Author: Bizness Khabar

काठमाडौं, ७ पुस । चालू आर्थिक वर्ष (आव) २०८१/८२ को मंसिर मसान्तसम्ममा वीरगंज भन्सार कार्यालयबाट हुने वैदेशिक व्यापार ४ प्रतिशतले बढेको छ । वीरगंज भन्सारको तथ्याङ्क अनुसार चालू आवको मंसिरसम्ममा गत आवको सोही अवधिको तुलनामा वैदेशिक व्यापार ४ दशमलव १३ प्रतिशत बढेको हो । गत मंसिरसम्ममा यो भन्सारबाट रू. २ खर्ब ६५ अर्ब ८३ करोड ४९ लाखको वैदेशिक व्यापार भएको छ । सो अवधिमा रू. २ खर्ब ४६ अर्ब १२ करोड ३० को आयात हुँदा रू. १९ अर्ब ७१ करोड १८ लाखको मात्रै निर्यात भएको छ । गतवर्षको सोही अवधिमा रू. २ खर्ब ५५ अर्ब २६ करोड ७१ लाखको वैदेशिक…

काठमाडौं, ७ पुस । नेपाल राष्ट्र बैंकले आज (आइतबार) बैंकिङ प्रणालीबाट ६० अर्ब रुपैयाँ तान्ने भएको छ । बैंकिङ प्रणालीमा अधिक तरलता थुप्रिएसँगै राष्ट्र बैंकले २१ दिनका लागि निक्षेप सङ्कलन बोलकबोल उपकरणमार्फत ६० अर्ब रुपैयाँ तरलता तान्न लागेको हो । यसका लागि आज दिउँसो २ बजे बोलकबोल हुने छ । निक्षेप दिन चाहने बैंक तथा वित्तीय संस्थाले घटीमा १० करोड रुपैयाँ र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म बोलकबोल गर्न सक्ने राष्ट्र बैंकले जनाएको छ । बैंकका अनुसार निक्षेप संकलनको ब्याजदर बोलकबोलको माध्यमबाट निर्धारण हुनेछ भने साँवा तथा ब्याज भुक्तानी पुस २८ गते…

काठमाडौं, ७ पुस । नेपाल दूरसञ्चार कम्पनी (नेपाल टेलिकम) ले गत आर्थिक वर्ष २०८०/८१ को मुनाफाबाट शेयरधनिलाई लाभांश घोषणा गरेको छ । कम्पनीको पुस ६ गते बसेको सञ्चालक समितिको बैठकले शेयरधनिलाई करसहित प्रतिशेयर ३० रुपैयाँ (३० प्रतिशत) का दरले नगद लाभांश वितरण गर्न प्रस्ताव गरेको हो । कम्पनीले उक्त प्रस्तावित लाभांश पारित गर्न पुस २८ गते काठमाडौँको राष्ट्रिय सभा गृहमा बिहान १० बजे १७ औँ वार्षिक साधारण सभा पनि आह्वान गरेको छ । सभाले आर्थिक वर्ष २०८०/८१ को सञ्चालक समितिको वार्षिक प्रतिवेदन, लेखापरीक्षकको प्रतिवेदन सहित २०८१ असार मसान्तको वासलात, आव २०८०/८१ को नाफा तथा नोक्सान हिसाब, नगद प्रवाह विवरण लगायतका…

काठमाडौं, ५ पुस । चालू आर्थिक वर्ष (आव) २०८१/८२ को पहिलो पाँच महिनामा विराटनगर भन्सार कार्यालयबाट हुने वैदेशिक व्यापार बढेको छ । कार्यालयको तथ्याङ्क अनुसार गत आवको पहिलो पाँच महिनाको तुलनामा चालू आवको सोही अवधिमा वैदेशिक व्यापार ४ दशमलव ०३ प्रतिशत बढेको हो । चालू आवको मंसिरसम्ममा यो भन्सारबाट रू. ८४ अर्ब ८८ करोड ६८ लाख वैदेशिक व्यापार भएको छ । सो अवधिमा रू. ६९ अर्ब ७६ करोड २४ लाखको आयात हुँदा रू. १५ अर्ब १२ करोड ४४ लाख निर्यात भएको छ । गतवर्षको सोही अवधिमा यस्तो व्यापार (आयात–निर्यात) रू. ८१ अर्ब ५९ बरोड ४३ लाख भएको थियो । २०८१…

काठमाडौं, ५ पुस । लुम्बिनी विकास बैंक लिमिटेडले गत आर्थिक वर्ष २०८०÷८१ को मुनाफाबाट शेयरधनीहरुलाई वितरण गर्ने लाभांश घोषणा गरेको छ । बैंकको पुष ५ गते बसेको सञ्चालक समितिको बैठकले ७ प्रतिशत लाभांश वितरण गर्ने निर्णय गरेको हो, जसमध्ये ३ प्रतिशत बोनस शेयर र ४ प्रतिशत नगद लाभांश (कर सहित) रहेको छ । उक्त लाभांश नेपाल राष्ट्र बैंकबाट स्वीकृत भई आगामी वार्षिक साधारण सभाले पारित गरेपश्चात् शेयरधनीहरुलाई वितरण गरिनेछ ।

काठमाडौं, ५ पुस । चालू आर्थिक वर्ष (आव) २०८१/८२ को पाँच महिनामा नेपालको सार्वजनिक ऋण २४ खर्ब ९२ अर्ब ४१ करोड रुपैयाँ पुगेको छ, जुन कुल गार्हस्थ्य उत्पादन (जीडीपी)को ४३ दशमलव ६९ प्रतिशत हो । असार मसान्तसम्ममा जीडीपीका आधारमा सार्वजनिक ऋणको हिस्सा ४२.६५ प्रतिशत थियो । राष्ट्रिय तथ्याङ्क कार्यालयका अनुसार नेपालको आव २०८०/८१ को अनुमानित जीडीपी ५७ खर्ब ५ अर्ब छ । सार्वजनिक ऋण व्यवस्थापन कार्यालयका अनुसार सरकारले मंसिरसम्ममा तिर्नुपर्ने आन्तरिक ऋण १२ खर्ब १७ अर्ब ६६ करोड रुपैयाँ रहेको छ, यो कुल गार्हस्थ्य उत्पादनको २१.३४ हो । गत आवको असारसम्ममा आन्तरिक ऋणको हिस्सा २०.७० प्रतिशत थियो । त्यस्तै चालू…

कुल नारायण श्रेष्ठ, काठमाडौं, ५ पुस । यतिबेला देशमा नेपाल प्रिमियर लिग (एनपीएल) खेल चलिरहेको छ । कीर्तिपुरस्थित त्रिवि मैदानमा भइरहेको क्रिकेट लिगको फाइनल खेल शनिबार हुँदै छ । खेलमा विभिन्न आठ टोली सहभागी थिए । एनपीएल खेल्न नेपालीसहित अन्य बाहिरी देशका खेलाडीको पनि उपस्थिति रह्यो । एनपीएलले खेलाडी, क्रिकेटप्रेमीलाई मात्र हौसला दिएन, खेल मैदान वरपरका व्यवसायीहरूलाई पनि फाइदा पुग्यो । पढ्दै गरेका विद्यार्थीहरूलाई समेत व्यवसाय गर्न अग्रसर गराएको छ । खेल अवधिमा दर्शकहरूको भीडले स्थानीय होटल, खुद्रा पसलहरूको व्यापार बढेको छ । दर्शकहरूले खानपान, आवास र अन्य सेवाको उपभोग गर्दा स्थानीय व्यवसायीहरूको आम्दानी बढेको छ । जसले स्थानीय व्यापार,…

काठमाडौं, ४ पुस । बिहीबार नेपाल स्टक एक्सचेन्ज (नेप्से) परिसूचक दोहोरो अङ्कले घटेको छ । आज परिसूचक ३१ दशमलव ४३ अङ्क अर्थात् १.१९ प्रतिशतले घटेको हो । यो ह्राससँगै परिसूचक २ हजार ५ सय दशमलव ८६ को विन्दुमा कायम भएको छ । अघिल्लो दिन ५ दशमलव ६० अङ्कले घटको नेप्से २,६२८को विन्दुमा थियो । आज ९८ लाख ३२ हजार ३०८ कित्ता शेयर ५५ हजार ९८९ पटक किनबेच हुँदा ४ अर्ब ७६ करोड रुपैयाँ बराबरको कारोबार भएको छ । अघिल्लो दिन ४ अर्ब २७ करोडको कारोबार भएको थियो । बिहीबार ३१० धितोपत्र कारोबारमा आए, जसमध्ये २११ धितोपत्रको मूल्य घटेको छ ।…

काठमाडौं, ३ पुस । चालू आर्थिक वर्ष (आव) २०८१/८२ को पहिलो पाँच महिनामा करिब २१ अर्ब रुपैयाँ वैदेशिक लगानी प्रतिबद्धता आएको छ । उद्योग विभागका अनुसार पाँच महिनामा २० अर्ब ७७ करोड ६३ लाख रुपैयाँ वैदेशिक लगानी प्रतिबद्धता आएको हो । सोही अवधिमा  सबैभन्दा धेरै लगानी प्रतिबद्धता पर्यटनमुलक क्षेत्रमा रहेको छ । यस क्षेत्रमा १२ अर्ब ७६ करोड ५५ लाख रुपैयाँ प्रतिबद्धता आएको छ । त्यस्तै, सेवामूलकतर्फ ४ अर्ब ८३ करोड १० लाख रुपैयाँ, उत्पादनमूलकतर्फ १ अर्ब ८१ करोड १० लाख रुपैयाँ, सूचनाप्रविधिमूलकतर्फ ६७ करोड ८७ लाख रुपैयाँ, कृषिमूलकतर्फ ६७ करोड १० लाख रुपैयाँ र पूर्वाधारमूलकतर्फ २ करोड रुपैयाँ लगानी…

कुल नारायण श्रेष्ठ, काठमाडौं, ३ पुस । सहरी विकासमा सार्वजनिक स्थानहरूको महत्व विशिष्ट हुन्छ । पोखरी, पार्क, उद्यान, हरियाली क्षेत्रलगायतको ठूलो भूमिका रहन्छ । जैविक विविधता, प्राकृतिक सुन्दरता एवं स्थानीय उपभोक्ताका लागि पनि यस्ता क्षेत्रहरूले योगदान महत्त्वपूर्ण हुन्छ । कुनै पनि सहर कत्तिको व्यवस्थित, सुरक्षित छ भनेर त्यहाँको भौतिक पूर्वाधारले मात्र अर्थ राख्दैन, त्यहाँका मानव जनजीवन, जनस्वास्थ्य, जैविक विविधता, पार्क, पोखरी, उद्यान आदिको पनि आवश्यकता पर्छ । तर विडम्बना ठूलो जनसंख्या भए तापनि काठमाडौंमा सार्वजनिक महत्व बोकेका स्थानहरू कमै छन् । भएका सार्वजनिक ठाउँहरू पनि अतिक्रमण परेका छन् । काठमाडौंमा रहेका सार्वजनिक प्रयोजनका थोरै ठाउँहरूमध्ये एक कमलपोखरी पनि हो ।…