Author: Bizness Khabar

काठमाडौं, ३१ वैशाख । हेटौंडा–काठमाडौं छोटो दूरीको वैकल्पिक मार्ग कुलेखानी–कलंकी–हुमाने सडकखण्ड १९ दिन बन्द हुने भएको छ । जिल्ला प्रशासन कार्यालय मकवानपुरल सार्वजनिक सूचना जारी गर्दै जेठ २ गतेदेखि २० गतेसम्म १९ दिन सवारी साधन सञ्चालनमा रोक लगाउने निर्णय गरेको जानकारी दिएको हो । पूर्वाधार विकास कार्यालय, हेटौँडाको अनुरोधमा सडक मर्मत तथा कालोपत्रेको काम सम्पन्न नहुँदासम्मका लागि सवारी आवागमन बन्द गर्ने निर्णय गरिएको हो । सडक कालोपत्र गर्ने कार्यका लागि इन्द्रसरोवर गाउँपालिकाभित्र पर्ने उक्त सडकखण्डमा यातायात पूर्णरूपमा रोक लगाइएकोले हेटौंडा–काठमाडौं वा काठमाडौं–हेटौंडा यात्रा गर्नेहरुलाई वैकल्पिक बाटो प्रयोग गर्न सूचनामा भनिएको छ । यस अवधिमा प्रशासनले यात्रु तथा सवारीचालकहरूलाई कान्ति लोकपथ…

काठमाडौं, ३१ वैशाख । केही दिन यता लगातार घटिरहेको सुनको मुल्य आज भने बढेको छ । अघिल्लो कारोबार दिनको तुलनामा आज सुन तोलामा ५ सय रुपैयाँले बढेको हो । नेपाल सुनचाँदी व्यवसायी महासङ्घका अनुसार बुधबार छापावाल सुनको प्रतितोला १ लाख ८५ हजार ३ सय रुपैयाँमा कारोबार भइरहेको छ । मंगलबार सुन तोलामा २ हजार रुपैयाँले घटेर १ लाख ८४ हजार ८ सय रुपैयाँमा कारोबार भएको थियो । यस्तै, आज चाँदीको मूल्य भने घटेको छ । मंगलबार प्रयतितोला १ हजार ९७० रुपैयाँमा कारोबार भएको चाँदी आज एक हजार ९६० रुपैयाँमा कारोबार भइरहेको छ महासंघले जनाएको छ ।

काठमाडौं, ३१ वैशाख । बैंकहरूमा अधिक तरलता थुप्रिएपछि नेपाल राष्ट्र बैंकले आज (बुधबार) ३५ अर्ब रुपैयाँ तरलता खिच्ने भएको छ । राष्ट्र बैंकले २१ दिनका लागि निक्षेप सङ्कलन बोलकबोल उपकरणमार्फत ३५ अर्ब रुपैयाँ तरलता खिच्न लागेको हो । यसका लागि आज दिउँसो ३ बजे बोलकबोल हुने राष्ट्र बैंकले जनाएको छ । निक्षेप दिन चाहने बैंक तथा वित्तीय संस्थाले घटीमा १० करोड रुपैयाँ र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म बोलकबोल गर्न सक्नेछन् । राष्ट्र बैंकका अनुसार निक्षेप संकलनको ब्याजदर बोलकबोलको माध्यमबाट निर्धारण हुनेछ भने साँवा तथा ब्याज भुक्तानी जेठ २१ गते हुने छ…

काठमाडौं, २९ वैशाख । सोमबार नेपाली बजारमा सुनको मूल्य घटेको छ । अघिल्लो कारोबार दिनको तुलनामा आज सुन तोलामा ३ हजार ७ सय रुपैयाँले घटेको हो । नेपाल सुनचाँदी व्यवसायी महासङ्घका अनुसार सोमबार छापावाल सुनको मूल्य प्रतितोला १ लाख ८६ हजार ८ सय रुपैयाँमा कारोबार भइरहेको छ । आइतबार सुन तोलामा ५ सय रुपैयाँले घटेर १ लाख ९० हजार ५ सय रुपैयाँमा कारोबार भएको थियो । यस्तै, आज चाँदीको मूल्य पनि घटेको छ । आइतबार प्रतितोला १ हजार ९ सय ७० रुपैयाँमा काराबार भएको चाँदी आज १ हजार ९ सय ६० रुपैयाँमा कारोबार भइरहेको महासंघले जनाएको छ ।

काठमाडौं, २९ वैशाख । चालू आर्थिक वर्ष (आव) २०८१÷८२ को चैतसम्ममा कुल आन्तरिक कर्जा २ दशमलव ५ प्रतिशतले बढेको छ । गत आवको सोही अवधिमा उक्त कर्जा १ दशमलव ८ प्रतिशतले बढेको थियो । वार्षिक बिन्दुगत आधारमा २०८१ चैत मसान्तमा यस्तो कर्जा ६.८ प्रतिशतले बढेको छ । चालू आवको चैतसम्ममा मौद्रिक क्षेत्रको सरकारमाथिको खुद दाबी २१ दशमलव २ प्रतिशतले घटेको छ । गत आवको सोही अवधिमा यस्तो दाबी १७ दशमलव २ प्रतिशतले घटेको थियो । वार्षिक बिन्दुगत आधारमा २०८१ चैत मसान्तमा यस्तो दाबी १.२ प्रतिशतले घटेको छ । समीक्षा अवधिमा मौद्रिक क्षेत्रको निजी क्षेत्रमाथिको दाबी ७.२ प्रतिशतले बढेको छ ।…

काठमाडौं, २९ वैशाख । चालू आर्थिक वर्ष २०८१/८२ को चैतसम्ममा कुल विदेशी विनिमय सञ्चिति २४ खर्ब २६ अर्ब ८४ करोड पुगेको छ, जुन असार मसान्तसम्मको तुलनामा १८ दशमलव ९ प्रतिशतले वृद्धि हो । गत असार मसान्तसम्ममा यस्तो सञ्चिति २० खर्ब ४१ अर्ब १० करोड रुपैयाँ रहेको थियो । अमेरिकी डलरमा यस्तो सञ्चिति २०८१ असार मसान्तमा १५ अर्ब २७ करोड रहेकोमा २०८१ चैत मसान्तमा १५.४ प्रतिशतले वृद्धि भई १७ अर्ब ६३ करोड पुगेको छ । कुल विदेशी विनिमय सञ्चितिमध्ये नेपाल राष्ट्र बैंकमा रहेको सञ्चिति २०८१ असार मसान्तमा १८ खर्ब ४८ अर्ब ५५ करोड रहेकोमा २०८१ चैत मसान्तमा १५.६ प्रतिशतले वृद्धि भई…

काठमाडौं, २९ वैशाख । चालू आर्थिक वर्ष २०८१/८२ को नौ महिनामा ११ खर्ब ९१ खर्ब ३१ करोड रुपैयाँ बराबर रेमिट्यान्स भित्रिएको छ, जुन गत आवको चैतसम्मको तुलनामा १० प्रतिशतले बढी हो । यस्तो रेमिट्यान्स गत आवको सोही आवधिमा १७ शमलव ०२ प्रतिशतले बढेको थियो । अमेरिकी डलरमा विप्रेषण आप्रवाह ७।३ प्रतिशतले वृद्धि भई ८ अर्ब ७४ करोड पुगेको छ । अघिल्लो वर्ष यस्तो आप्रवाह १५।२ प्रतिशतले बढेको थियो । चालू आवको चैतसम्ममा वैदेशिक रोजगारीका लागि ३ लाख ५८ हजार २२२ जनाले अन्तिम श्रम स्वीकृति ९संस्थागत तथा व्यक्तिगत–नयाँ० लिएका छन् । सोही अवधिमा २ लाख ४९ हजार ६५२ जनाले पुनः श्रम…

काठमाडौं, २८ वैशाख । कारोबारको पहिलो दिन आइतबार नेपाल स्टक एक्सचेन्ज (नेप्से) परिसूचक घटेको छ । आज नेप्से परिसूचक ११ दशमलव ५३ अङ्कले घटेर दुई हजार ६५० दशमलव ११ बिन्दुमा कायम भएको हो । आज २ करोड ४० लाख ११ हजार १४ कित्ता शेयर किनबेच हुँदा १० अर्ब २० करोड २७ लाख बराबरको कारोबार भएको छ । अघिल्लो कारोबार दिन बिहीबार ११ अर्ब ६५ करोड ७६ लाख रुपैयाँ बराबरको कारोबार भएको थियो । आज ८२ धितोपत्रको शेयर मूल्य बढ्दा १६४ को घटेको छ । यसदिन कुल ३०० धितोपत्र कारोबारमा आएका छन् । आइतबार होटेल तथा पर्यटन समूहको उपसूचक सर्वाधिक ६…

काठमाडौं, २८ वैशाख । पछिल्लो समय भइरहेको प्रविधिको विकास र विस्तारको प्रभाव नेपाली बैंकिङ क्षेत्रमा परेको छ । डिजिटल प्रविधिको विकास, स्मार्टफोनको पहुँचमा वृद्धिसँगै बैंक तथा वित्तीय संस्थाहरूले प्रविधिमैत्री सेवा सुविधामा जोड दिएका छन्, जसमध्ये एक हो मोबाइल बैंकिङ । नेपाल राष्ट्र बैंकको तथ्याङ्क अनुसार चालू आर्थिक वर्ष (आव) २०८१/८२ को नौ महिनासम्ममा मोबाइल बैंकिङ प्रयोगकर्ता २ करोड ७० लाख १२ हजार पुगेका छन्, जुन तीन वर्ष अघिको तुलनामा ५५ दशमलव ३९ प्रतिशतले बढी हो । आव २०७८/७९ को चैतसम्ममा मोबाइल बैंकिङ प्रयोग गर्ने प्रयोगकर्ता १ करोड ७३ लाख ८२ हजार मात्रै थिए, अर्थात् तीन वर्ष अवधिमै ९६ लाख ३०…

काठमाडौं, २८ वैशाख । आइतबार नेपाली बजारमा सुनको मूल्य घटेको छ । अघिल्लो कारोबार दिनको तुलनामा आज सुन तोलामा ५ सय रुपैयाँले घटेको हो । नेपाल सुनचाँदी व्यवसायी महासङ्घका अनुसार आइतबार छापावाल सुनको मूल्य प्रतितोला १ लाख ९० हजार ५ सय रुपैयाँमा कारोबार भइरहेको छ । शुक्रबार सुन तोलामा १४ सय रुपैयाँले घटेर १ लाख ९० हजार ६ सय रुपैयाँमा कारोबार भएको थियो । यस्तै, आज चाँदीको मूल्य भने बढेको छ । आज चाँदी तोलामा १० रुपैयाँले बढेर १ हजार ९७० रुपैयाँमा कारोबार भइरहेको महासंघले जनाएको छ । अघिल्लो दिन चाँदी १ हजार ९६० रुपैयाँमा कारोबार भएको थियो ।