Author: Bizness Khabar

काठमाडौं, ९ असोज । निर्वाचन आयोगले स्थानीय तह सदस्य उपनिर्वाचनका लागि दल दर्ताका लागि आह्वान गरेको छ । आयोगले आज (बुधबार) एक सूचना जारी गर्दै आगामी मंसिर १६ गते हुने स्थानीय तह उपनिर्वाचनमा भाग लिनका लागि राजनीतिक दलहरूलाई असोज १० गतेदेखि १६ गतेसम्म दर्ताका लागि आह्वान गरेको हो । आयोगले सूचनामा राजनीतिक दल सम्बन्धत्री नियमावली २०७४ को अनुसूची १२ बमोजिमको ढाँचामा दल दर्ताको निवेदन दिन अनुरोध गरेको छ । निवेदन कान्तिपथस्थित आयोगको कार्यालयमा कार्यालय समयभित्र दर्ता गराउन सकिने छ । दल दर्ताका लागि निवेदन दिँदा दलको पूरा नाम, संक्षिप्त नाम, स्थापना मिति, आयोगमा दर्ता भएको मिति, केन्द्रीय कार्यालयको ठेगाना, पत्रचार…

काठमाडौं, ९ असोज । चीन भ्रमणमा रहेका उपप्रधानमन्त्री एवम् अर्थमन्त्री विष्णुप्रसाद पौडेल र चीनका उपप्रधानमन्त्री हि लिफेङबिच चीनको राजधानी बेइजिङमा भेटवार्ता भएको छ । भेटका क्रममा दुई देशका आफसी हित र सहयोगबारे छलफल भएको बताइएको छ । भेटमा चीनका उपप्रधामन्त्री हि लिफेङले चीन सरकारको तर्फबाट विगतमा गरिएका घोषणा एवम् सहमति बमोजिम सहयोगका परियोजनाहरुको कार्यान्वयनलाई तीव्रता दिने बताए । उनले आगामी दिनमा नेपाललाई थप सहयोग गर्ने प्रतिबद्धता जनाएका छन् । सोही अवसरमाा अर्थमन्त्री पौडेलले केरुङ–काठमाडौँ रेल निर्माण, टोखा–छहरे सुरुङ मार्ग, किमाथाङ्का–हिले, हिल्सा–सुर्खेत–भुरीगाउँ सडक, मदन भण्डारी विज्ञान तथा प्रविधि विश्वविद्यालय, दमक औद्योगिक पार्क लगायतका पूर्वाधार निर्माणलाई अघि बढाउन अनुरोध गरेका छन् ।…

काठमाडौं, ९ असोज । नेपाली बजारमा सुनको मूल्य बढ्ने क्रम निरन्तर छ । नेपाल सुनचाँदी व्यवसायी महासंघका अनुसार आज छापावाला सुनको मूल्य प्रतितोला ७०० ले बढेर १ लाख ६० हजार ४०० रुपैयाँमा कारोबार भइरहेको छ । यो मूल्य हालसम्मकै उच्च हो । यसअघि असोज ८ गते (मंगलबार) सुनको मूल्य हालसम्मकै उच्च कायम भएको थियो । उक्त दिन छापावाला सुनको मूल्य प्रतितोला १ लाख ५९ हजार ७०० रुपैयाँ कायम भएको थियो । जुन बुधबार नै तोडिएको छ । बुधबार चाँदीको मूल्य पनि बढेको छ । मंगलबार प्रतितोला १ हजार ९१५ रुपैयाँमा किनबेच भएको चाँदीको मूल्य बुधबार बढेर १ हजार ९५५ रुपैयाँमा…

गण्डकी, ८ असोज । नेपालको पर्यटकिय राजधानी पोखरामा बुधवार सङ्घीयसहित सातै प्रदेशका पर्यटन मन्त्रीहरूको भेला हुने भएको छ । विश्व पर्यटन दिवसको अवसरमा पर्यटन मन्त्रीहरूको भेला हुन लागेको हो । गण्डकी प्रदेशका पर्यटन मन्त्रीको अध्यक्षतामा सङ्घीय मन्त्री, मुख्यमन्त्री र सबै प्रदेशका पर्यटन मन्त्री एवम् पर्यटनसम्बद्ध सङ्घसंस्थाका प्रतिनिधिको सहभागितामा ‘पोखरा पर्यटन राजधानी नीति संवाद’ कायक्रम हुने भएको छ । सङ्घीय पर्यटनमन्त्री र गण्डकी प्रदेशका मुख्यमन्त्रीले सम्बोधन गर्ने उक्त कार्यक्रममा निजी क्षेत्र पोखरा पर्यटन परिषद्, पोखरा महानगरपालिका र गण्डकी प्रदेश सरकारका तर्फबाट कार्यपत्रसमेत प्रस्तुत गरिने कार्यक्रम रहेको छ ।

काठमाडौं, ७ असोज । नेपाल उद्योग वाणिज्य महासंघका अध्यक्ष चन्द्रप्रसाद ढकालले नेपाल जस्ता विकासोन्मुख मुलुकहरूमा साना र मझौला उद्यमहरू अर्थतन्त्रको मेरुदण्डको रूपमा रहेकाले लगानी बढाउन र निर्यात बजारमा थप सहुलियतका लागि आह्वान गरेका छन् । एसियाली व्यापार प्रवर्द्धन फोरम एटीपीएफको थाइल्यान्डको राजधानी बैंककमा आयोजित कार्यक्रमलाई सम्बोधन गर्दै अध्यक्ष ढकालले समावेशी समृद्धिः एसियाली व्यापार अर्थतन्त्रमा आग्रह गरे । नेपालमा, साना तथा मझौला उद्योगहरूले जिडिपीको लगभग २२ प्रतिशत योगदान गर्ने भएकाले सो क्षेत्रको विकास तथा प्रवर्द्धनमा अन्तरक्षेत्रीय साझेदारीको महत्त्व रहेको अध्यक्ष ढकालले उल्लेख गरे । साना तथा मझौला उद्योगलाई क्रियटिभ इकोनोमी सँग ठिकसँग जोडेर विकास तथा प्रर्वद्धनमा जोड दिन थालिएकाले लगानी तथा…

काठमाडौं, ७ असोज । चालू आर्थिक वर्ष २०८१÷८२ को भदौमा घरजग्गा कारोबारमा ह्रास आएको छ । भूमि व्यवस्थापन तथा अभिलेख विभागको तथ्यांक अनुसार भदौ महिनामा ३२ हजार ७ सय ९८ वटा घरजग्गा किनबेच भएको छ, जुन साउनको तुलनामा २५ दशमलव १७ प्रतिशतले कारोबारमा कमी आएको हो । गत साउनमा ४३ हजार ८ सयभन्दा बढीको कारोबार भएको थियो । देशभरको मालपोत कार्यालयहरूबाट माथि उल्लिखित सङ्ख्यामा घरजग्गाको कारोबार भएको हो । गत आवको भदौको तुलनामा पनि यस वर्ष घरजग्गा कारोबार ८ दशमलव ०९ प्रतिशतले घटेको छ । गत आवको भदौमा ३५ हजारभन्दा बढी घरजग्गा कारोबार भएको थियो । यस्तै सरकारले चालू आवको…

काठमाडौं, ७ असोज । कार्यवाहक प्रधानमन्त्री प्रकाशमान सिंहले सहरी विकास मन्त्रालय अन्तर्गतका विभाग तथा आयोजना प्रमुखलाई काममा ढिलासुस्ती नगर्न निर्देशन दिएका छन् । उपप्रधानमन्त्री एवं सहरी विकासमन्त्री समेत रहेका सिंहले मन्त्रालय मातहत कार्यालय प्रमुख र आयोजना प्रमुखलाई सोमबार मन्त्रालयमै बोलाएर यस्तो निर्देशन दिएका हुन् । जनताले अनुभूति गर्ने गरी परिणाममुखी भएर काम गर्नुपर्नेमा उनले जोड दिए । उनले सहरी विकास मन्त्रालय मातहत सञ्चालित आयोजनाको प्रगति विवरणबारे जानकारी लिँदै सरोकारवालासँग समन्वय गरी काममा द्रुतता दिनुपर्ने बताए । ‘कुन आयोजनाको अवस्था के छ ? समस्या के छ ? भनेर बुझ्न छलफल राखेका हौं । टिम वर्कका खपमा अघि बढेर परिणाम दिनुपदिनुपर्‍यो,’ कार्यवाहक…

काठमाडौं, ७ असोज । श्रीलंकाका नवनिर्वाचित प्रथम कम्युनिष्ट राष्ट्रपति अनुरा कुमारा दिसानायकेले पद तथा गोपनियताको शपथ लिएका छन् । श्रीलङ्काको निर्वाचन आयोगले आइतबार दिसानायकालाई मुलुकको राष्ट्रपतिमा निर्वाचित भएको घोषणा गरेको थियो । शनिबार भएको निर्वाचनमा पिपुल्स लिबरेसन फ्रन्टका ५५ वर्षीय नेता दिसानायका ४२ दशमलव ३१ प्रतिशत मत प्राप्त गरी राष्ट्रपतिमा विजयी भएको आयोगले जनाएको छ । विपक्षी दलका नेता सजिथ प्रेमदासाले ३२ दशमलव ७६ प्रतिशत मत ल्याएर दोस्रो स्थानमा छन् । सन् २०२२ को आर्थिक सङ्कटको चरम अवस्थामा पदभार सम्हालेका र अन्तर्राष्ट्रिय मुद्राकोष (आइएमएफ) बेलआउटको सर्तअनुसार कठोर मितव्ययिता नीतिहरू लागू गरेका निवर्तमान राष्ट्रपति रनिल विक्रामासिङ्घे १७ दशमलव २७ प्रतिशत मत…

काठमाडौं, ७ असोज । श्रीलंकाका पूर्वराष्ट्रपति गोटाबाया राजापाक्षे काठमाडौं अवतरण गरेका छन् । उनी श्रीलंकन एयरलाइन्सबाट त्रिभुवन अन्तर्राष्ट्रिय विमानस्थलमा अवतरण गरेको काठमाडौंस्थित श्रीलकंन दूतावास स्रोतले जानकारी दिएको छ । उनी व्यक्तिगत रुपमा लुम्बिनी भ्रमणका लागि नेपाल आएको बताइएको छ । उनले नवलपरासीको शास्वतधामस्थित बुद्धिस्ट सेन्टरको भ्रमण गर्ने कार्यक्रमसमेत रहेको छ । भ्रमणको व्यवस्थापन नेपालस्थित श्रीलंकाली दूतावासले गरिरहेको छ । राजापाक्षे २ वर्षअघि श्रीलंकाका राष्ट्रपति रहेका थिए । तर उनी श्रीलंकामा भएको विशाल आन्दोलनपछि दुई वर्षअघि  देश छाडेर भाग्नु परेको थियो । पछि उनी पुनः श्रीलंका फर्केका थिए । उक्त आन्दोलनपछि श्रीलंकामा गत शनिबार पहिलो पटक राष्ट्रपतिको निर्वाचन भएको थियो ।…

काठमाडौं, ७ असोज । साउनमा उच्च अङ्कले बढेको शेयर बजार भदौ महिनाभर दबाबमा रहँदा पनि साढे २ अर्बभन्दा बढी पूँजीगत लाभकर संकलन भएको छ । सीडीएस एण्ड क्लियरिङ लिमिटेडका अनुसार चालू अर्थिक वर्ष २०८१÷८२ को भदौमा २ अर्ब ५७ करोड ९४ लाख रुपैयाँ पूँजीगत लाभकर संकलन भएको छ । समग्र बजार भदौ महिनामा १४ प्रतिशत (४२० अंक) घटेको थियो । भदौमा उठेको पूँजीगत लाभकर साउनको तुलनामा भने ३९ प्रतिशत कम हो । साउन महिनामा मात्रै ४ अर्ब २३ करोड ५३ लाख रुपैयाँ पूँजीगत लाभकर संकलन भएको थियो । एकै महिनामा संकलन भएको सो लाभकर हालसम्मकै उच्च हो । यस्तै चालू…