Author: Bizness Khabar

काठमाडौं, ४ चैत । कारोबारको दास्रो दिन सोमबार नेपाल स्टक एक्सचेन्ज (नेप्से) परिसूचक घटेको छ । आज नेप्से १० दशमलव १४ अङ्कले घटेर दुई हजार ७०४ दशमलव ७ बिन्दुमा कायम भएको छ । आज ९९ लाख ३५ हजार ८७२ कित्ता शेयर किनबेच हुँदा ५ अर्ब ४० करोड ८३ लाख रुपैयाँको कारोबार भएको छ । आइतबार ६ अर्ब ८३ करोड ६६ लाख रुपैयाँको कारोबार भएको थियो । आज ८७ धितोपत्रको शेयर मूल्य बढ्दा १४४ को घटेको छ । यस्तै १२ धितोपत्रको भने स्थिर रह्यो । यसदिन कुल ३३१ धितोपत्र कारोबारमा आएका छन् । आज उत्पादन समूहको उपसूचक सर्वाधिक शून्य दशमलव ४४…

काठमाडौं, ४ चैत । सरकारी स्वामित्वको खाद्य व्यवस्था तथा व्यापार कम्पनी लिमिटेडको रिक्त विज्ञ सञ्चालक सदस्य खुला प्रतिस्पर्धाबाट नियुक्त गरिने भएको छ । उद्योग, वाणिज्य तथा आपूर्ति मन्त्रालयले सोमबार सूचना प्रकाशित गर्दै एक महिला सहित दुई विज्ञ सञ्चालक सदस्य पदमा दरखास्त आह्वान गरेको छ । कम्तीमा स्नातक उपाधि हासिल गरी सार्वजनिक निकायमा १० वर्षको अनुभव भएका नेपालीलाई ७ दिनभित्र आवेदन दिन भनिएको छ । ३० वर्ष पूरा भई ६५ वर्ष ननाघेको हुनुपर्ने सूचनामा उल्लेख छ ।

काठमाडौं, ४ चैत । चालू आर्थिक वर्ष (आव) २०८१/८२ को आठ महिनामा करिब साढे पाँच लाख नेपाली श्रमिक विदेशिएका छन् । वैदेशिक रोजगार विभागको तथ्याङ्क अनुसार चालू आवको फागुनसम्ममा ५ लाख ३४ हजार ४७१ जनाले श्रम स्वीकृति लिएका छन्, जुन गत आवको फागुनसम्मको तुलनामा १५दशमलव ०३ प्रतिशतले बढी हो । गत आवको सोही अवधिमा ४ लाख ६४ हजार ६२४ जनाले श्रम स्वीकृति लिएका थिए । पछिल्लो समय वैदेशिक रोजगारीका लागि महिलाहरु विदेश जाने क्रम बढ्दो देखिन्छ । एक वर्ष अवधिमा वैदेशिक रोजगारीका लागि जाने महिलाको सङ्ख्या १६ दशमलव प्रतिशतले बढेको छ । गत वर्षको आठ महिनामा ५१ हजार ६७३ महिलाले…

काठमाडौं, ४ चैत । सोमबार नेपाली बजारमा सुनको मूल्य स्थिर रहेको छ । नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ७४ हजार १ सय रुपैयाँमा कारोबार भइरहेको छ । आइतबार पनि सुन सोही मूल्यमा कारोबार भएको थियो । त्यस्तै, आज चाँदीको मूल्य भने घटेको छ । यस दिन चाँदी तोलामा ५ रुपैयाँले घटेर २ हजार ४० रुपैयाँमा कारोबार भईरहेको छ । अघिल्लो कारोबार दिन चाँदी दुई हजार ४५ रुपैयाँमा कारोबार भएको थियो ।

काठमाडौं, ३ चैत । साताको पहिलो कारोबार दिन आइतबार नेपाल स्टक एक्सचेन्ज (नेप्से) परिसूचक घटेको छ । आज नेप्से परिसूचक २१ दशमलव ६३ अङ्कले घटेर दुई हजार ७१४ दशमलव ८५ बिन्दुमा कायम भएको हो । आज १ करोड ३९ लाख ७४ हजार ४५२ कित्ता शेयर किनबेच हुँदा ६ अर्ब ८३ करोड ६६ लाख रुपैयाँ बराबरको कारोबार भएको छ । अघिल्लो कारोबार दिन बुधबार ८ अर्ब २५ करोड ५२ लाख रुपैयाँ कारोबार भएको थियो । आज ३१ धितोपत्रको शेयर मूल्य बढ्दा २०७ को घटेको छ । यस्तै ६ धितोपत्रको भने स्थिर रह्यो । यसदिन कुल ३१६ धितोपत्र कारोबारमा आएका छन् ।…

काठमाडौं, ३ चैत । राष्ट्रिय स्वतन्त्र पार्टी (रास्वपा)ले केन्द्रीय सचिवालय बैठक बोलाएको छ । आज अपराह्न ४ बजे सचिवालय बैठक बोलाइएको कार्यवाहक प्रवक्ता मनिष झाले जानकारी दिए । बैठक पार्टी कार्यालय बनस्थलीमा बस्ने तय भएको छ । बैठकमा पार्टी गतिविधि र समसामयीक राजनीति, आगामी कार्यक्रमसम्बन्धी प्रस्तावित प्रतिवेदन, केन्द्रीय समितिको विस्तारित बैठकसम्बन्धी प्रस्तावलगायतका विषयमा छलफल हुने बताइएको छ । साथै बैठकमा पार्टी नियमित गतिविधिबारे छलफल तथा अघिल्लो बैठकहरूको समीक्षासमेत हुने झाले बताए ।

काठमाडौं, ३ चैत । यस साताको पहिलो कारोबार दिन आइतबार नेपाली बजारमा सुनको मूल्य घटेको छ । शुक्रबार उच्च रेकर्ड कायम गरेको सुनको मूल्य आज तोलामा ४ सय रुपैयाँले घटेको हो । नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ७४ हजार १ सय रुपैयाँमा कारोबार भइरहेको छ । शुक्रबार सुन १ लाख ७४ हजार ५ सय रुपैयाँमा कारोबार भएको थियो । त्यस्तै आज चाँदीको मूल्य पनि घटेको छ । यस दिन चाँदी तोलामा ५ रुपैयाँले घटेर चाँदी २ हजार ४५ रुपैयाँमा कारोबार भईरहेको महासंघले जनाएको छ । अघिल्लो दिन चाँदी २ हजार ५० रुपैयाँमा कारोबार भएको…

काठमाडौं, ३ चैत । बैंकिङ प्रणालीमा अधिक तरलता थुप्रिएपछि नेपाल राष्ट्र बैंकले आज (आइतबार) ४० अर्ब रुपैयाँ तान्ने भएको छ । केन्द्रीय बैंकले २१ दिनका लागि निक्षेप सङ्कलन बोलकबोल उपकरणमार्फत ४० अर्ब रुपैयाँ तरलता तान्न लागेको हो । यसका लागि आज दिउँसो ३ बजे बोलकबोल हुने राष्ट्र बैंकले जनाएको छ । निक्षेप दिन चाहने बैंक तथा वित्तीय संस्थाले घटीमा १० करोड रुपैयाँ र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म बोलकबोल गर्न सक्नेछन् । राष्ट्र बैंकका अनुसार निक्षेप संकलनको ब्याजदर बोलकबोलको माध्यमबाट निर्धारण हुनेछ भने साँवा तथा ब्याज भुक्तानी चैत २४ गते हुने छ…

काठमाडौं, १ चैत । नेकपा एमालेले केन्द्रीय सचिवालयको बैठक बोलाएको छ । एमाले केन्द्रीय कार्यालयका सचिव डा भीष्म अधिकारीले यही चैत ४ गते सचिवालय बैठक बोलाइएको जानकारी दिए । बैठक ललितपुरको च्यासलस्थित एमाले केन्द्रीय कार्यालयमा दिउँसो १ बजे बस्नेछ । बैठकमा पार्टीको सङ्गठनात्मक गतिविधि, समसामयिक राजनीतिक विषयवस्तुलगायत विषयमा छलफल हुने बताइएको छ ।

काठमाडौं, १ चैत । चालु आर्थिक वर्ष (आव) २०८१/८२ को ८ महिनासम्ममा सरकारको आम्दानीभन्दा खर्च बढी देखिएको छ । महालेखा नियन्त्रक कार्यालयको तथ्याङ्नुसार फगुनसम्ममा सरकारले ७ खर्ब ३८ अर्ब ८२ करोड १३ लाख रुपैयाँ राजस्व संकलन गरेको छ । तर, सो अवधिमा सरकारको ८ खर्ब ३९ अर्ब ३५ करोड रुपैयाँभन्दा बढी खर्च भएको छ । अर्थात् आठ महिनामा सरकारको आम्दानीभन्दा एक खर्ब ५३ करोड ४७ लाख रुपैयाँ खर्च बढी छ । सरकारको विकास खर्च पनि निराशाजनक छ । ८ महिना बितिसक्दा समेत सरकारले विकास खर्चतर्फ छुट्याइएको बजेट आधा पनि परिचालन गर्न सकेको छैन । फागुनसम्ममा सरकारले पूँजीगततर्फ ८२ अर्ब ३३…