा गर्दै अक्षरात्मक निर्देशनबाट वास्तविकतासँग निकट रहेका भिडियोहरु निर्माण गर्न सकिने बताएको छ । कम्पनीले विभिन्न प्रोम्प्टहरुको प्रयोग गरेर निर्माण गरिएका भिडियोहरु राख्दै यो एआईको घोषणा गरेको हो । एआईले प्रयोगकर्ताले दिने निर्देशन (प्रोम्प्ट)का आधारमा भिडियोहरु निर्माण गर्ने कम्पनीले जनाएको छ । सोराको अर्थ जापानी भाषामा आकास भन्ने हुन्छ । सोरालाई हालका लागि प्रारम्भिक परीक्षणकर्ताहरु माझमा मात्रै सार्वजनिक र उपलब्ध गराइएको हो । यो एआईको प्रयोगबाट हुन सक्ने जोखिम र खतराहरुको मूल्यांकनका लागि सुरुवातमा न्यून संख्याका परीक्षणकर्ताहरुका लागि मात्रै यो एआईलाई उपलब्ध…

काठमाडौँ, ०४ फागुन । संयुक्त राष्ट्र संघले दिगो विकास लक्ष्यहरु (एसडीजी) प्राप्त गर्न नसकिने चेतावनी दिएको छ । संयुक्त राष्ट्र संघको प्रतिवेदनले सन् २०३० मा पूरा गर्ने भनेका एसडीजीका लक्ष्य सन् २०१६ बाट अघि बढाइएपनि अहिलेकै लयमा काम भए सन् २०६२ सम्म पनि सम्भव नहुने चेतावनी दिएको हो । राष्ट्र संघले बिहीबार सार्वजनिक गरेको १७ वटा दिगो विकासका लक्ष्यहरू (एसडीसी) मा एसिया र प्रशान्त क्षेत्रका ५ उपक्षेत्रहरूमा असमान र अपर्याप्त प्रगति भइरहेको प्रतिवेदनमा अहिलेकै गतिमा काम गरे लक्ष्य राखेकोभन्दा ३२ वर्षपछि मात्र लक्ष्य पूरा हुने उल्लेख छ । यूएनको एसिया र प्रशान्त क्षेत्रका लागि आर्थिक र सामाजिक आयोग (इस्क्याप) द्वारा…