Author: Bizness Khabar

काठमाडौं, ४ चैत । भारतीय निर्वाचन आयोगले राष्ट्रिय चुनाव अप्रिल १९ देखि सुरु हुने घोषणा गरेको छ । चुनावी मिति घोषणा गर्न नयाँदिल्लीमा आयोजित पत्रकार सम्मेलन गर्दै प्रमुख निर्वाचन आयुक्त राजीव कुमारले राजीव कुमारले अप्रिल १९ देखि जुन २१ सम्म निर्वाचन गरिने बताएका हुन् । उनले भने, ’हामी प्रजातन्त्रलाई देशको हरेक कुनामा लैजान्छौँ । हामी विश्वभर प्रजातन्त्रको ज्योति बनेर राष्ट्रिय निर्वाचन गराउने बाचा गर्दछौँ ।’ राष्ट्रिय निर्वाचनमा अप्रिल १९ देखि जुन २१ सम्म सात चरणमा मतदान हुनेछ । देशभरका मतपत्रहरू एकैपटक संकलन गरेर जुन ४ मा मतगणना गरिने र सोही दिन नतिजा घोषणा गरिनेछ । ६ हप्ताभन्दा बढी समय सञ्चालन…

काठमाडौं, ४ चैत । आगामी चैत अन्तिम साता ललितपुर इन्टरनेशनल ट्रेड एक्स्पो २०२४ आयोजना हुने भएको छ । ललितपुरस्थित जावलाखेल फुटबल ग्राउण्डमा चैत २२ देखि २६ गतेसम्म आयोजना हुने इन्टरनेशनल ट्रेड एक्स्पोमा मेड इन नेपाल प्याभिलियनमा विशेष आकर्षण रहने आयोजक पक्षले जनाएको छ । ललितपुर चेम्बर अफ कमर्शको आयोजनामा सञ्चालन हुने इन्टरनेशनल ट्रेड एक्स्पोमा नेपाल, भारत, पाकिस्तान, श्रीलंका बंगलादेश, थाइलैण्ड, टर्की, मलेसिया, चाइनालगायतका देशहरुमा उत्पादित विविध वस्तु तथा सामग्री, मौलिक उत्पादन र सेवा सम्बन्धी इन्टरनेशनल ट्रेड एक्स्पोमा राखिने बताइएको छ । उक्त आयोजना ललितपुर महानगरपालिका सहआयोजक, नेपाल चेम्बर अफ कमर्श र जावलाखेल युथ क्लबको सहयोगमा सञ्चालन हुने छ । एक्स्पोमा…

काठमाडौं, २ चैत । सरकारले राष्ट्रियसभामा ‘सुरक्षित कारोबार (पहिलो) संशोधन विधेयक–२०८०’ पेस गरेको छ । शुक्रवार बसेको राष्ट्रियसभा बैठकमा अर्थमन्त्री वर्षमान पुनले उक्त विधेयक पेस गरेका हुन् । बैठकमा सांसद्हरुले उक्त विधेयकको सैद्धान्तिक पक्षमाथि छलफल सुरु भएको छ । छलफलमा भाग लिँदै एमालेकी सांसद् भगवती न्यौपानेले सूचना र प्रविधिमा आएको परिवर्तनलाई ध्यानमा राखेर सो ऐन संशोधन गर्नुपर्ने बताइन् ।

काठमाडौं, २ चैत । नेकपा एमालेका अध्यक्ष केपी शर्मा ओलीले विद्यार्थीहरु विदेशिने क्रम बढ्दा विश्वविद्यालयहरू खाली हुने र विद्यार्थी नपाउने अवस्था सिर्जना हुन थालेको बताएका छन् । शुक्रबार सातौँ नेपाल अन्तर्राष्ट्रिय चलचित्र महोत्सव (निफ) को सिनेमा संवाद कार्यक्रममा ओलीले नेपाली युवाहरू अध्ययनको सिलसिलामा र कामका लागि विदेश जाने प्रवृत्ति बढेकाले विश्वविद्यालयहरू विद्यार्थी नपाउने अवस्थामा पुगेको बताएका हुन् । यस्तै उनले बाहिर अध्ययनका लागि जाने विद्यार्थीहरूमा पनि ठूलो संख्यामा पढेर फर्किने भन्दा उतै जीवन बिताउने मानसिकतामा विदेश पलायन भइरहेको बताए । युवा पुस्तालाई कुनै पनि देश पैसा भएर धनी हुने नभई विकास निर्माणपछि मात्रै धनी हुन्छ भन्ने कुरा बुझाउन जरुरी रहेको…

काठमाडौं, स्वास्थ्य बीमा बोर्डले १ सय ४३ कर्मचारी माग गरेको छ । बोर्डले शुक्रबार एक सूचना जारी गर्दै करारमा कर्मचारी माग गरेको हो । बोर्डले विभिन्न जिल्लामा काम गर्नका लागि दरखास्त आव्हान गरेको जनाएको छ । इच्छुक आवेदकले सूचना जारी भएको १५ दिनभित्र अर्थात् चैत १६ गतेसम्म आवेदन दिन सक्नेछन् ।

काठमडौं । अर्थ मन्त्रालयले दूग्ध किसानलाई दिन बाँकी भुक्तानी तत्काल गर्ने भएको छ । अर्थमन्त्री वर्षमान पुनले शुक्रबार सचिव डा. रामप्रसाद घिमिरेसहित मन्त्रालयका उच्च अधिकारीलाई तत्काल किसानको भुक्तानी दिने प्रक्रिया अघि बढाउन निर्देशन दिएका हुन् । यसअघि मन्त्री पुनले कृषिमन्त्री ज्वालाकुमारी साह, कृषि सचिव डा. गोविन्द्रप्रसाद शर्मा र पशुपंक्षी विकास सचिव डा. रेवतीरमण पौडेलसँग छलफल गरेका थिए । भुक्तानी नपाएको भन्दै केही महिनायता दूग्ध किसान आन्दोलित छन् । किसानलाई भुक्तानीका लागि दूग्ध विकास संस्थान (डिडीसी) ले अर्थ मन्त्रालयसँग रकम माग गरेको थियो । अर्थले रकम अभावको कारण देखाउँदै भुक्तानी दिएको थिएन । मन्त्रालयको नेतृत्व सम्हालेको केही दिनमै अर्थमन्त्री पुनले किसानलाई…

काठमाडौं, २ चैत । सुनको अवैध तस्करी नियन्त्रण जाँचबुझ आयोगको प्रतिवेदन कार्यान्वयन गर्ने विषयमा छलफल गर्न शुक्रबार (आज) साँझ ५ बजे मन्त्रिपरिषद्को बैठक बोलाइएको छ । असोज १४ गते बसेको मन्त्रिपरिषद् बैठकले सुनको अवैध तस्करी नियन्त्रण सम्बन्धी जाँचबुझ आयोग गठन गरेको थियो । आयोगले बिहीबार उपप्रधान एवं गृहमन्त्री रवि लामिछानेलाई बुझाएको प्रतिवेदन शुक्रबार बिहान गृहमन्त्री लामिछानेले प्रधानमन्त्री पुष्पकमल दाहाल प्रचण्डलाई बुझाएका छन् । आयोगले ६० किलो सुन हङकङबाट र दुबईबाट भेपमा लुकाएर ल्याएको सुन तस्करी प्रकरणमा पूर्वसभामुख कृष्णबहादुर महरा सहित १५ जनाभन्दा बढीलाई मुद्दा चलाउन सिफरिस गरेको छ । प्रधानमन्त्री ‘प्रचण्ड’ले सुनको अवैध तस्करी नियन्त्रणसम्बन्धी जाँचबुझ आयोगले गरेको सिफारिस कार्यान्वयन…

काठमाडौं, २ चैत । भारत सरकारले बिहीबार अश्लील सामग्री प्रसारण गरेको भन्दै १८ ओटीटी प्लेटफर्ममाथि प्रतिबन्ध लगाएको छ । यससँगै १९ वेबसाइट, १० एप र ५७ सामाजिक सञ्जालका ह्याण्डललाई पनि रोक लगाइएको छ । केन्द्रीय सूचना तथा प्रसारण मन्त्रालयको १२ मार्चमा बसेको बैठकले यस्तो निर्णय गरेको हो । बिहीबार यी एपको सूची सार्वजनिक गर्दै सरकारले यी एप्स, ओटीटी प्लेटफर्म र सोसल मिडिया प्लेटफर्मले मनोरञ्जनको नाममा अश्लील र आपत्तिजनक भिडियो प्रस्तुत गर्दै आएको जनाएको छ । यी ओटीटी एपलाई धेरै पटक चेतावनी दिइएपनि सामग्रीमा सुधार नगरिएको सरकारको भनाइ छ । महिलालाई अपमानजनक रुपमा प्रस्तुत गरिएको, विद्यार्थी तथा शिक्षकबीचको सम्बन्ध र पारिवारिक…

काठमाडौं, २ चैत । सुन तस्करी सम्बन्धी छानबिन गर्न गठित उच्चस्तरीय आयोगले पूर्वसभामुख एवं माओवादी केन्द्रका उपाध्यक्ष कृष्णबहादुर महरालाई मुद्दा चलाउन सिफारिस गरेको छ । गृह मन्त्रालयकाअनुसार, पूर्वन्यायाधीश डिल्लीराज आचार्य नेतृत्वको आयोगले महरालाई मुद्दा चलाउन सिफारिस गरेको हो । महरालाई आयोगले बयान समेत लिइसकेको छ । उनका छोरा राहुल महरा भेप मार्फत भएको सुन तस्करी प्रकरणमा पुर्पक्षका लागि थुनामा छन् ।

काठमाडौं, २ चैत । भारतले स्विट्जरल्याण्ड, आइसल्याण्ड, नर्वे र लिकटेन्स्टाइन समावेश भएका युरोपेली स्वतन्त्र व्यापार संघका देशहरूसँग व्यापार सम्झौता गरेको छ । आइतबार सम्झौतामा हस्ताक्षर गरिएको अन्तर्राष्ट्रि सञ्चारमाध्यमले उल्लेख गरेका छन् । उक्त सम्झौतामा  इएफटीए देशहरूले आगामी १५ वर्षमा भारतमा १०० अर्ब अमेरिकी डलर लगानी गर्ने र त्यस्ता लगानीहरूमार्फत भारतमा १० लाख प्रत्यक्ष रोजगारी सिर्जना गर्ने प्रतिबद्धता गरेका छन् । प्रमधानमन्त्री नरेन्द्र मोदीले सो सम्झौताले ’खुला, निष्पक्ष, समतामूलक व्यापारका साथै युवाहरूका लागि रोजगारी सृजना गर्ने’ बताए । ती देशहरुमध्ये, स्विट्जरल्याण्ड भारतको सबैभन्दा ठूलो व्यापारिक साझेदार हो भने त्यसपछि नर्वे हो ।