Author: Bizness Khabar

काठमाडौं, २८ मंसिर । राष्ट्रपति रामचन्द्र पौडेलले पाँचवटा देशका राजदूत नियुक्त गरेका छन् । पोर्चुगल, स्पेन, दक्षिण अफ्रिका, बेल्जियम र दक्षिण कोरियाका राजदूत नियुक्त गरिएको राष्ट्रपति कार्यालयले जनाएको छ । संविधानको धारा २८२ को उपधारा (१) बमोजिम मन्त्रिपरिषद्को सिफारिसमा राष्ट्रपति पौडेलले राजदूत नियुक्त गरेको राष्ट्रपति कार्यालयले जारी गरेको विज्ञप्तिमा जनाइएको छ । कार्यालयका अनुसार पोर्चुगलका लागि प्रकाशमणि पौडेल, स्पेनका लागि सनिल नेपाल, दक्षिण अफ्रिकाका लागि प्रा.डा. कपिलमान श्रेष्ठ, बेल्जियमका लागि सेवा लम्साल र कोरियाका लागि शिवमाया तुम्बाहाङ्फेलाई राजदूत नियुक्त गरिएको छ ।

काठमाडौं, २८ मंसिर । मुग्लिन–पोखरा सडकअन्तर्गत शुक्लागण्डकी नगरपालिका–२ कोत्रे खण्डमा पाँच दिन सडक अवरुद्ध हुने भएको छ । जामुने बजारदेखि कास्कीको सेतीपुलसम्मको सडक स्तरोन्नति थालिएकाले आजदेखि पुस २ गतेसम्म बिहान ८ः०० देखि सॉझ ६ः०० बजेसम्म सवारी आवागमन बन्द हुने तनहुँ जिल्ला प्रहरी कार्यालयले जनाएको छ । सो अवधिमा वैकल्पिक बाटो प्रयोग गर्न यातायात व्यवसायी एवं यात्रीलाई कार्यालयले अनुरोध गरेको छ ।

काठमाडौं, २८ मंसिर । चालू आर्थिक वर्ष (आव) २०८१/८२ को पहिलो चार महिनामा बैंक तथा वित्तीय संस्थाबाट निजी क्षेत्रमा प्रवाहित कर्जा रू. १ खर्ब २८ अर्ब ४७ करोड रहेको छ । नेपाल राष्ट्र बैंकको तथ्याङ्क अनुसार गत आवको कात्तिकको तुलनामा चालू आवको सोही अवधिमा बैंक तथा वित्तीय संस्थाबाट निजी क्षेत्रमा प्रवाहित कर्जा २ दशमलव ५ प्रतिशत बढेको छ । गत वर्षको सोही अवधिमा यस्तो कर्जा रू. ९९ अर्ब ४० करोड अर्थात् २ दशमलव १ प्रतिशत बढेको थियो । वार्षिक विन्दुगत आधारमा २०८१ कात्तिक मसान्तमा बैंक तथा वित्तीय संस्थाबाट निजी क्षेत्रतर्फ प्रवाहित कर्जा ६ दशमलव २ प्रतिशत बढेको छ । समीक्षा…

काठमाडौं, २८ मंसिर । चालू आर्थिक वर्ष २०८१/८२ को कार्तिकमा चालू खाता करिब डेढ अर्ब बचतमा रहेको छ । राष्ट्र बैंकले बिहीबार सार्वजनिक गरेको देशको वर्तमान आर्थिक तथा वित्तीय स्थितिको तथ्याङ्क अनुसार चालू आवको कार्तिकमा चालू खाता १ खर्ब ४३ अर्ब ४२ करोड रुपैयाँले बचतमा रहेको छ । गत आवको सोही अवधिमा यस्तो खाता ९७ अर्ब १० करोडले बचतमा रहेको थियो । अमेरिकी डलरमा अघिल्लो वर्षको सोही अवधिमा ७३ करोड ६ लाखले बचतमा रहेको चालु खाता समीक्षा अवधिमा १ अर्ब६ करोडले बचतमा रहेको छ । चालू आवको कार्तिकमा खुद पुँजीगत ट्रान्सफर २ अर्ब ४७ करोड रुपैयाँ रहेको छ । अघिल्लो…

काठमाडौं, २८ मंसिर । चालू आर्थिक वर्ष (आव) २०८१/८२ को पहिलो चार महिनामा कुल आन्तरिक कर्जा १ं दशमलव ३ प्रतिशत बढेको छ । अघिल्लो वर्षको सोही अवधिमा उक्त कर्जा २ दशमलव २ प्रतिशत बढेको थियो । वार्षिक बिन्दुगत आधारमा २०८१ कात्तिक मसान्तमा यस्तो कर्जा ५ दशमलव १ प्रतिशत बढेको छ । नेपाल राष्ट्र बैंकको तथ्याङ्क अनुसार समीक्षा अवधिमा मौद्रिक क्षेत्रको सरकारमाथिको खुद दाबी ६ दशमलव ६ प्रतिशत घटेको छ । गत वर्षको सोही अवधिमा यस्तो दाबी १ दशमलव ७ प्रतिशत घटेको थियो । वार्षिक बिन्दुगत आधारमा चालू आवको पहिलो चार महिनामा यस्तो दाबी १ दशमलव २ प्रतिशत घटेको छ ।…

काठमाडौं, २८ मंसिर । चालू आर्थिक वर्ष २०८१/८२ को कार्तिकमा वार्षिक विन्दुगत उपभोक्ता मुद्रास्फीति ५ दशमलव ६० प्रतिशत रहेको छ, जुन गत आवको सोही अवधिको तुलनामा शून्य दशमलव २२ प्रतिशत विन्दुले बढी हो । गत आवको कार्तिकमा यस्तो मुद्रास्फीति ५ दशमलव ३८ प्रतिशत रहेको थियो । नेपाल राष्ट्र बैंकको तथ्याङ्क अनुसार समीक्षा महिनामा खाद्य तथा पेय पदार्थ समूहको मुद्रास्फीति ९ दशमलव १० प्रतिशत र गैर–खाद्य तथा सेवा समूहको मुद्रास्फीति ३ दशमलव ६५ प्रतिशत रहेको छ । अघिल्लो वर्षको सोही अवधिमा यी समूहहरुको मुद्रास्फीति क्रमशः ५.९८ प्रतिशत र ४.९९ प्रतिशतले रहेको थियो । चालू आवको कार्तिकमा खाद्य तथा पेय पदार्थ समूहअन्तर्गत…

काठामाडौं, २७ मंसिर । त्रिभुवन अन्तर्राष्ट्रिय विमानस्थल अब दैनिक ८ घण्टामात्र बन्द हुने भएको छ । विभिन्न पूर्वाधार निर्माण गर्न २३ कात्तिकदेखि दैनिक १० घण्टा बन्द हुँदै आएको त्रिभुवन विमानस्थल आगामी १५ माघदेखि ८ घण्टामात्र बन्द हुनेछ । त्रिभुवन विमानस्थल सञ्चालक नेपाल नागरिक उड्डयन प्राधिकरणका महानिर्देशक प्रदीप अधिकारीले विमानस्थलमा निर्माणका कामको गति बढिरहेका कारण यात्रु सहजताका लागि उडान समय बढाइएको बताए । उनले भने,‘ अब काम पनि भइरहन्छ र उडान समय अवधि पनि अझै बढ्दै जान्छ ।’ हाल त्रिभुवन विमानस्थल बिहान ८ बजे खुलेर राति १० बजे बन्द हुने गरेको छ । आगामी १५ माघदेखि बिहान ७ बजे खुलेपछि राति…

काठमाडौं, २६ मंसिर । सिमेन्ट उद्योगी व्यवसायीहरुले सिमेन्टको मूल्य घटाउने प्रतिवद्धता जनाएका छन् । बुधवार निर्माण व्यवसायी महासंघ र सिमेन्ट उत्पादक संघबीचको उद्योग मन्त्रालयमा भएको छलफलमा सिमेन्टको मूल्य घटाउने सहमति भएको निर्माण व्यवसायी महासंघका अध्यक्ष रवि सिंहले बताए । छलफलपछि सञ्चारकर्मीसँग बोल्दै अध्यक्ष सिंहले काठमाडौँ उपत्यकामा ओपिसी सिमेन्ट ७०० रुपैयाँमा उपलब्ध गराउने सिमेन्ट व्यवसायीले प्रतिबद्धता गरेको बताए । उनका अनुसार काठमाडौँ उपत्यकामा अब ७ सय रुपैयाँमा पिपिसी सिमेन्ट उपलब्ध हुनेछ । उनले भने ‘आजको बैठकमा जुन सिमेन्ट उत्पादकहरुले अत्याधिक मूल्य वृद्धि गर्नुभएको छ, त्यस विषयमा दुवै पक्षबीच छलफल भएको छ । काठमाडौंमा ७ सय रुपैयाँमा ओपिसी सिमेन्ट उपलब्ध गराउने भनेर…

काठमाडौं, २६ मंसिर । नेपाली बजारमा सुनको मूल्य एकैदिन तोलामा दुई हजार रुपैयाँले बढेको छ । नेपाल सुनचाँदी व्यवसायी महासंघका अनुसार आज सुनको मूल्य प्रतितोला १ लाख ५४ हजार २ सय रुपैयाँमा कारोबार भइरहेको छ । मंगलबार सुन प्रतितोला १ लाख ५२ हजार २ सय रुपैयाँमा कारोबार भएको थियो । त्यस्तै, आज चाँदीको मूल्य भने स्थिर रहेको छ । मंगलबार तोलामा १ हजार ९२५ रुपैयाँमा कारोबार भएको चाँदी आज पनि सोही मूल्य कायम रहेको छ ।

काठमाडौं, दक्षिण कोरियाको प्रहरीले बुधबार राष्ट्रपति युन सुक–योलको कार्यालयमा छापा मारेको छ । दक्षिण कोरियाली प्रहरीले राष्ट्रपति युन सुक–योलको कार्यालयमा बुधबार छापा मारेको हो । त्यस्तै सियोल महानगरीय प्रहरी र राष्ट्रिय सभा प्रहरी गार्डको कार्यालयमा पनि छापा मारिएको दक्षिण कोरियाको समाचार संस्था योनहापले जनाएको छ । राष्ट्रपति युनले मार्शल ल लागू गरेपछि भइरहेको अनुसन्धानको एक हिस्सा रुपमा विभिन्न ठाउँमा छापा मारिएको हो । योनहापको रिपोर्टअनुसार, छापाको समयमा राष्ट्रपति युन आफ्नो कार्यालयमा उपस्थित थिएनन् । गत हप्ता मंगलबार र बुधबारको बीचमा राष्ट्रपति युन सुक–योलले देशमा सैनिक शासन लागु गरेका थिए । तर, चर्काे विरोध भएपछि उनले छ घण्टाभित्रै आफ्नो निर्णय फिर्ता…