Author: Bizness Khabar

काठमाडौं,२८ फागुन । सत्तारुढ गठबन्धनबाट राष्ट्रियसभा अध्यक्षका उम्मेदवार दिएका नारायणप्रसाद दाहालले आफू निर्वाचित भए पार्टीको ह्याङओभरभन्दा माथि उठेर सभा सञ्चालन गर्ने बताएका छन् । सोमबार राष्ट्रियसभा अध्यक्ष पदका लागि उम्मेदवारी दर्ता गरेपछि सञ्चारकर्मीहरूसँग कुरा गर्दै उम्मेदवार दाहालले आफू राष्ट्रपतिबाट मनोनित सदस्य भएकाले सभामा पनि पार्टीगत रूपमा नरहेको बताए । यस्तै उनले राष्ट्रियसभालाई संविधानमा उल्लेख गरिए अनुरुपको स्तरमा पु¥याउन आफु लागिपर्ने बताए । समृद्ध नेपाल निर्माणका लागि सबै राजनीतिक दलहरूलाई एकताबद्ध बनाएर लैजाने उनको भनाइ छ ।

काठमाडौं, २८ फागुन । एक वर्षको अवधिमा नेपाल धितोपत्र बजार पूँजीकरण ८ प्रतिशतले बढेको छ । नेपाल राष्ट्र बैंकको तथ्याङ्क अनुसार चालु आर्थिक वर्ष (आव) २०८०÷८१ को सात महिनामा धितोपत्र बजार पँुजीकरण ३३ खर्ब २ अर्ब ८४ करोड कायम भएको छ, जुन गत आवको सोही अवधिको तुलनामा बजार पूँजीकरण ८ प्रतिशतले बढेको हो । गत आवको सात महिनासम्ममा बजार पुँजीकरण ३० खर्ब ६१ अर्ब ९६ करोड मात्र थियो । यस्तै चालू आवको माघसम्ममा नेपाल स्टक एक्सचेन्ज (नेप्से) सूचकाङ्क २१ सय ०१ दशमलव १६ को विन्दुमा कायम भएको छ, जुन गत आवको माघसम्मको तुलनामा २० दशमलव ७१ विन्दुले घटेको हो ।…

काठमाडौं, २८ फागुन । चालू आर्थिक वर्षको सात महिनामा बैंक तथा वित्तीय संस्थाहरुबाट निजी क्षेत्रमा करिब २ खर्ब कर्जा प्रवाह भएको छ । नेपाल राष्ट्र बैंकका अनुसार चालू आर्थिक वर्ष २०८०÷८१ को माघसम्ममा बैंक तथा वित्तीय संस्थाहरुबाट निजी क्षेत्रमा १ खर्ब ९७ अर्ब २१ करोड रुपैयाँ कर्जा प्रवाह भएको छ, जुन गत आवको सोही अवधिको तुलनामा शून्य दशमलव ९ प्रतिशत विन्दुले बढेको हो । गत आवको सोही अवधिमा यस्तो कर्जा रु.१ खर्ब ४८ अर्ब १२ करोड रुपैयाँ प्रवाह भएको थियो । यस्तै वार्षिक बिन्दुगत आधारमा माघसम्ममा बैंक तथा वित्तीय संस्थाहरुबाट निजी क्षेत्रतर्पm प्रवाहित कर्जा ४.७ प्रतिशतले बढेको छ । यस्तै…

काठमाडौं, २८ फागुन । राष्ट्रियसभा अध्यक्षका लागि दुई जनाको उम्मेदवारी दर्ता भएको छ । संघीय संसद्को निर्वाचन कार्यतालिका अनुसार सोमबार संसद भवन नयाँ बानेश्वरमा सत्ता गठबन्धनको तर्फबाट माओवादी केन्द्रका सांसद नारायण दाहालनेपाली र कांग्रेसका युवराज शर्माले अध्यक्ष पदमा उम्मेदवारी दर्ता गरेका हुन् । दाहालको प्रस्तावकमा माओवादीका गोपीबहादुर सार्की र समर्थकमा एमालेका देवेन्द्र दाहाल तथा एकीकृत समाजवादीका बेदुराम भुसाल छन् । यस्तै नेपाली कांग्रेसको तर्फबाट अध्यक्षमा उम्मेदवारी दिएका शर्माको प्रस्तावकमा कांग्रेसकै आनन्दप्रसाद ढुङ्गाना र समर्थकमा लोसपाका किरणबाबु श्रेष्ठ छन् । राष्ट्रियसभा अध्यक्षको मतदान मंगलबार हुँदैछ ।

काठमाडौं, २८ फागुन । नेपाली कांग्रेसले ३० फागुनमा विस्वासको मत लिन लागेका प्रधानमन्त्री पुष्पकमल दाहाल लाई मत नदिन आफ्ना सांसदलाई ह्विप जारी गरेको छ । सोमबार कांग्रेसका प्रमुख सचेतक रमेश लेखकले सूचना जारी गर्दै विपक्षमा उभिन निर्देशन जारी गरेका हुन् । कांग्रेससँगको गठबन्धन तोडेर प्रधानमन्त्री दाहालले २१ फागुनमा नयाँ गठबन्धन बनाएका थिए । अहिले नेकपा एमाले, माओवादी केन्द्र, राष्ट्रिय स्वतन्त्र पार्टी, जनता समाजवादी र एकीकृत समाजवादी सहितको नयाँ गठबन्धन बनेको छ ।

काठमान्डौं, २८ फागुन । नेपाल पुनर्बीमा कम्पनी लिमिटेडको प्रमुख कार्यकारी अधिकृत(सीईओ) पदको लागि ७ जनाले आवेदन दिएका छन् । आवेदन दिनेहरुमा बीमा कम्पनीका पुर्व सीईओ देखि डेपुटी सीईओहरु रहेका छन् । कम्पनीले फागुन ७ गते आवेदन माग गर्दै सूचना जारी गरेको थियो । आवेदन दिने अन्तिम दिन फागुन २७ ७ जनाले आवेदन दिएको कम्पनीले जनाएको छ । आवेदन दिनेमा दामोदर भण्डारी, नारायण कुमार भट्टराई, शेखर बराल, उज्ज्वलराज अर्याल, श्रीमान कार्की, सुरेन्द्र थापा र बुद्धकाजी श्रेष्ठ रहेका छन् । भण्डारी हाल सो कम्पनीका डेपुटी सीईओ तथा निमित्त सीईओ हुन् । यस्तै भट्टराई साबिक गुँरास लाइफ इन्स्योरेन्सका पूर्वसीईओ हुन भने बराल राष्ट्रिय…

काठमाडौं, २८ फागुन । नेपाली राष्ट्रिय फुटबल टिमले फिफा विश्वकप र एएफसी एसियन कपको संयुक्त छनोटअन्तर्गत बहराइनविरुद्धको होम म्याच बहराइनमै खेल्ने भएको छ । छनोटको दोस्रो चरणअन्तर्गत आगामी चैत ८ गते नेपालले घरेलु मैदानमा बहराइनसँग खेल्ने तालिका छ । यस्तै चैत १३ गते बहराइनमा अवे म्याच खेल्ने तालिका छ । अखिल नेपाल फुटबल संघ (एन्फा) स्रोतका अनुसार खेल बहराइनमै गर्ने तय भएको हो । यसको आधिकारिक घोषणा भने हुन बाँकी छ । छनोटको दोस्रो चरणमा नेपाल समूह एचमा छ । नेपालले यसअघि यूएईसँग उसैको मैदानमा र यमनसँग घरेलु मैदानमा खेलेको थियो ।

काठमाडौं, २८ फागुन । अर्थमन्त्री वर्षमान पुनले सेयर बजारसँग सम्बद्ध प्रमुख तीनवटै सरकारी निकायसँग बजारका समस्या, तिनको समाधान र उक्त क्षेत्रको विकासका लागि गर्नुपर्ने कामहरुको विषयमा ७ दिनभित्र कार्ययोजना पेस गर्न निर्देशन दिएका छन् । आइतबार अर्थ मन्त्रालयले नेपाल धितोपत्र बोर्ड, नेपाल स्टक एक्सचेञ्ज लिमीटेड र सिडिएससी एण्ड क्लियरिङ लिमीटेडलाई पत्र पठाउँदै ७ दिनभित्र सरोकारवालाहरुसँग छलफल गरी कार्ययोजना पेस गर्न भनेको छ । अर्थ मन्त्रालयबाट तीनवटै निकायलाई पठाइएको पत्रमा भनिएको छ, ‘अर्थतन्त्रको विकासमा महत्वपूर्ण भूमिका खेल्ने पूँजी बजारमा देखिएका समस्या समाधान एवम् त्यस क्षेत्रको विकास र विस्तारका लागि तत्काल गर्नुपर्ने कामहरुको सम्बन्धमा सम्बन्धित सरोकावाला समेतको राय लिई ७ दिनभित्र कार्ययोजना…

काठमाडौं, २७ फागुन । उपप्रधान एवम् गृहमन्त्री रवि लामिछानेले भीआईपी कल्चर अन्त्य हुनुपर्ने बताएका छन् । आइतबार प्रहरी प्रधान कार्यालयको निरीक्षणपछि देशभरका जिल्ला प्रहरी प्रमुख र प्रदेशका डीआईजीहरुलाई भिडियो कन्फेरेन्समार्फत सम्बोधन गर्दै लामिछानेले यस्तो बताएका हुन् । यस्तै उनले प्रहरीमा सरुवा र बढुवा हुन ‘धाउनुपर्ने’ व्यवस्थाको अन्त्य गरिने मन्त्री उद्घोष गरेका छन् । वर्तमान आईजीपी वसन्त कुँवरलाई आफू पहिलोपटक गृहमन्त्री हुँदा भनसुन बिना नै मधेश प्रदेशको प्रमुख बनाएको लामिछानेले बताए । आफू पैसा खानका लागि मन्त्री नभएको उल्लेख गर्दै लामिछानेले भनेका छन् –‘आइजिपी साव’ले आफ्नो अधिकार कसैलाई नबुझाउनुस्, म बाट कुनै हस्तक्षेप हुँदैन ।’ सरकारको आयुसँग आफूलाई मतलब नभएको लामिछानेले…

सुनिता सुबेदी काठमाडौं, २७ फागुन । पछिल्लो एक वर्षको अवधिमा उपभोक्ता मुद्रास्फीति घटेको छ । नेपाल राष्ट्र बैंकका अनुसार चालू आर्थिक वर्ष २०८०÷८१ को माघ महिनामा उपभोक्ता मुद्रास्फीति ५ दशमलव ०१ प्रतिशत रहेको छ, जुन गत आवको माघ महिनाको तुलनामा २ दशमलव ८७ प्रतिशत विन्दुले घटेको हो । गत आवको सोही अवधिमा यस्तो मुद्रास्फीति ७ दशमलव ८८ प्रतिशत थियो । सात महिनामा सबैभन्दा कम मुद्रास्फीति गैर खाद्य तथा सेवा समूहमा छ । राष्ट्र बैंकका अनुसार गैर खाद्य तथा सेवा समूहको मुद्रास्फीति ३ दशमलव ८५ प्रतिशत छ, जुन गत आवको माघकोे तुलनामा ५ दशमलव ३७ प्रतिशत विन्दुले घटेको हो । गत…