Author: Bizness Khabar

अस्मिता सापकोटा काठमाडौं, २२ असोज । च्याट जिपिटी जस्ता आर्टिफिसियल इन्टेलिजेन्स (एआई) मोडलको आविष्कारले नयाँ प्राविधिक युगको शुरूआत गरेको छ र यससँगै एआई द्रुत रुपमा विकास हुँदैछ । २०२४ का शुरुआती चरणको विश्लेषण गर्दा एआई नवप्रवर्तनको गति सुस्त हुने कुनै संकेत देखिँदैन, बरू यसले अझ गति लिने संकेत गर्छ । यस लेखमा यस वर्षका मुख्य केही एआई ट्रेन्डबारे चर्चा गरिएको छ । १. मल्टिमोडल एआई मल्टिमोडल एआई २०२४ को एक उत्कृष्ट कृत्रिम बौद्धिक प्रणाली हो । यसले लेख, भिडियो, इमेज लगायतलाई एकै पटक संयोजन गर्न सक्छ । त्यसैले यो एआईलाई अन्य भन्दा उत्कृष्ट मानिन्छ । यसले कुनै पनि लेखको व्याख्या…

काठमाडौं, २२ असोज । सरकारले थप ५७ हिमालमा आरोहण खुला गरेको छ । सरकारका प्रवक्ता एवम् सञ्चार तथा सूचना प्रविधिमन्त्री पृथ्वीसुब्बा गुरुङले मङ्गलबार बसेको मन्त्रिपरिषद् बैठकका निर्णय सार्वजनिक गर्दै सो जानकारी दिएका हुन् । गुरुङका अनुसार नेपाल हिमालै हिमालको देश भए पनि धेरै हिमाल पर्वतारोहणका लागि खुला नभएको अवस्थामा थप ५७ हिमालमा आरोहण खोल्ने निर्णय भएको हो । यी हिमाल संस्कृति, पर्यटन तथा नागरिक उड्डयन मन्त्रालयले प्रवद्र्धन तथा व्यवस्थापन गर्ने गरी खुला गरिएको हो । मन्त्रालय मातहत पर्यटन विभागले हिमाल व्यवस्थापन गर्दै आएको छ । यसअघि गत असारमा पर्यटन विभागले ती हिमाल आरोहण खुला गर्न मन्त्रालयमा सिफारिस गरेको थियो ।…

काठमाडौं, २२ असोज । सरकारका प्रवक्ता एवम् सञ्चार तथा सूचना प्रविधिमन्त्री पृथ्वीसुब्बा गुरुङले मङ्गलबार बसेको मन्त्रिपरिषद् बैठकका निर्णय सार्वजनिक गरेका छन् । उनले मन्त्रिपरिषद् बैठकले गरेका ११ निर्णय सार्वजनिक गरेका हुन् । मन्त्री गुरुङले मुलुकको अर्थतन्त्रको समग्र क्षेत्रमा सुधारको लागि रायसहितको प्रतिवेदन पेस गर्न पूर्वसचिव रामेश्वरप्रसाद खनालको संयोजकत्वमा पाँच सदस्यीय आर्थिक सुधार सुझाव आयोग गठन गर्ने निर्णय बैठकले गरेको जानकारी दिए । त्यस्तै बैठकले चालु आर्थिक वर्ष २०८१/८२ का लागि कृषि तथा पशुपंक्षी विकास मन्त्रालय अन्तर्गत विभिन्न आयोजना र निकायका लागि कुल २६६ राजपत्राङ्कित पदहरुको अस्थायी दरबन्दी स्वीकृत गर्ने निर्णय गरेको छ । यी हुन् मन्त्रिपरिषद् बैठकका निर्णयहरु :

काठमाडौं, २२ असोज । सरकारले मुलुकको अर्थतन्त्रको समग्र सुधारको रायसहित प्रतिवेदन पेस गर्न आयोग गठन गरेको छ । सूचना तथा सञ्चार प्रविधिमन्त्री तथा सरकारका प्रवक्ता पृथ्वी सुब्बा गुरुङले उक्त जानकारी दिएका हुन् । उनका अुसार सोमबार बसेको मन्त्रिपरिषद्को बैठकले पूर्वअर्थ सचिव रामेश्वर खनालको नेतृत्वमा पाँच सदस्यीय आयोग गठन गरेको छ । लामो समयदेखि नीजि क्षेत्रले एक उच्चस्तरीय आयोग बनाउन माग गर्दैआएका थिए ।

काठमाडौं, २२ असोज । निर्वाचन आयोगले आर्थिक वर्ष २०८०/८१ को वार्षिक प्रतिवेदन राष्ट्रपति रामचन्द्र पौडेललाई बुझाएको छ । मंगलबार राष्ट्रपति भवन शीतल निवासमा निर्वाचन आयोगका प्रमुख निर्वाचन आयुक्त दिनेश कुमार थपलियाले राष्ट्रपति पौडेलसमक्ष पेश गरेका हुन् । प्रतिवेदनमा मतदाता अध्यावधिकको विषय, इभोटिङको विषय, निर्वाचनमा महिला सहभागिता र लैंगिक तथा समावेशीताको विषय समेटिएका छन् ।

काठमाडौं, २२ असोज । ग्लोबल आइएमई बैंकले लाभांश घोषणा गरेको छ । बैंकको असोज २१ गते बसेको ४४६औ संचालक समितिको बैठकले साढे ५ प्रतिशत बोनस शेयर दिने प्रस्ताव गरेको हो । उक्त प्रस्तावित लाभांश नेपाल राष्ट्र बैंक र बैंकको आगामी १८औं बार्षिक साधारणसभाले स्वीकृत गरेपछि मात्रै शेयरधनीले पाउनेछन् । बैंकले साधारणसभा प्रयोजनका लागि पछि बुक क्लोजका लागि अलग्गै नोटिस जारि गर्नेछ । यसअवधिमा बैकको चुक्तापुंजी ३६ अर्ब १२ करोड रहेको छ भने पछिल्लो समय शेयरको दोस्रो बजारमा ग्लोबल आइएमई बैंकको शेयर प्रति कित्ता २५३ रुपैयाँमा कारोबार भएको थियो ।

काठमाडौं, २२ असोज । नेपाली बजारमा सुनको मूल्य निरन्तर घट्न थालेको छ । नेपाल सुनचाँदी व्यवसायी महासंघका अनुसार मंगलबार सुनको मूल्य तोलामा ४ सय रुपैयाँ घटेको छ । यस दिनका सुन प्रतितोला १ लाख ६० हजार १ सय रुपैयाँमा कारोबार भइरहेको छ । अघिल्लो दिन सुन प्रतितोला ५०० रुपैयाँले घटेर १ लाख ६० हजार ५ सय रुपैयाँ कायम भएको थियो । गत शुक्रबार तोलामा ४ सय रुपैयाँले बढेर १ लाख ६१ हजार ३ सय रुपैयाँमा कारोबार भएको सुनको मूल्यले नयाँ रेकर्ड बनाएको थियो । त्यसयता भने सुनको मूल्य घटिरहेको छ । त्यस्तै चाँदीको मूल्य पनि तोलामा ४० रुपैयाँ घटेको छ…

काठमाडौं, २२ असोज । स्वास्थ्य तथा जनसंख्यामन्त्री प्रदीप पौडेलले साझा स्वास्थ्य संकटसँग जुध्नका लागि स्रोत जुटाउन विश्व स्वास्थ्य संगठनसँग आग्रह गरेका छन् । भारतको नयाँदिल्लीमा सञ्चालित दक्षिण एसिया क्षेत्रको बैठकलाई सम्बोधन गर्दै मन्त्री पौडेलले दक्षिण एसिया जनसांख्यिक हिसाबले समेत बढी स्वास्थ्य जोखिम क्षेत्रका रुपमा रहेको भन्दै सो क्षेत्रमा बढ्न सक्ने स्वास्थ्य समस्यासँग जुध्न स्रोतको अभाव प्रमुख समस्या रहेको बताए । मन्त्री पौडेलले नेपालको समस्या पनि दक्षिण एसियाको साझा समस्यासँग जोडिएको भन्दै आफ्नो स्रोत वृद्धिका लागि पनि लाग्ने प्रतिबद्धता जनाए । ‘हामी हाम्रा देशका स्वास्थ्य संकटसँग लड्न आफैं पनि स्रोत बढाउने प्रयास गरिरहेका छौं,’ उनले भने । संगठन सदस्य रहेका दक्षिणपूर्वी…

काठमाडौं, २२ असोज । भारत सरकारले बाढीपीडितका लागि आवश्यक सामाग्री उपलब्ध गराएको छ । बाँकेका प्रमुख जिल्ला अधिकारी खगेन्द्रप्रसाद रिजाललाई भारतीय राजदूतावास काठमाडौँका द्वितीय सचिवद्वय आषिश सिन्हा र नारायण सिंहले बाढीपीडितलाई आवश्यक सामग्री हस्तान्तरण गरेका हुन् । एक करोड १८ लाख ५१ हजार २० भारतीय रुपैयाँ बराबरको सामग्री प्रजिअ रिजालसमक्ष नेपालगञ्ज विमानस्थल परिसरमा रहेको ‘मानवीय सहायतस्थल’मा हस्तान्तरण गरिएको थियो । सो अवसरमा प्रजिअ रिजालले भारत सरकारलाई धन्यवाद दिए । सामग्रीअन्तर्गत क्लोरिन ट्याब्लेट, स्लिपिङ ब्याग, पानीको बोतल, त्रिपाल छन् । भारत सरकारको तर्फबाट आज पनि सामग्री आउने र सबै सामग्री सङ्कलन भएपछि मात्र हवाईजहाजमार्फत काठमाडौं पठाइने प्रजिअ रिजालले जानकारी दिए ।

काठमाडौं, २१ असोज । सोमबार नेपाल स्टक एक्सचेन्ज (नेप्से) परिसूचक ३७ दशमलव १३ अङ्कले बढेको छ । आज परिसूचक ३७ दशमलव १३ अङ्कले बढेर २ हजार ६ सय ९० दशमलव ७२ को विन्दुमा बन्द भएको छ । यसदिन शेयर बजार बढेसँगै कारोबार रकममा पनि केही सुधार देखिएको छ । यस दिन १ करोड ५८ लाख ४५ हजार ४४९ कित्ता शेयर ७३ हजार ११९ पटक खरिदबिक्री हुँदा ७ अर्ब ९ करोड ५९ लाख रुपैयाँ बराबरको कारोबार भएको छ । अघिल्लो दिन ६ अर्ब १३ करोड रुपैयाँ बराबरको कारोबार भएको थियो । आज ३०५ धितोपत्र कारोबारमा आए, जसमध्ये १७७ धितोपत्रको मूल्य बढेको…