Author: Bizness Khabar

काठमाडौं, १७ चैत । प्रधानमन्त्री केपी शर्मा ओलीले सर्वदलीय बैठक बोलाएका छन् । एमालेका मुख्य सचेतक महेश बर्तौलाले सभामुख देवराज घिमिरेसँगको छलफलमा प्रधानमन्त्रीले सर्वदलीय बैठक बोलाएको जानकारी गराएका हुन् । नेताहरूका अनुसार साँझ ५ बजे सर्वदलीय बैठक बस्ने तयारी छ । सर्वदलीय बैठकमा शुक्रबार तीनकुनेमा दुई जनाको मृत्यु हुनेगरी भएको हिंसात्मक आन्दोलन र समसामयिक राजनीतिक घटनाक्रमबारे छलफलका गर्ने बताइएको छ ।

काठमाडौं, १७ चैत । यस साताको पहिलो कारोबार दिन सुनको मूल्यले नयाँ रेकर्ड बनाएको छ । नेपाल सुनचाँदी व्यवसायी महासंघका अनुसार आज छापावाल सुन तोलामा ६ सय रुपैयाँले बढेर १ लाख ७६ हजार ८ सय रुपैयाँमा कारोबार भईरहेको छ, यो मूल्य हालसम्मकै उच्च हो । यसअघि शुक्रबार छापावाल सुनको मूल्य प्रतितोला १ लाख ७६ हजार २०० रुपैयाँ कायम भएको थियो । त्यस्तै, आज चाँदीको मूल्य भने घटेको छ । यस दिन चाँदी तोलामा १५ रुपैयाँले घटेर २ हजार २५ रुपैयाँमा कारोबार भइरहेको महासंघले जनाएको छ । शुक्रबार चाँदी दुई हजार ४० रुपैयाँमा कारोबार भएको थियो ।

काठमाडौं, १७ चैत । बैंकहरूमा अधिक तरलता थुप्रिएपछि नेपाल राष्ट्र बैंकले आज (आइतबार) २५ अर्ब रुपैयाँ तरलता खिच्ने भएको छ । राष्ट्र बैंकले २१ दिनका लागि निक्षेप सङ्कलन बोलकबोल उपकरणमार्फत २५ अर्ब रुपैयाँ तरलता खिच्न लागेको हो । यसका लागि आज दिउँसो ३ बजे बोलकबोल हुने राष्ट्र बैंकले जनाएको छ । निक्षेप दिन चाहने बैंक तथा वित्तीय संस्थाले घटीमा १० करोड रुपैयाँ र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म बोलकबोल गर्न सक्नेछन् । राष्ट्र बैंकका अनुसार निक्षेप संकलनको ब्याजदर बोलकबोलको माध्यमबाट निर्धारण हुनेछ भने साँवा तथा ब्याज भुक्तानी वैशाख ७ गते हुने छ…

काठमाडौं, १५ चैत । प्रधानमन्त्री केपी शर्मा ओलीले चैत १८ गते सदनमा सम्बोधन गर्ने भएका छन् । बिपक्षी दलले निरन्तर सदन अवरोध गरेपछि प्रधानमन्त्री ओली सदनमा जवाफ दिन तयार भएका हुन् । शुक्रबार सभामुख देवराज घिमिरेसहित बसेको प्रमुख प्रतिपक्ष, प्रतिपक्ष दल र सत्तापक्षीय दलका प्रमुख सचेतकहरू बीचको छलफलबाट यो सहमति जुटेको हो । बैठकपछि सञ्चारकर्मीहरूसँग कुरा गर्दै एमाले प्रमुख सचेतक महेश बर्तौलाले १८ गते बस्ने प्रतिनिधिसभाको बैठकमा प्रधानमन्त्रीले जवाफ दिने र आइतबार बस्ने बैठक सहज रूपमा अघि बढ्ने सहमति भएको जानकारी दिए । सोमबार बसेको मन्त्रिपरिषद्को बैठकले नेपाल विद्युत् प्राधिकरणका कार्यकारी निर्देशक कुलमान घिसिङलाई पदबाट बर्खास्त गरेको थियो । कुलमान…

काठमाडौं, १५ चैत । शुक्रबार सुनको मूल्यमा नयाँ रेकर्ड कायम भएको छ । अघिल्लो दिनको तुलनामा शुक्रबार सुनको मूल्य तोलामा १ हजार ४ सय रुपैयाँले बढेको हो । नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ७६ हजार २ सय रुपैयाँमा कारोबार भईरहेको छ, यो मूल्य हालसम्मकै उच्च हो । यसअघि चैत ७ गते १ लाख ७६ हजार रुपैयाँमा कारोबार हुँदै सुनको मूल्यले उच्च रेकर्ड बनाएको थियो । त्यस्तै, आज चाँदीको मूल्य पनि बढेको छ । यस दिन चाँदी प्रतितोला २० रुपैयाँले बढ २ हजार ४० रुपैयाँमा कारोबार भइरहेको महासंघले जनाएको छ । बिहिबार चाँदी दुई हजार…

काठमाडौं, १५ चैत । नेपाल बीमा प्राधिकरणले निर्देशकहरूको जिम्मेवारी हेरफेर तथा नवनियुक्त निर्देशकहरूको पदस्थापना गरेको छ । प्राधिकरणले बिहीबारदेखि लागू हुने गरी निर्देशकहरूको जिम्मेवारी हेरफेर गरी निर्देशक कमल प्रसाद रेग्मीलाई कानून महाशाखा र निर्देशक पूजन ढुंगेल (अधिकारी) लाई अनुसन्धान महाशाखाको जिम्मेवारी दिएको छ । यसैगरी, हालै निर्देशकमा बढुवा भएका निर्देशक शाम्बराज लामिछानेलाई नियमन महाशाखा, निर्देशक धुव तिमिल्सिनालाई सुपरीवेक्षण महाशाखा, निर्देशक निर्मल अधिकारीलाई बीमालेख महाशाखा र निर्देशक कुन्दन सापकोटालाई व्यवस्थापन महाशाखाको जिम्मेवार सम्हाल्ने गरी पदस्थापना गरिएको छ ।

काठमाडौं, १५ चैत । ग्लोबल आइएमई बैंक लिमिटेड र अन्तर्राष्ट्रिय वित्त निगम (आईएफसी) बिच डिजिटल वित्तीय सेवा तथा एम्बेडेड फाइनान्स मोडलहरु अगाडि बढाउन एड्भाइजरी सेवा उपलब्ध गराउने सम्बन्धी सम्झौतामा हस्ताक्षर भएको छ । सम्झौतामा ग्लोबल आइएमई बैंकका प्रमुख कार्यकारी अधिकृत सुरेन्द्रराज रेग्मी र आईएफसीको तर्फबाट एफआईजी, एशिया र प्यासिफिक रिजनल इन्ड्रष्टी डाइरेक्टर एलेन फोर्लेमुले हस्ताक्षर गरेका छन् । यस सम्झौताअनुसार, विश्व बैंक समुहअन्तर्गत रहेको आईएफसीले ग्लोबल आइएमई बैंकको डिजिटल रुपान्तरण तथा डाटा म्याचुरिटि मूल्यांकन गर्ने, सुधार गर्न आवश्यक रहेका क्षेत्रहरु पहिचान गर्ने र बैंकको डिजिटल बैंकिङ क्षमता अभिवृद्धि गर्नका लागि रणनीतिक सुझाव प्रदान गर्नेछ । साथै, आईएफसीले एम्बेडेड फाइनान्स मोडेलहरु…

काठमाडौं, १४ चैत । नेपाल राष्ट्र बैंकले ‘डिजिटल फाइनान्स इनोभेसन हब’ स्थापाना गरेको छ । केन्द्रीय बैंकले बिहीबार एक सूचना जारी गर्दै बैंकिङ तथा भुक्तानी प्रणालीका क्षेत्रमा आधुनिक प्रविधिमा आधारित वित्तीय सेवा विकास गर्ने उद्देश्यले उक्त हब स्थापना गरिएको जानकारी दिएको हो । राष्ट्र बैंक भुक्तानी प्रणाली विभागद्वारा स्थापित उक्त हबले वित्तीय नवप्रवर्तकहरूलाई विद्यमान नीतिगत तथा नियामकीय संरचनाबारे जानकारी प्रदान गर्नेछ । प्रविधि (फिन टेक)को क्षेत्रमा कार्य गर्ने वित्तीय नवप्रवर्तकलाई विद्यमान नीतिगत एवम् नियामकीय व्यवस्थाबारे जानकारी गराउने, सरोकारवालाबाट प्राप्त हुनेवित्तीय क्षेत्रका नवप्रवर्तनकारी प्रस्ताव र तिनले ल्याउन सक्ने अवसर एवम् चुनौतीको विश्लेषण गर्दै नियामकीय दृष्टिकोण, नन् बाइन्डिङ गाइडनेस, परामर्श र सुझावहरु…

काठमाडौं, १४ चैत । साताको अन्तिम कारोबार दिन बिहीबार नेपाल स्टक एक्सचेन्ज (नेप्से) परिसूचक बढेको छ । आज नेप्से परिसूचक ४१ दशमलव ६७ अङ्कले बढेर दुई हजार ६६३ दशमलव ५४ बिन्दुमा कायम भएको हो । आज ९७ लाख ७२ हजार १९६ कित्ता शेयर किनबेच हुँदा ५ अर्ब २२ करोड ३० लाख रुपैयाँ बराबरको कारोबार भएको छ । अघिल्लो कारोबार दिन बुधबार ४ अर्ब २० करोड ४४ लाख रुपैयाँको कारोबार भएको थियो । आज २२७ धितोपत्रको शेयर मूल्य बढ्दा १६ को घटेको छ । यसदिन कुल ३०९ धितोपत्र कारोबारमा आएका छन् । बिहीबार सबै उपसमूहको परिसूचक बढेको छ । आज व्यापारको…

काठमाडौं, १४ चैत । बिहिबार नेपाली बजारमा सुनको मूल्य बढेको छ । आज सुन तोलामा एक हजार ३ सय रुपैयाँले बढेको हो । नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ७४ हजार ८ सय रुपैयाँमा कारोबार भईरहेको छ । बुधबार सुन तोलाको १ लाख ७३ हजार ५ सय रुपैयाँमा कारोबार भएको थियो । त्यस्तै आज चाँदीको मूल्य पनि बढेको छ । बुधबार चाँदी प्रतितोला १ हजार ९ सय ९० रुपैयाँमा कारोबार भएकोमा आज २ हजार २० रुपैयाँमा कारोबार भइरहेको छ । अर्थात एकैदिन चाँदी प्रतितोला ३० रुपैयाँले बढेको हो ।