Author: Bizness Khabar

काठमाडौं, २५ कार्तिक । राष्ट्रपति रामचन्द्र पौडेलले चीन र अमेरिकाको लागि नेपालको आवासीय राजदूत नियुक्त गरेका छन् । राष्ट्रपति पौडेडले कोप २९ सम्मेलनमा भाग लिन जानुअघि चीनका लागि प्रा.डा कृष्णप्रसाद ओली र अमेरिकाका लागि लोकदर्शन रेग्मी राजदूत नियुक्त गरेका हुन् । उनी आजै कोप २९ मा सहभागी हुन अजरबैजान जाँदैछन् । राष्ट्रपति पौडेलले संविधानको धारा २८२ को उपधारा (१) बमोजिम मन्त्रिपरिषद्को सिफारिसमा उनीहरूलाई राजदूत नियुक्त गरेको शीतल निवासले जनाएको छ ।

काठमाडौं, २५ कार्तिक । नृपध्वज निरौला र नित्यानन्द पाण्डेय सर्वोच्च अदालतको न्यायाधीश नियुक्त भएका छन् । राष्ट्रपति रामचन्द्र पौडेलले न्याय परिषदको सिफारिसका आधारमा निरौला र पाण्डेयलाई आइतबार न्यायाधीशमा नियुक्त हुन् । शीतल निवासस्थित राष्ट्रपति कार्यालयले एक विज्ञप्ति जारी गर्दै निरौला र पाण्डेलाई नेपालको संविधानको धारा १२९ को उपधारा (२) बमोजिम न्यायपरिषद्को सिफारिसमा न्यायाधीश पदमा नियुक्त गरिएको जानकारी दिएको छ । निरौला यसअघि उच्च अदालत पाटनका मुख्य न्यायाधीश र पाण्डेय उच्च अदालत तुलसीपुरका मुख्य न्यायाधीश थिए। संसदीय सुनुवाइ समितिले शुक्रबार मात्र निरौला र पाण्डेयको नाम अनुमोदन गरेको थियो ।

अस्मिता सापकोटा काठमाडौं, २५ कार्तिक । अहिलेको प्रतिस्पर्धात्मक डिजिटल युगमा व्यक्तिगत तथा व्यावसायिक सम्पर्क सञ्जाल विस्तार गर्नु अत्यन्त आवश्यक छ । यसले नयाँ अवसर र सम्भावनाको ढोका खोल्छ । राम्रो नेटवर्कले रोजगारीका अवसर तथा व्यावसायिक सहयोग पाउन सजिलो बनाइदिन्छ । साथै यसमा ज्ञान, शीप र जानकारीको प्रवाह हुने भएकाले नयाँ प्रविधि र ट्रेन्डसँग अपडेट रहन पनि सजिलो हुन्छ । यसरी नै व्यक्तिगत ब्रान्ड निर्माण गर्न र पहिचान बलियो बनाउन पनि सहयोग पु¥याउँछ । साथै अनुभवी व्यक्तिसँगको सम्पर्कले सिक्ने अवसर मात्र दिँदैन, आवश्यक पर्दा मार्गदर्शन पनि गर्छ । १. समान उद्देश्य भएका व्यक्तिहरूसँग सम्पर्क राख्ने समान उद्देश्य भएका व्यक्तिहरूसँग सम्पर्क राख्दा…

काठमाडौं, २५ कार्तिक । अख्तियार दुरुपयोग अनुसन्धान आयोग ऐन २०४८ लाई संशोधन गर्न बनेको विधेयकबारे छलफल गर्न संसदीय उपसमिति गठन भएको छ । प्रतिनिधि सभा अन्तर्गतको राज्य व्यवस्था तथा सुशासन समितिले १२ सदस्यीय उपसमिति गठन गरेको हो । उपसमितिको संयोजक हृदयराम थानी छन् । उपसमितिको सदस्यहरुमा सांसदहरू अशोक कुमार राई, चन्दा कार्की भण्डारी, दिलेन्द्र प्रसाद बडू, प्रकाश अधिकारी, बुद्धिमान तामाङ, रघुजी पन्त, राजेन्द्रप्रसाद पाण्डे, लिलानाथ श्रेष्ठ, सरिता प्रसाई, सवेन्द्र नाथ शुक्ला र हितराज पाण्डे सदस्य छन् । राज्य व्यवस्था तथा सुशासन समितिका अनुसार उपसमितिले यो विधेयकमा सहमति जुटाएर मूल समितिमा पेश गर्नेछ । यो विधेयक ३१ भदौ २०८० देखि राज्य…

काठमाडौं, २५ कार्तिक । कोशी प्रदेशका पूर्वमन्त्री लिलाबल्लभ अधिकारी पक्राउ परेका छन् । मानव तस्करीको आरोप लागेका अधिकारीलाई आइतबार अदालतबाट अनुमति लिएपछि पक्राउ परेका हुन् । उनलाई निवासबाटै पक्राउ गरिएको कोशी प्रदेशका डिआईजी चन्द्रकुबेर खापुङले जानकारी दिए । उनलाई काठमाडौं ल्याउने तयारी छ । मानव तस्कर गिरोहसँग मिलेमतो खुलिसक्दा पनि कोशी प्रदेशका निवर्तमान आन्तरिक मामिला तथा कानुनमन्त्री एवं सांसद लीलाबल्लभ अधिकारीमाथि अससन्धान सुरू नभएको भन्दै गृह प्रशासनको आलोचना भइरहेको थियो । मन्त्रिपरिषद्बाट स्वीकृत नगरी जापान भ्रमणमा गएको विषय विवादमा परेपछि उनले बुधबार पदबाट राजीनामा दिएका थिए । आलोचनाकाबीच शनिबार एमालेको कोशी प्रदेश कमिटीले राष्ट्रिय प्रतिनिधि परिषद सदस्य तथा पार्टीको संगठित…

काठमाडौं, २५ कार्तिक । ललितपुर महानगरपालिकाले राष्ट्रिय सहकारी विकास बोर्डको अनधिकृत संरचनामा आज डोजर चलाएको छ । ललितपुरको हरिहर भवनस्थित विकास बोर्डको अनधिकृत संरचना नगरप्रमुख सीताराम हाछेथुको नेतृत्वमा आएको नगर प्रहरीले डोजर चलाएको हो । नगरप्रमुख हाछेथुले आज बिहान डोजर र नगर प्रहरीहरु परिचालन गरी भत्काइएको जानकारी दिए । उनका अनुसार मापदण्ड विपरीतको सो संरचना हटाउन यसअघि अदालतले आदेश दिएको थियो ।

काठमाडौं, २५ कार्तिक । यस साताको कारोबारको पहिलो दिन नेपाली बजारमा सुनको मूल्य तोलामा ५०० रुपैयाँ घटेको छ । नेपाल सुनचाँदी व्यवसायी महासंघका अनुसार आइतबार सुनको मूलय प्रतितोला १ लाख ६६ हजार रुपैयाँमा कारोबार भइरहेको छ । यसअघि शुक्रबार सुन प्रतितोला १ लाख ६६ हजार ५ सय रुपैयाँमा कारोबार भएको थियो । त्यस्तै चाँदी तोलामा २० रुपैयाँ घटेको छ । आज चाँदी तितोला १ हजार ९६० रुपैयाँमा कारोबार भइरहको महासंघले जनाएको छ । अघिल्लो दिन आइतबार चाँदी प्रतितोला १ हजार ९८० रुपैयाँ थियो ।

काठमाडौं, २५ कार्तिक । सहकारी ठगी प्रकरणमा पक्राउ परेका पुर्वगृहमन्त्री एवम् राष्ट्रिय स्वतन्त्र पार्टी (रास्वपा) का सभापति रवि लामिछानेमाथि चौथो पटक अदालत उपस्थित गराइएको छ । जिल्ला अदालतले रविमाथि अनुसन्धान गर्न दिएको १० दिनको म्याद सकिएसँगै उनलाई आज म्याद थपका लागि अदालत उपस्थित गराएको हो । यसअघि अदालतले रविमाथि अनुसन्धान गर्न कात्तिक २० गते १० दिनको म्याद थपको अनुमति दिएको थियो । कात्तिक १५ गतेदेखि गणना हुने गरी अदालतले अनुमति दिएको म्याद आज सकिएको हो । लामिछानेलाई यसअघि तीनपटक म्याद थप गराएर प्रहरीले अनुसन्धान गरेको थियो । पोखराको सूर्यदर्शन सहकारी ठगी प्रकरणमा लामिछाने कात्तिक २ गते काठमाडौंस्थित पार्टीको केन्द्रीय कार्यालयबाट…

काठमाडौं, २५ कार्तिक । पोखरा विश्वविद्यालयको रिक्त उपकुलपतिका लागि दरखास्त आह्वान गरिएको छ । विश्वविद्यालयको रिक्त उपकुलपतिको नाम सिफारिस गर्न गठित छनोट तथा सिफारिस समितिले सिफारिस सम्बन्धी कार्यविधि, २०८१ बमोजिम दरखास्त आह्वान गरेको हो । उपकुलपति बन्न योग्य तथा इच्छुक उम्मेदवारले मंसिर ४ गतेभित्र दरखास्त दिन सक्ने छन् । समितिले कार्तिक २४ गते स्वीकृत गरेको पोखरा विश्वविद्यालयको उपकुलपति छनोट तथा सिफारिस सम्बन्धी कार्यविधिअनुसार शिक्षा मन्त्रालयको उच्च शिक्षा शाखामा आवेदन बुझाउन भनेको छ । पोखरा विश्वविद्यालयको उपकुलपतिमा २०७७ असोज १४ गते नियुक्त भएका प्रा.डा. प्रेमनारायण अर्यालको चार वर्षे कार्यकाल सकिएपछि नयाँ उपकुलपति छनोट प्रक्रिया सुरु गरिएको छ । उपकुलपति छनोट तथा…

काठमाडौं, २५ कार्तिक । सहकारी ठगी प्रकरणमा पक्राउ परेका पूर्वगृहमन्त्री तथा राष्ट्रिय स्वतन्त्र पार्टी (रास्वपा) सभापति रवि लामिछानेलाई प्रहरीले आज पुनः अदालत पेश गर्दैछ । जिल्ला अदालतले रविमाथि अनुसन्धान गर्न दिएको १० दिनको म्याद सकिएसँगै उनलाई आज पुनः अदालतमा उपस्थित गराइन लागेको हो । यसअघि अदालतले रविमाथि अनुसन्धान गर्न कात्तिक २० गते १० दिनको म्याद थपको अनुमति दिएको थियो । कात्तिक १५ गतेदेखि गणना हुने गरी अदालतले अनुमति दिएको म्याद आज सकिएको हो । लामिछानेलाई यसअघि तीनपटक म्याद थप गराएर प्रहरीले अनुसन्धान गरेको थियो । पोखराको सूर्यदर्शन सहकारी ठगी प्रकरणमा लामिछाने कात्तिक २ गते काठमाडौंस्थित पार्टीको केन्द्रीय कार्यालयबाट पक्राउ परेका…