Author: Bizness Khabar

काठमाडौं, २३ मंसिर । यस साताको कारोबारको पहिलो दिन नेपाल स्टक एक्सचेन्ज (नेप्से) परिसूचक ४५ दशमलव ९३ अङ्कले घटेको छ । यो ह्राससँगै परिसूचक २ हजार ६ सय ८९ को विन्दुमा कायम भएको छ । अघिल्लो दिन १५.१३ अङ्कले घटेको नेप्से परिसूचक २,७३४ को विन्दुमा बन्द भएको थियो । नेप्समा आएको ह्राससँगै आज कारोबार रकम पनि घटेको छ । १ करोड ७३ लाख ९२ हजार २४४ कित्ता शेयर ८१ हजार ४०४ पटक किनबेच हुँदा ७ अर्ब ४६ करोड ३ लाख रुपैयाँ बराबरको कारोबार भएको छ । अघिल्लो दिन शुक्रबार ८ अर्ब ३६ करोड ९६ लाख रुपैयाँको कारोबार भएको थियो ।…

काठमाडौं, २३ मंसिर । थोक कर्जा प्रदायक लघुवित्त वित्तीय संस्थाले प्रवाह गर्ने कुल कर्जा तथा सापट १० दशमलव ४५ प्रतिशत घटेको छ । नेपाल राष्ट्र बैंकले सार्वजनिक गरेको ‘लघुवित्त वित्तीय संस्थाहरूको समष्टिगत गैर–स्थलगत सुपरिवेक्षण प्रतिवेदन २०८१/८२’ अनुसार चालू आर्थिक वर्ष (आव)को पहिलो त्रैमास (असोज मसान्त)मा यस्तो कर्जा तथा सापट रकम घटेको हो । गत आवको असार मसान्तमा रू. ५३ अर्ब ८५ करोड रहेको कुल कर्जा तथा सापट रकम घटेर चालू आवको असोज मसान्तसम्ममा रू. ४८ अर्ब २३ करोडमा सीमित भएको छ । समीक्षा अवधिमा उक्त लघुवित्त, वित्तीय संस्थाहरूको कुल कर्जा तथा सापटमध्ये निष्क्रिय कर्जा रू. १ अर्ब १२ करोड अर्थात्…

काठमाडौं, २३ मंसिर । अमेरिकी सहायक विदेशमन्त्री डोनाल्ड लु काठमाडौं आइपुगेका छन् । दक्षिण एवम् मध्य एसिया मामिला हेर्ने सहायक विदेशमन्त्री लु भारत, श्रीलंका र नेपाल भ्रमण गर्ने क्रममा आज काठमाडौं आएका हुन् । नेपाल सरकारका नेतृत्वकर्ताहरूसँग शिष्टाचार भेट र नागरिक समाजसँग कुराकानी गर्ने नेपालस्थित अमेरिकी राजदूतवासले जनाएको छ । उनको यो भ्रमणले अमेरिका–नेपाल सम्बन्धलाई मजबुत बनाउने र वातावरणीय सुरक्षा, महिला सशक्तिकरण, सांस्कृतिक संरक्षण र दिगो विकासजस्ता मुख्य क्षेत्रहरूमा दुई देशबीचको सहकार्यलाई अघि बढाउने दूतावासले जनाएको छ । लु अमेरिकी विदेश मन्त्रालयका प्रभावशाली सहायकमन्त्री मध्येका हुन् । उनले यसअघि पनि तीनपटक नेपालको भ्रमण गरिसकेका छन् । पछिल्लोपटक उनी गत वर्ष…

काठमाडौं, २३ मंसिर । नेपाली बजारमा सुनको मूल्य तोलामा ४ सय रुपैयाँ घटेको छ । यो संगै सुनको मूल्य फेरि १ लाख ५० हजार तल झरेको छ । नेपाल सुनचाँदी व्यवसायी महासंघका अनुसार आज सुनको मूल्य प्रतितोला १ लाख ४९ हजार ७ सय रुपैयाँका कारोबार भएको छ । अघिल्लो दिन सुनको मूल्य तोलामा ६ सय रुपैयाँले घटेर १ लाख ५० हजार १ सय रुपैयाँमा कारोबार भएको थियो । त्यस्तै, आज चाँदीको मूल्य पनि घटेको छ । अघिल्लो दिन प्रतितोला १ हजार ८९० रुपैयाँमा कारोबार भएको चाँदी यस दिन १ हजार ८६५ रुपैयाँ कायम भएको महाससंघले जनाएको छ ।

काठमाडौं, २३ मंसिर । सिद्धार्थ बैंक लिमिटेडले गत आर्थिक वर्षको मुनाफाबाट शेयर धनीहरूलाई लाभांश घोषणा गरेको छ । मंसिर २१ गते बसेको बैंकको सञ्चालक समितिको बैठकले नगद लाभांश वितरण गर्ने निर्णय गरेको हो । बैंकले हाल कायम चुक्ता पूँजी १४ अर्ब ८ करोड ९९ लाख ८० हजार १९० रुपैयाँको ४ प्रतिशतका दरले नगद लाभांश (कर प्रयोजनार्थसहित) वितरण गर्ने जनाएको छ । कुल ५६ करोड ३५ लाख रुपैयाँ बराबरको लाभांश प्रदान हुने कम्पनीले जनाएको छ । उक्त प्रस्तावित लाभांश आगामी साधारणसभाबाट पारित भएपछि शेयरधनीले यो लाभांश पाउने छन् ।

काठमाडौं, २३ मंसिर । बैंकिङ प्रणालीमा अधिक तरलता थुप्रिएपछि नेपाल राष्ट्र बैंकले आज ७० अर्ब रुपैयाँ तान्ने भएको छ । केन्द्रीय बैंकले २१ दिनका लागि निक्षेप सङ्कलन बोलकबोल उपकरणमार्फत ७० अर्ब रुपैयाँ तरलता तान्ने भएको हो । यसका लागि आइतबार दिउँसो २ बजे बोलकबोल हुने राष्ट्र बैंकले जनाएको छ । निक्षेप दिन चाहने बैंक तथा वित्तीय संस्थाले घटीमा १० करोड रुपैयाँ र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म बोलकबोल गर्न सक्नेछन् । राष्ट्र बैंकका अनुसार निक्षेप संकलनको ब्याजदर बोलकबोलको माध्यमबाट निर्धारण हुनेछ भने साँवा तथा ब्याज भुक्तानी पुस १४ गते हुने छ ।…

काठमाडौं, २१ मंसिर । कृषि तथा पशुपन्छी विकास मन्त्रालयले ३ वटा जीवनाशक विषादी नेपालमा प्रतिबन्ध लगाएको छ । मन्त्रालयले राजपत्रमा सूचना प्रकाशित गर्दै २ कीटनाशक र एउटा झारपातनाशक विषादी प्रतिबन्ध लगाएको हो । सूचना अनुसार ‘पाराक्वाट/पाराडाइक्लोराइड’ नामक झारपातनाशक विषादी नेपालमा प्रतिबन्ध लगाएको हो । यस्तै ‘क्लोरोपाइरिफस’ र ‘फोरेट’ नामक किटनाशक विषादीमा प्रतिबन्ध लगाइएको हो । यी विषादी अब उत्पादन, संश्लेषण, निकासी र पैठारीमा प्रतिबन्ध हुनेछ । मन्त्रालयका अनुसार सूचना प्रकाशन हुनुअघि नेपालमा पैठारी भएका विषादी खपत गर्न दुई वर्षको समयावधि तोकिएको छ । जीवनाशक विषादी व्यवस्थापन समितिले २५ असारमा पाराक्वाट÷पाराडाइक्लोराइड झारपातनाशक विषादी र क्लोरोपाइरिफस कीटनाशक विषादी प्रतिबन्ध गर्न मन्त्रालयलाई सिफारिस…

काठमाडौं, २१ मंसिर । निर्वाचन आयोगले देशभरका सबै प्रदेश तथा जिल्ला निर्वाचन कार्यायलयबाट मतदाता नामावलीमा नाम दर्ता गर्ने काम सुरु गर्ने निर्णय गरेको छ । आयोगले शुक्रबार एक विज्ञप्ति जारी गर्दै मंसिर २३ गतेबाट मतदाता नामावली दर्ताको काम सुरु हुने जनाएको हो । यसअघि गत मंसिर १६ गते सम्पन्न स्थानीय तहको उपनिर्वाचन प्रयोजनका लागि मतदाता नामावली दर्ता गर्ने काम स्थगित गरिएको थियो । निर्वाचन सम्पन्न भइ परिणाम समेत प्राप्त भएकाले नियमित नामावली दर्ता तथा अद्यावधिक कार्य सुचारु गरिएको आयोगले जनाएको छ । आयोगको वेबसाइटमार्फत आवेदन भरेमा बाहिरी जिल्लाबाट समेत मतदाता नामावली दर्ता गर्न सक्ने व्यवस्था मिलाइएको आयोगले जनाएको छ ।…

काठमाडौं, २१ मंसिर । नेपाली बजारमा आज सुनको मूल्य ६ सय रुपैयाँ घटेको छ । नेपाल सुनचाँदी व्यवसायी महासंघका अनुसार आज सुनको मूल्य प्रतितोला ६ सय रुपैयाँले घटेको छ । यो ह्राससँगै आज सुन प्रतितोला १ लाख ५० हजार १ सय रुपैयाँमा कारोबार भइरहेको छ । अघिल्लो दिन सुनको मूल्य प्रतितोला ३ सय रुपैयाँले घटेर १ लाख ५० हजार ७ सय रुपैयाँमा कारोबार भएको थियो । त्यस्तै, आज चाँदीको मूल्य भने बढेको छ । यस दिन चाँदी तोलामा १० रुपैयाँले बढेर १ हजार ८९० रुपैयाँ कायम भएको महासंघले जनाएको छ । बिहीबार चाँदी तोलामा १५ रुपैयाँ बढेर १ हजार ८८०…

काठमाडौं, २१ मंसिर । भुटानका राजा नरेश जिग्मे खेसार नाम्ग्याल वाङचुक अनौपचारिक भ्रमणका सिलसिलामा काठमाडौं आइपुगेका छन् । बिहीबारदेखि भारतको औपचारिक भ्रमणमा रहेका उनीहरूले भुटान फर्किने क्रममा ट्रान्जिट भिजिटका रूपमा शुक्रबार बिहान काठमाडौंको आइपुगेका हुन् । उनलाई परराष्ट्रमन्त्री आरजु राणा देउवाले त्रिभुवन अन्तर्राष्ट्रिय विमानस्थलमा स्वागत गरिन् । भुटानी नरेश वाङचुकले स्वयम्भूनाथ र बौद्धनाथको दर्शन गर्ने कार्यक्रम छ । उनी आजै स्वदेश फर्कने परराष्ट्र मन्त्रालयले जनाएको छ । औपचारिक भेटवार्ताको तालिका भने सार्वजनिक गरिएको छैन ।