Author: Bizness Khabar

काठमाडौं, ०८ फागुन । चीनबाट ल्याइएको रासायनिक मल १० महिनादेखि तातोपानी भन्सारको गोदाममा थन्किएको छ । एक सय ११ कन्टेनरले वैशाख महिनाभर ल्याएको सात लाख ३५ हजार बोरा रासायनिक मल लार्चा सुक्खा बन्दरगाह यार्डभित्र गोदाममा थन्किएको हो । कृषि सामग्री कम्पनी र आयातकर्ताबीच सहमति भए पनि मल गोदामबाट उठ्न नसक्दा अरू सामान लोड–अनलोड गर्न कठिनाइ परेको तातोपानी भन्सार कार्यालयका प्रमुख दयानन्द केसीले जानकारी दिए । रासायनिक मलको राजस्व असुल नहुने भएकाले कृषि सामग्री कम्पनी लिमिटेडले चिनियाँ सहरबाट झिकाएर सिधै राजधानी लाने गरेको उनको भनाई छ । भूकम्प र कोरोनापछि खुलेको तातोपानी नाकामा पाँच वर्षदेखि एकछत्र काम गर्दै आएको सिल्क कम्पनी अन्तर्गत…

सुनिता सुबेदी काठमाडौं, ०८ फागुन । चालू आर्थिक वर्षको सात महिनामा ४ खर्ब ७२ अर्ब भन्दा धेरै वैदेशिक लगानी प्रतिबद्धता आउँदा प्रतिबद्धता पाउने उद्योगको सङ्ख्या भने घट्दै गएको छ । उद्योग विभागको तथ्याङ्क अनुसार चालू आर्थिक वर्ष (आव) २०८०÷८१ को माघ महिनामा १५ उद्योगका लागि ३४ करोड ५० लाख रुपैयाँ बराबरको वैदेशिक लगानी प्रतिबद्धता आएको छ, जुन लगानी प्रतिबद्धता पाउने उद्योगकोे सङ्ख्या गत साउन यताकै अधाले कम हो । माघमा लगानी प्रतिबद्धता पाएका १५ उद्योगबाट ५ सय २५ जनाले रोजगारी पाउने छन् । सोही अवधिमा साना उद्योगलाई मात्र लगानी प्रतिबद्धता आएको छ । चालू आवको साउन यता लगानी प्रतिबद्धता पाउने…

काठमाडौं, ०८ फागुन । पर्यटकीय क्षेत्र सोलुखुम्बुको नाम्चे र खुम्जुङ क्षेत्रमा विद्युत् सेवा अवरुद्ध बनेको छ । गत माघ २२ गते आएको हावाहुरीले ढलेको रुखले खुम्बु विद्युत् कम्पनीको हाइटेन्सन र जमिनमुनिको तारमा क्षति पुगेपछि विद्युत् सेवा ठप्प बनेको हो । यसबाट सगरमाथा क्षेत्र भ्रमणका लागि नाम्चे र खुम्जुङ क्षेत्र पुग्ने स्वदेशी तथा विदेशी पर्यटक समस्यामा परेका छन् । खुम्बुमा याम सुरु भएकाले अहिले दैनिक एक सय हाराहारीमा विदेशी पर्यटक खुम्बु पुग्ने गरेको पर्यटक प्रहरी कार्यालय नाम्चेको तथ्याङ्कमा उल्लेख छ । उक्त क्षेत्रमा सञ्चार सेवा ठप्प बन्दा एटिएम सेवासमेत प्रभावित बनेको इलाका प्रहरी कार्यालय नाम्चेका प्रहरी निरीक्षक कविन राईले बताए ।…

काठमाडौं, ०८ फागुन । नेपाल बिटुमिन तथा ब्यारेल उद्योगको एकैसाथ तिन वार्षिक साधारण सभा सम्पन्न भएको छ । कम्पनीको सञ्चालक प्रदीपकुमार श्रेष्ठको अध्यक्षतामा भर्चुअल माध्यममार्फत ३३, ३४ र ३५औं वार्षिक साधारणसभा सम्पन्न भएको हो । साधारणसभामा प्रबन्ध सञ्चालक श्रेष्ठले आव २०७७÷७८, २०७८÷७९ र २०७९÷८० मा इन्डियन आयल कर्पोरेसन (आइओसी) बाट बल्क बिटुमिन आयात गर्दा हल्दिया रिफाइनरीको मात्र प्रयोग भइरहेकामा हाल भारतमा रहेका नजिकका बरोनी तथा मथुरा रिफाइनरीबाट समेत बल्क बिटुमिन ल्याउन लागिएको बताए । यस्तै निजीकरण गरिएका उद्योगमध्ये कम्पनीलाई नमुना उद्योगका रुपमा विकसित गर्दै लैजान सञ्चालक समिति प्रतिबद्धता रहेको उनले बताए । नयाँ रणनीतिक व्यापारिक साझेदारमार्फत बजारमा आउने योजनासहित कम्पनी…

काठमाडौं, ०८ फागुन । नेपालको पासपोर्ट विश्वका शीर्ष १० कमजोर पासपोर्टको सूचीमा परेको छ । हेन्ले पासपोर्ट इन्डेक्स २०२४ का अनुसार नेपालको पासपोर्ट १०३ औँ स्थानमा रहेको छ । हेन्लेले १९९ देशका पासपोर्टको सूची सार्वजनिक गरेको छ । जसमा नेपालको पासपोर्ट उत्तर कोरिया र बंगलादेशको पासपोर्ट नेपालभन्दा एक स्थानमा माथि १०२ औं स्थानमा रहेका छन् । नेपालको पासपोर्ट ७ वटा देशको पासपोर्ट भन्दा मात्रै शक्तिशाली देखिएको छ । यस्तै हेन्ले पासपोर्ट इन्डेक्स २०२४ का अनुसार विश्वकै शक्तिशाली पासपार्टमा फ्रान्सको पासपोर्ट रहेको छ । फ्रान्ससँगै शक्तिशाली पासपोर्टको अग्रस्थानमा जर्मनी, इटली,जापान, सिंगाुपर र स्पेनको पासपोर्ट रहेका छन् । फ्रान्सको पासपोर्टले १९४ वटा…

काठमाडौं, ०८ फागुन । भारतमा आन्दोलनरत किसान सङ्गठनले सरकारको प्रस्तावलाई अस्वीकार गरेका छन् । हरियाणा–पञ्जाबको शम्भु सीमामा पत्रकार सम्मेलन गरेर किसान सङ्गठनले सरकारले गरेको पाँच बालीमा मात्र न्यूनतम समर्थन मूल्य दिने प्रस्ताव अस्वीकार गरेको हो । बीबीसी हिन्दीका अनुसार शनिवार किसानसँगको वार्तामा भारत सरकारले पाँच बालीमा न्यूनतम समर्थन मूल्य दिने प्रस्ताव गरेको थियो । किसानले भारतीय राष्ट्रिय कृषि सहकारी बजार महासङ्घ र भारतीय कपास कर्पोरेशनसँग पाँच वर्षे सम्झौता गर्नुपर्ने सर्त राखेको थियो । पत्रकार सम्मेलनमा किसान नेता जगजितसिंह डल्लेवालले सबै किसानसँगको छलफलपछि सरकारको प्रस्तावलाई किसान सङ्गठनले अस्वीकार गरेको बताएका छन् । उनका अनुसार किसानहरूले २३ वटा बालीमा न्यूनतम समर्थन मूल्य…

काठमाडौं, ०८ फागुन । गार्डियन माइक्रो लाइफ इन्स्योरेन्स लिमिटेडको प्रथम वार्षिक साधारण सभा सम्पन्न भएको छ । फागुन ६ गते आइतबार संचालक समितिका अध्यक्ष उदिप श्रेष्ठको सभापतित्वमा होटेल एअरर्पोट, बिराटनगरमा उक्त सभा सम्पन्न भएको हो । सभाले गत आर्थिक वर्ष २०७९।८० को संचालक समितिको प्रतिवेदन, लेखापरीक्षकको प्रतिवेदन सहित नाफा–नोक्सान लगायतका वित्तीय विवरण अनुमोदन गरेको छ । सभाबाट आगामी चार वर्षे कार्यकालको लागि संस्थापक शेयधनीहरुको तर्फबाट उदिप श्रेष्ठ, डा.जय प्रकाश जैसवाल, उदय नारायण भट्टराई, सि.ए.त्रिशिला झुनझुनवाला र स्वतन्त्र बिज्ञ संचालकमा प्रमोद प्रसाद भट्टराईलाई नियुक्त गरेको छ । यस्तै कम्पनीको सभाले सर्वसाधारणमा शेयर (आईपीओ)जारी गर्ने प्रस्ताव पारित गरेको छ

काठमाडौं, ०८ फागुन । सनातन हिन्दु राष्ट्रको पक्षमा रहेका नेपाली कांग्रेसका महासमिति सदस्यहरूले हस्ताक्षर अभियान चलाएका छन् । केन्द्रीय सदस्य शंकर भण्डारीकै अगुवाइमा हिन्दू राष्ट्र पुनर्स्थापनाको पक्षमा महासमिति सदस्यहरुको हस्ताक्षर अभियान सुरु भएको हो । बैठकको पहिलो दिन ४०२ जना महासमिति सदस्यले हस्ताक्षर गरेका छन् । अभियानको पक्षमा पूर्व महामन्त्री शशांक कोइरालाबाहेक अरू शीर्ष नेताहरूले हस्ताक्षर गरेका छैनन । २०७५ सालको महासमितिमा पनि हिन्दु राष्ट्रको पक्षमा हस्ताक्षर अभियान चलाइएको थियो । त्यसबेला महासमितिमा रहेका ७२१ जना सदस्यहरूले हस्ताक्षर गरे पनि त्यसले बैठकमा औपचारिक प्रवेश भने पाएको थिएन । यसपाली पनि कांग्रेसले यो एजेण्डालाई आधिकारिकता नदिने प्रचार विभाग प्रमुख मीन विश्वकर्माले…

काठमाडौं, ०८ फागुन । नेपाली नागरिकले अब भारतमा सजिलै सीम कार्ड पाउने भएका छन् । भारतले कानुन संशोधन गरेर नेपाली तथा भुटानी नागरिकका लागि सहज प्रक्रियाबाट सीम कार्ड प्रदान गर्ने व्यवस्था गरेको हो । यसअघि नेपाली नागरिकलाई पासपोर्टमा भिसाको स्ट्याम्प लागेको आधारमा मात्र भारतीय सीम कार्ड उपलब्ध गराइन्थ्यो । नेपाली नागरिकले अब आफ्नो देशको नागरिकता, पासपोर्ट, मतदाता परिचयपत्र तथा सम्बन्धित देशमा रहेको दूतावासले उपलब्ध गराएको फोटो सहितको परिचयपत्रमध्ये कुनै एउटा कागजात उपलब्ध गराएमा भारतले सीम कार्ड उपलब्ध गराउने भएको हो । लिइएको सीम कार्ड भने तीन महिनाका लागि मात्र सक्रिय हुने र तीन महिनाको म्याद सकिएपछि नवीकरण गर्नुपर्ने बताइएको छ…

काठमाडौं, ०८ फागुन । आईजीआई प्रुडेन्सियल इन्स्योरेन्स लिमिटेडले आफ्नो स्वामित्वमा रहेको नेपाल पुनर्बीमा कम्पनीको २० लाख कित्ता संस्थापक सेयर बिक्रीमा राखेको छ । कम्पनीले मंगलबार (आज) देखि बोलकबोलमार्फत नेपाल पुनर्बीमा कम्पनीको संस्थापक बिक्रीमा राखेको हो । सेयर खरिदका लागि नेपाल पुनर्बीमा कम्पनीका विद्यमान संस्थापक सेयरधनीहरुले आवेदन दिन सक्नेछन् । सेयरको न्यूनतम प्रतिकित्ता मूल्य रु.२ सय ८० तोकिएको छ । इच्छुक आवेदकले न्यूनतम मूल्यमा नघट्ने गरी आवेदन पेस गर्नसक्छन । साथै इच्छुक लगानीकर्ताले आगामी चैत १२ गतेभित्र बिक्री प्रबन्धक ग्लोबल आइएमई क्यापिटलको नक्सालमा रहेको कार्यालयमा आवेदन दिनुपर्नेछ ।