Author: Bizness Khabar

काठमाडौं, २३ कार्तिक । ललितपुरको मितेरी बचत तथा ऋण सहकारी संस्थाको रकम अनियमितता प्रकरणमा ज्योति गुरुङ र ज्योतिबहादुर भण्डारीविरुद्ध अन्तर्राष्ट्रिय अपराध प्रहरी संगठन (इन्टरपोल) मा रेड नोटिस जारी भएको छ । प्रहरी प्रधान कार्यालय, नक्सालमा रहेको नेश्नल सेन्ट्रल ब्यूरो (एनसीबी) को सिफारिसका आधारमा इन्टरपोलको फ्रान्समा रहेको हेडक्वार्टरले गुरुङ र भण्डारीविरुद्ध रेड नोटिस जारी गरेको केन्द्रीय अनुसन्धान ब्यूरो (सीआईबी)का प्रवक्ता एसपी होविन्द्र बोगटीले जानकारी दिए । ललितपुर महानगरपालिका वडा नम्बर–५ स्थित महालक्ष्मीस्थानमा सञ्चालित उक्त सहकारी ठगीबारे अनुसन्धान गरिरहेको प्रहरीको केन्द्रीय अनुसन्धान ब्यूरो (सीआईबी) ले गुरुङ र भण्डारीको खोजीका लागि इन्टरपोलमा रेड नोटिस जारी गरिदिन भन्दै एनसीबीलाई यसअघि पत्र पठाएको थियो ।…

काठमाडौं, २३ कार्तिक । संसदीय सुनुवाइ समितिले सर्वोच्च अदालतका लागि प्रस्तावित न्यायाधीश नृपध्वज निरौला र नित्यानन्द पाण्डेको नाम अनुमोदन गरेको छ । शुक्रबार बसेको समितिको बैठकले सर्वोच्चको न्यायाधीशमा सिफारिस भएका निरौला र पिाण्डेको नाम सर्वसम्मत अनुमोदन गरेको हो। गत असोज ११ गते न्याय परिषद् बैठकले उच्च अदालत पाटनका मुख्य न्यायाधीश नृपध्वज निरौला र तुलसीपुरका मुख्य न्यायाधीश नित्यानन्द पाण्डेलाई सर्वोच्च अदालतको न्यायाधीशमा सिफारिस गरेको थियो। सुनुवाइ समितिले गत असोज १५ गते सूचना प्रकाशन गरेर प्रस्तावित दुई न्यायाधीशविरुद्ध उजुरी आह्वान गरेको थियो । प्रस्तावित न्यायाधीशहरूबारे शुक्रबार सुनुवाइ भएको थियो । सांसदहरूले आएका उजुरी र विभिन्न विषयमा प्रश्न सोधेका थिए भने निरौला र…

अस्मिता सापकोटा काठमाडौं, २३ कार्तिक । जाडो महिना शुरू भइसकेको छ । जाडो बढेसँगै धेरै बालबालिकामा रुघाखोकी, फ्लु लगायत अन्य मौसमी रोगको संक्रमण पनि बढ्छ । यसबेला उनीहरूमा रोगको संक्रमण छिट्टै फैलने भएकाले प्रतिरक्षा प्रणाली बलियो बनाउनु आवश्यक हुन्छ । सानै उमेरमा बालबालिकाको प्रतिरक्षा प्रणाली पूर्ण रूपमा विकास भएको हुँदैन । यसले गर्दा उनीहरू रोगजनक जीवाणुहरूप्रति बढी संवेदनशील हुन्छन् । यही कारण उनीहरुमा प्रायः रुघा, खोकी तथा ज्वरोको संक्रमण देखिन्छ । बालबालिकालाई बिरामी हुनबाट जोगाउने मुख्य उपाय उनीहरूको आहारमा प्रतिरक्षा बढाउने खानेकुरा समावेश गर्नु हो । यसको लागि प्रशस्त भिटामिन, प्रोटिन तथा खनिजको मात्रा भएका मौसमी ड्राइ फ्रुट्स, फलफूल तथा…

काठमाडौं, २३ कार्तिक । सीईडीबी हाइड्रोपावर डेभलपमेन्ट कम्पनीको नाम परिवर्तन भएको छ । कम्पनीको आर्थिक वर्ष २०७९/८० र २०८०/८१ को गत असोज २१ गते सम्पन्न वार्षिक साधारणसभाले कम्पनीको नाम परिवर्तन गर्ने प्रस्तावत गरेको थियो । उक्त प्रस्ताव साधारणसभाबाटपारित भई सीईडीबी होल्डिङस् लिमिटेड राखिएको छ । कम्पनी रजष्ट्रिारको कार्यालयले कात्तिक २० गते यसको नाम परिवर्तन गर्ने कार्यलाईस्वीकृति दिएको थियो । उक्त कम्पनी सेयर बजारमा सूचीकृत छ । कम्पनीको नाममा हाइड्रोपावर जोडिँदा धेरै लगानीकर्ताले यसलाई हाइड्रोपावर सेक्टरको रुपमा बुझ्ने गरेका थिए । तर यो कम्पनी लगानी सेक्टरको हो । सो कारण कम्पनीले पुरानो नामबाट हाइड्रोपावर हटाएर होल्डिङ्स राखेको हो । यस कम्पनीले…

काठमाडौं, २३ कार्तिक । नेकपा एकीकृत समाजवादीले स्थानीय तह उपनिर्वाचनका लागि उम्मेदवारका नाम सिफारिस गर्न सम्बन्धित प्रदेश कमिटीलाई निर्देशन दिएको छ । पार्टीले स्थानीय तहका आवश्यकता बुझेका, अनुभवी, साङ्गठनिक क्षमता भएका, जनताका समस्या समाधान गर्न सक्ने तथा विकास–निर्माणका काम गर्ने क्षमता भएका नेताहरूको पहिचान गरी कात्तिक मसान्तभित्र सिफारिस गर्न सम्बन्धित प्रदेशलाई निर्देशन दिएको सचिव सोमप्रसाद पाण्डेयले जानकारी दिए । निर्वाचन आयोगले उपनिर्वाचनका लागि मंसिर २ गते मनोनयन दर्ता गर्ने समयसीमा तोकेको छ । जिल्ला समन्वय समितिका प्रमुख दुई, गाउँपालिका अध्यक्ष दुई, उपाध्यक्ष चार, नगरपालिका प्रमुख एक, उपप्रमुख एक र वडाध्यक्ष ३४ गरी जम्मा ४४ रिक्त पदका लागि आगामी मंसिर १६…

काठमाडौं, २३ कार्तिक । बिहीबार एकै दिन तोलामा ४ हजार रुपैयाँले घटेको सुन आज (शुक्रवार) फेरी प्रतितोला २ हजार रुपैयाँले बढेको छ । नेपाल सुनचाँदी व्यवसायी महासंघका अनुसार आज सुनको मूल्य प्रतितोला एक लाख ६६ हजार ५०० रुपैयाँमा कारोबार भइरहेको छ । अघिल्लो दिन सुरनको मूल्य तोलामा ४ हजार रुपैयाँले घटेर १ लाख ६४ हजार ५ सय रुपैयाँ कायम भएको थियो । त्यस्तै, आज चाँदीको मूल्य तोलामा २० रुपैयाँ बढेको छ । अघिल्लो दिन प्रतितोला १९६० रुपैयाँमा कारोबार भएको चाँदी यस दिन १९८० रुपैयाँमा कारोबार भइरहेको महासंघले जनाएको छ ।

काठमाडौं, २३ कार्तिक । नेपाल राष्ट्र बैंकले शुक्रबारका लागि विदेशी मुद्राको विनिमय दर निर्धारण गरेको छ । राष्ट्र बैंकका अनुसार बिहीबारको तुलनामा शुक्रबार अमेरिकी डलर १४ पैसा महँगिएको छ । यो वृद्धिसँगै शुक्रबारका लागि अमेरिकी डलरको बिक्रीदर मूल्य १३५ रुपैयाँ ३० पैसा र खरिददर मूल्य १३४ रुपैयाँ ७० पैसा कायम भएको छ । यो मूल्य हालसम्मकै उच्च हो । बिहीबार अमेरिकी डलर एकको खरिदर एक सय ३४ रुपैयाँ ५६ पैसा र बिक्रीदर एक सय ३५ रुपैयाँ १६ पैसा रहेको थियो । राष्ट्र बैंकका अनुसार शुक्रबारका लागि युरो (युरोपियन युरो) एकको खरिदर १४४ रुपैयाँ ९४ पैसा र बिक्रीदर १४५ रुपैयाँ ५९…

अस्मिता सापकोटा काठमाडौं, २२ कार्तिक । आजको श्रम बजारमा रोजगारी सुरक्षा एक जटिल विषय बनेको छ । परम्परागत रूपमा मानिसहरू एउटै संस्थामा लामो समयसम्म काम गर्थे, जसले स्थायित्व र बफादारीलाई प्राथमिकता दिन्थ्यो । तर आजको श्रम बजार यस अनुसार चल्दैन । पछिल्ला केही वर्षहरूमा आर्थिक मन्दी, प्राविधिक परिवर्तन जस्ता कारणले धेरैजसो नेतृत्व तहका व्यक्तिहरूले आफ्नो रोजगारी गुमाएका छन् । पछिल्लो समय रोजगारीमा सुरक्षा सुनिश्चित गर्न लामो समयको प्रतिबद्धता भन्दा पनि औद्योगिक आवश्यकता अनुसार सीप विकास आवश्यक छ भन्ने स्थापित हुँदै गइरहेको छ । गिग (फ्रील्यान्स प्रधान श्रम बजार) अर्थतन्त्रले परियोजना आधारित कामलाई प्रोत्साहन गर्छ । यसमा रोजगारप्रति बफादार हुनुले मात्र…

काठमाडौं, २२ कार्तिक । साउदी अरेबियामा कार्यरत विदेशी महिला घरेलु श्रमिकले काम चित्त नबुझे स्वदेश फर्किन वा रोजगारदाता (स्पोन्सर) बदल्न २ महिनाको समय (ग्रेस अवधि) पाउने भएका छन् । निर्धारित नियमहरुको पालना गर्ने सबै घरेलु श्रमिकले यस्तो सुविधा पाउने गरी साउदी अरेबिया सरकारले नीति बनाएको छ । साउदी अरेबियाले घरेलु श्रमिकको प्रायोजन प्रणालीमा सुधार गर्दै रोजगारदाता र श्रमिकबीचको सम्बन्ध सुधार गर्ने गरी नयाँ नीति बनाइरहेको छ । साउदीको मानव संशाधन मन्त्रालयले तय गरेको नयाँ नीतिअनुसार, घरेलु श्रमिकहरूले साउदीमा आएको पहिलो दुई वर्षभित्र सम्झौता भंग गरेमा ६० दिनभित्र देश छोड्नुपर्नेछ । यदि उनीहरूले दुई वर्षपछि स्वेच्छाले काम छाडे भने, उनीहरूलाई ६०…

काठमाडौं, २२ कार्तिक । कृषि सामग्री कम्पनी लिमिटेडले २५ हजार टन डीएपी मल खरिद गर्ने ठेक्का सिंगापुरको आदित्य बिरला ग्लोबल ट्रेडिङ प्रालिलाई दिएको छ । कम्पनीले बिहीबार एक सूचना जारी गर्दै २५ हजार टन डीएपी मल ल्याउने ठेक्को आदित्य बिरला ग्लोबल ट्रेडिङ प्रालिले पाएको जनाएको हो । आदित्य बिरला ग्लोबल ट्रेडिङले करिब २ अर्ब ५६ करोड रुपैयाँ (१ करोड ८९ लाख ७५ हजार अमेरिकी डलर) मा नेपालमा डीएपी मल आपूर्ति गर्ने ठेक्का पाएको हो । कृषि सामग्री कम्पनीले वीरगञ्ज, विराटनगर र भैरहवामा आपूर्ति दिने गरी प्रतिटन ७ सय ५९ डलरमा नेपाल मल किन्ने गरी उसलाई ठेक्का दिएको कम्पनीले जनाएको छ…